Matiyos 23:15 - Suri Latin

¹⁵ “Ngazukta tabhbho zugo nigite bu madhdho zugo Damiya Tumu bere kàjjɛa Museye, ko ngagiya kɔbhbho damiya Bhɛrɛsiye, ale ruyɛo rɛhiya gu. Igge woyɛo ba kumulɔng ko yirsɛna na lameo hira senno bhɔdhɔ na kɔɔbh lɔga yɛbhbho :iggeu. Na hunde jɔyao na madhto na yɛbhungɔye, nɔng kalda a eriya jorronungu bhɛa kàttiyɛungu igge goa iho dhul jagarɛ kɛngi ramman.

Matiyos 23:15 ပူးပေါင်းရင်းမြစ်များ

Matiyos 23:13

“Na mɛa ngazukta tabhbho zugo nigite bu madhdho zugo Damiya Tumu bere kàjjɛa Museye, ko ngagiya kɔbhbho damiya Bhɛrɛsiye, igge ale ruyɛo rɛhiya gu, ke ngaya nyugɛo ganggua senno kaytɛ :zugu gɔra lɔmɛa :Komoruya tumony zugoye. Nɔng igge sabbiya gu rɛ, marro bhɛa hɛyɛo bhɛa lɔmɛa :Komoruya tumony zugo na chɔɔ kanyɛo zuga hinnɛa bhɛa senno kaytɛ ngonu.

Matiyos 3:7

Na hunaa Yohanis orro zuga bo mɛra kɔbhbhɛa damiya Bhɛrɛsi ko ga kɔbhbhɛa damiya Sodhokka hunde hony bhɛa churɛa :nɛa zugoye, sɛɛsɛ, “Ngahoyaa kurmusinyanyde, ngangaye inde ibbachchung na jara ngaattiya Tumu kunde a nɛng?

Matiyos 5:22

Na nɔng anye kesennagung, chɔɔ inde dɛmnyɛsɛn hiriye, ale kìghin na kàttiyɔ. Na inde dhɔm na senɛsɛn, ‘Sabba dhittinɛye’, ale kòjjɛsɛn lɔgɔ bhɛa zuga bibiyo kedhdhɛa lɔgɔ na kàttiyɔ. Na nɔng inde dhɔm na senɛsɛn, ‘Dalleye,’ ale kàtti goa ngadhiynɛnao dhul.

Matiyos 5:29

Na hunde kawariya nunu sɛtɛnuny tisseny na me lɔga gɛrsaye, tɔkɔla na ujjuga. Ko bhee rɛa nunu kumulɔng kùjjugɛsɛn goa iho dhul, hunde kagar bhee tissenyde hung, a challi.

Yohanis 8:44

Nɔng igge anno erroa babaa nu Moldoyny na senno mesigi lɔga hinnono :nɛa. Nɔng a hira bere nissono zugo kingi na marra lɔga ku dhere ke ngaya lɔga ku dhere bhɛa nɛnɛ ningginɛnɛye. Na chɔɔ hunde mɛzzi butomoye, yokkono kabiya nɛnɛ butomo ke ngaya anɛ butogi na butomo bere shigininyanɛ bhɛa nɛnɛye.

Zuga Kèkko 13:10

na sɛɛsɛ, “Inye ani eriya Moldoyny na ani mirogiya lɔga ku dhere kumulɔng. Na lɔmi kuhuyamo na tabi zugo goore. Na ngalɔkta liyɛ ganggua Komoruyny iho dibte ngadhɔyiyo kɛ ɔng?

Zuga Kèkko 13:43

Na zugo hunaa bhassaninyana doraa kàmadhɛa zugo lɔga Tumuye, zuga Ayhudhi ga mɛra ko bhorinya gen ga yɛbhbhɛa Damiya Tumu bere kàjjɛa Muse goore kɔbhɔ Bhaulos ko Barnabas. Na yɔk madha na kiriytɛ na kabhaga chaldina Tumu tii.

Zuga Kèkko 14:19

Na zuga Ayhudhi gen hoya Ansokiyagiye ko Ikoniyomɔ na kɔnkɔnɔ zugo na kɔchɔ Bhaulos bɛnne. Na chɔ na tugurtɛsɛ ɔr dhey. Yɔk sennɛ wa ere.

Zuga Kèkko 14:2

Na yɔk zuga Ayhudhi marrɛa ngalɔkta gen kɔnkɔnɔ bhorinyaa anaa ngani kamannaa Yesusi kɛyɛbhtao na kowoloktɛ ko zuga yɛbhbhɛa Yesus.

Zuga Kèkko 17:13

Na zugaa gina ku Ayhudh bhakkɛa Tɛsɛlongke hunaa takta hunde Bhaulos madhinɛnɛ lɔga Tumu Beriyagiyeye, ago ngonu na kɔnkɔnɔ zugo na bhori ba sɛgɛn.

Zuga Kèkko 2:10

ko Bhirgiyagiye ko Bhimbiliyagiye ko baa Gibsi ko Keritɔ ko Arabɔ, na gena kàn zuga kàbhakka Libiya gɔra Kerena jaa na gen kàn kɔmɔna kòhonynyo Romegiye ku zuga Ayhudhi ko bhorinya gen ga bere yɛbhbhɛa Damiya Tumu bere kàjjɛa Muse kari. Na agge hunde kìshigi ngazukta Gelilaye hunde mɛzzɛɛ tugiya ga bhiy bhiy na yokkonɛ lɔga bo kìwacheo messo ꞉Tumuye, dhaa tɔlɔ ɔng?”

Zuga Kèkko 6:5

Na hunaa zugo shikkɛa ngalɔktaye, hinisiya gɛ te hɔli. Na bɛrta hira yɛbhbha Tumu goore bere kɔsɛna ꞉Kuloya Tumu kèe Istibhanos. Na koo tɔrtɛ Bhilibhos ko Birokɔrɔ ko Nikarona ko Timona ko Barmena ko hira bhora anaa bere yɛbhbha kera Muse na wurtɔ yɛbhbha lɔga Yesusi kùhudhukkono Ansokiyagiye kènno Nikolas.