Matiyos 24:3 - Suri Latin

³ Na koo ogu Kutula Girarruny na tɛu bay ngonu. Na hunaa iho ngonuye, yɔk zuga kɔbhbhɛa nɔng hoya gɔra nɛnɛ bhichang na ghini na seyɛsɛ, “Ga yogogiytɔ! Ngangaye kolee ale bhugnyɛsɛnɛ ngalɔkta wa yokkonde ale a minang? Na lɔkte barar ale kòr na kàggaɛ kolea kunɛi :inyo na uturronɛa baye a lɔk giyong?”

Matiyos 24:3 ပူးပေါင်းရင်းမြစ်များ

Matiyos 13:36

Na nɔng koo dhɔyu zugo na ogo dorigiye. Na zuga kɔbhbhɛa nɔng hoya chɔɔ bhɛaa ihɛa :nɛa na seyɛsɛ, “Ga dhugunogiy lɔga shuroyaa iho guyɔ wa ɛlɛhɛnnani.”

Matiyos 13:49

Na ko nɔng kolea ale garsɛa ba kumulɔng, lɔgɔ ale a nganga. Ale zuga ekko :Tumu hony na kɛnganɛ zuga ku kuhuyaga bhɛa gaa ridhing ningginɛna,

Matiyos 15:12

Na koo zuga kɔbhbhɛa nɔng hoya gɔra nɛnɛ na seyɛsɛ, “Ngangaye hunde zuga kɔbhbhɛa damiya Bhɛrɛsi dhaa shigi lɔgaa yokkoni na hinisi te kɔrrɔye, wa tagu chi dha?”

Matiyos 16:27

Anye bhee kesenɛ ngangaye, a ngaya Hiri Hoynɛ ale lɔmmanɛ dirama Babaa nɛnɛ na dhɛanɛ ko zuga ekko :nɛa, na ɛdhdhɛttanɛ zugo bhiy bhiy damite lɔkte bere messɛ :yɔkkuye.

Matiyos 16:28

Ga shigitɔ! Bhɛa ngazukta chillɛ ngayaye, ga ale shaw ngarɛssɛayo na ɛlla ko bhee orɛ Hiri Hoynɛ hunde kun na allinɛnɛ zugoye, ɛllɛ.”

Matiyos 17:19

Na yɔk zuga kɔbhbhɛa nɔng koo kɛnggiyaa bhichang na assa Yesus na ghini na seyɛsɛ, “Ngangaye, mɛnɛngiyaa gina agge bhee ngakobhoniseonɛoyoye a ore?”

Matiyos 21:1

Na Yesus ko zuga kɔbhbhɛa nɔng hunaa hɛa na dokkɛa Yerusalem jaa ɔra iho Kutula Girarruny kèleo Betebhagaye, Yesus ibha zuga kɔbhbhɛa nɔng gee ku ramman na egu,

Matiyos 24:27

Anye kesennagung nganga ke ngaya Hiri Hoynɛ hunde ale kunde, hɛt ko tumua bhadhdha surr gɔra yaluny na kòrro chɔɔ gɔra tɔbhaye.

Matiyos 24:30

Na ngakoleonu ale tumɔ tundɔ kòr lɔga dhɔllanɛa Hiri Hoynɛ. Na zuga bhakkɛa ba kumulɔng ale orrɛ nɔng hunde bu kun idhogiye na bo lɔmmana diram ko barartinde na ruɛ goore.

Matiyos 24:37

Na bɛrguye ale kunɛ :nɛaye, ale hɛt ko bɛrgua bere Nɔa.

Matiyos 24:39

Na zugo annaa bere imaggɛa lɔga ale ɛrrinyana ko bhee ma honynyɛ na hukkanɛ yɔk kumulɔng. Na ko nɔng kolea ale kunɛa :Hiriyɔ Hoynɛ, ale a nganga.

Matiyos 24:43

Na mɛa ga tunggɛsɛ ngalɔkta keni kòyogogungge na tagatɔ! Nɔng hira ku ɛnaa dori hunde katak kolee kunɛ :ɔgɔrchagiyɔ barɔye, anda i tunɔ na bhɛginɛ na ɔgɔrchagi dori ngabhɔkko.

Matiyos 28:20

na madha na kɔbhtɛsɛ lɔga taa kamadhdhagungu :anyo kumulɔng na kɛbhɛgɛtɔ. Nɔng anye tii tii kɛ̀l kari ko igge ko bhee uturronɛ ba.”

Zuga Kèkko 1:7

Na Yesus yagɛsɛ na sɛɛsɛ, “Unga bere ɛsɛdhdhana ꞉Tumu sabbaa nɛnɛ bhee gayɛo ꞉iggeu ninggɛ.