Matiyos 23:8 - Suri Latin

⁸ Na nɔng igge zugo maya, ‘Rabbay’ ngaeleungɛo ke ngaya hira madhdhungu anɛ dhɔnɛ sɔng, na igge kumulɔng annɛno gɔynggɛye.

Matiyos 23:8 ပူးပေါင်းရင်းမြစ်များ

Matiyos 10:25

Na mɛa hira kàmadhdha, hunde kɛtɛhɛyɛ ko hira madhdha nɔng, anda a challi. Na ko nɔng hira kaynɛna hunde kɛtɛhɛyɛ ko hira kachcha :nɛa, anda a challi. Nɔng hira ku ɛnaa dori annaa bɔɔ kèliya Belzabul. Na ko yɔk zuga ɛlla doraa nɛnɛ kalda yɔk kèli sara gɛrsa dhogoy jorronɛa ngagiya!

Matiyos 17:5

Na nɔng hunde chinyi ngani yokkono lɔgɔye, idhoa bo hɔla ko na chɛbu yɔk. Na idhogiye toye shigi lɔkte sennɛ, “Erite nan ajjany hini hɔldin kibhɛsɛn hiniye, a nganda. Shigi nɔng!”

Matiyos 23:10

Na chɔɔ zugo ko yɔk maya ‘Hira Madhdhiy’ ngaeleungɛo ke ngaya hira madhdhungu anɛ :Kirisosi dhɔnɛnɛ sɔngge.

Matiyos 23:7

Na hunde hɛ gawugiyeye, hinnɛ bhɛa dhɔngɛa :zugu na issayɛa na senɛsɛnɛa, ‘Rabbay’.

Matiyos 26:25

Na hira kèleo Yihudha aleo kɔdhdhɛsɛna nɔng mirɔga, ghinu Yesus na sɛɛsɛ, “Hira Madhdhiy, nɔng anye ngakaniyo, oo kani anye ka?” Na yagɛsɛ :Yesusi na sɛɛsɛ, “A ngadamita senɛ :inyoye rɛ.”

Matiyos 26:49

Na koo ogu na assa Yesus ke tiri na sɛɛsɛ, “Hira madhdhiy, ani challi?” Na chɔmu.

Markos 10:51

Na ghinu :Yesusi na sɛɛsɛ, “Seni kèmessiny ɛnɛng?” Na nɔng hiri yagɛsɛ na sɛɛsɛ, “Hira Madhdhiye, keni kàr bho.”

Markos 11:21

Na Betiros kadha lɔga bare gina na sɛɛsɛ Yesus, “Hira madhdhiy, ga gɔny chamochiya bare chɔri! Dha bare dhɔrɔgɔu kak!”

Markos 14:45

Na hunaa dokkɛa ngonuye, nɔng Yihudha ogu na assa Yesus ke tiri na sɛɛsɛ, “Hira madhdhiy!” Na chɔmu.

Markos 9:5

Na Betiros sɛɛsɛ Yesus, “Hira Madhdhiye, nɔng ngaya kɛlɛo ngayaye, a challi. Na mɛa ga karakto gahachinde ku sizzi na kona ke nunu, kona ke Eliyas kona ke Muse.

Yohanis 1:38

Na nɔng Yesus budhɛ na aru yɔk hunde kɔbhbhɛye, na ghinu na sɛɛsɛ, “Lameo ɔng?” Na yɔk seyɛsɛ, “Rabbaye, bhagi ore?” (“Rabbay” a bhɛa kènɛa “Hira madhdhiy.”)

Yohanis 1:49

Na sɛɛsɛ :Natinayeli, “Hira Madhdhiy, inye ani eriya Tumu. Na chɔɔ ani Komoruya zuga Isirayeli.”

Yohanis 11:8

Na yɔk seyɛsɛ, “Hira Madhdhiye, kèe zuga Ayhudhi annaa bɔɔ ngani senno kɔchɔiny bɛnne. Na mɛa seni wak ngonu sɛgɛn?”

Yohanis 20:16

Na Yesus eliu nɔng na sɛɛsɛ, “Ngamariyam!” Na nɔng budhɛ na eliu tuga Hibiru goore na seu, “Rabbuni!” (“Rabbuni” a bhɛa kènɛa, “Hira madhdhiy.”)

Yohanis 3:2

Na barɔ ogu na assa Yesus na sɛɛsɛ, “Hira Madhdhiy, hunde ani hira ekkoninyi :Tumu na madhdhagiy lɔgɔye, kaggaoyɔ ke ngaya mesɛ ngalɔkta bu bararte. Inde ajjiny bhɛa mesɛi ngalɔktaye a Tumu sɔng. Kona ngayo.”

Yohanis 3:26

Na zuga kɔbhbhɛa Yohanis hoya na assa nɔng na seyɛsɛ, “Hira Madhdhiye, hira bere ɛllo Yordanosɔ tandɔ kari na inye kɔbhbhagiy lɔga gɛnyɛ, ko nɔng mɛa a ngandonu chur zugo na zugo kumulɔng hɛ bhɛa nɛnɛye.”

Yohanis 4:31

Na hunaa ngani hɛaye, yɔk zuga kɔbhbhɛa Yesus tɔllɔsɛsɛ nɔng na seyɛsɛ, “Hira Madhdhiy, ga tar amissɛ bhe chinyi!”

Yohanis 6:25

Na zugo hunaa hɛa na orrɛa Yesus yirisiyɔ tandɔye, ghini na seyɛsɛ, “Hira Madhdhiye, ngaya kuni minang?”

Yohanis 9:2

Na ghini :zuga gɛnyɛ kɔbhbhɛa na seyɛsɛ, “Hira madhdhiy, ngangaye, mɛa ngahirra hunde a nganda kùhudhukkono kawarɛ ke chagiye go, dha bere lɔga gɛrsa me :nɛa oo messɛ :zuga gɛnyɛ?”

Silimona 1:16

Na nɔng hunde kalda wurtɔ ale bhakko kariye, gaymay ngani ngaanno. Na chɔɔ ale jorrono bhɛa bere anɛa gaymay na heo ko gochonga nunu ku tull. Nɔng chɔɔ ko hunde bhɛa nanu kete gochonga kibhinɛno hinisi, inye kalda jaraany anye na ibhtɛ hinisi goore ke ngaya ale anɛo dehunyɛa na chɔɔ bhɛa Komoru Tumu anɛo gochonginyaye.

Yaykob 3:1

Gochonginyaye, bhɛa nu zuga madhdhɛa zugo lɔga Tumu any kete muchugi ke ngaya zuga madhinɛna ale maragɛ :Tumu goore kalde ale kedhdhɛ lɔga zugonyde.