Matiyos 24:10 - Suri Latin

¹⁰ Na ngakoleonu ale zugo ga mɛra dhɔttɛ bhɛa yɛbhbhɛanyɛa anye na marnɛ kɛngɔ na kona kɔdhdhɛsɛn lallɛn mirɔga na ko nɔng ngalallɛndonu me nganga sɛgɛn.

Matiyos 24:10 ပူးပေါင်းရင်းမြစ်များ

Matiyos 10:21

Nɔng ngakoleonu gɔynggɛ ale ɛkkɛnyannɛ kɛngɔ na gena kɔdhdhɛsɛnɛ gochonginyaa gɛ mirɔga na nissɛyɔ. Na choginggɛ ale bansɛsɛnɛ erroa gɛ na kɔdhdhɛsɛnɛ mirɔga na nissɛyɔ. Na erro ko yɔk ale bansɛsɛnɛ jugɛ ko choginggɛ na kɔdhdhɛsɛnɛ zugo na nissɛyɔ.

Matiyos 11:6

Nɔng inde guny lɔga ganyu na yɛbhbhany na ngadhɔttanyoye, a tuhinɛ.’”

Matiyos 13:21

Na koo ɛllanɛa bhe chinyi ke ngaya sinda shɛɛ ningginɛnɛye. Na hunde chɔllanɛnɛa lɔga Tumu oo kàhangɛa lɔga Tumuye, dhɔttɛa ngalɔkta yɛbhbhɛye shaw hung.

Matiyos 13:57

Na tamara na ta lɔga gɛnyɛ. Na nɔng Yesus sɛɛsɛ, “Nɔng hira yogɛsɛna zugo lɔga dhugunono :Tumu ɛngɛrsɛ :zugu ba kumulɔng. Na yɔk gee ngaɛngɛrsɛoye a zuga baa nɛnɛ ko zuga doraa nɛnɛ sɔng.”

Matiyos 24:11

Na butoga bo mɛra bhɔdhdhɛa rɛhi ke zuga yogɛsɛnɛa zugo lɔga dhugunono :Tumu ale bansanɛ na tabhbhɛ zugo ga mɛra.

Markos 13:12

Nɔng ngakoleonu gɔynggɛ ale ɛkkɛnyannɛ kɛngɔ na gena kɔdhdhɛsɛnɛ gochonginyaa gɛ mirɔga na nissɛyɔ. Na choginggɛ ale bansɛsɛnɛ erroa gɛ na kɔdhdhɛsɛnɛ mirɔga na nissɛyɔ. Na ko yɔk erro ale bansɛsɛnɛ jugɛ ko choginggɛ na kɔdhdhɛsɛnɛ zugo na nissɛyɔ.

Markos 4:17

Na yɔk ɛllanɛ bhe chinyi ke ngaya sinda shɛɛ ningginɛnɛye. Na hunde chɔllanɛnɛ lɔga Tumu oo kàhangɛ lɔga Tumu na dokkonɛ lɔkte dhandaliye, dhɔttɛ ngalɔkta yɛbhbhɛye shaw hung.

2 Timotiyos 1:15

Yɔk zuga kɛ̀yɛbhbha Yesus kari bhakkɛa baa Isiya kumulɔng hunde annaa bɔɔ dhɔttanyɔye, inye gayɔ. Yɔk chɔɔ ngazuktonu kona a Bhilogos ko Herwagenes rɛ.

2 Timotiyos 4:10

ke ngaya Demas nɔng bɔɔ tɛhɛnɛa lɔga messɛa :zuga marrɛa Tumu na dhɔyanyɔ na okka Tɛsɛlongkegiyeye. Na ko nɔng Kerike bɔɔ okka Galatiyagiye, na Tito ko nɔng okka Dalmatiyagiye.

2 Timotiyos 4:16

Nɔng chɔɔ anye kala bere sabbune kìchilɛanyi na kɛɛnganɛi lɔgɔ, zugo bere dhɔttanyɛa na hɛa kumulɔng na chɔɔ hirre dhɔnɛ ɛananyi bere ningginɛna dhul. Na Tumu nɔng any kɔgɔny ngalɔkta gɛye ke challi. Na ke gɛrsi ngagunyi.