Matiyos 23:14 - Suri Latin

¹⁴ “Na igge ngazukta tabhbho zugo nigite bu madhdho zugo Damiya Tumu bere kàjjɛa Museye, ko ngagiya kɔbhbho damiya Bhɛrɛsiye, ale ruyɛo rɛhiya gu, ke ngaya tiranyɛo tɛrroa ku bhoyoga na usurranɛo ahaa gɛye. Nɔng igge attiya nu, ale a dhandali, ke ngaya hunde allinɛno ko Tumuye, ekkanɛo lɔgɔ dirr huna naa senno kartɛung :zuguye.

Matiyos 23:14 ပူးပေါင်းရင်းမြစ်များ

Matiyos 11:24

Na mɛa anye kesennagung ɛnɛnggeo, kolea ale kedhdhɛa :Tumu lɔga zugony, bhɛa attiya nu, ale chali attiya kàttiyɛa zuga Sodomi.

Matiyos 23:13

“Na mɛa ngazukta tabhbho zugo nigite bu madhdho zugo Damiya Tumu bere kàjjɛa Museye, ko ngagiya kɔbhbho damiya Bhɛrɛsiye, igge ale ruyɛo rɛhiya gu, ke ngaya nyugɛo ganggua senno kaytɛ :zugu gɔra lɔmɛa :Komoruya tumony zugoye. Nɔng igge sabbiya gu rɛ, marro bhɛa hɛyɛo bhɛa lɔmɛa :Komoruya tumony zugo na chɔɔ kanyɛo zuga hinnɛa bhɛa senno kaytɛ ngonu.

Matiyos 23:33

“Ngazukta bu hɛtto ko konnaa lɔmmɛa madhdha ko hoyaa kurmusinyanyde! Ngangaye igge senno ale jorro bhɛa ale kùjjukkanɛungu na kàttiyɛungu goa iho dhul ka?

Markos 12:40

Na yɔk hunde allinɛ ko Tumuye ghurtɛ lɔgɔ tɔllɔng na kargi :zugu, na tiranyɛ tɛrroa ku bhoyoga na usurrannɛ ahaa gɛ. Yɔk ngazukta ku ngangaye kolea ale kedhdhɛa ꞉Tumu lɔgɔ, attiya nɛ a bu.”

2 Timotiyos 3:6

Yɔk ngazukta agga tabhɛsɛnɛa zugo lɔgɔ na hɛa doriyoa zugony na tabhbhɛa tɛrroa tɔlgɔnya messɛa lɔga gɛrsa na margiyɛa :lɔga bo mɛra ku kuhu hinnonɛa :sabbiya gɛ na chɔllanɛnɛa.

Tito 1:10

Yɔk zuga irrannɛa na marrɛa ngalɔkta na itabhbhɛa zugo na woɛa lɔgɔ gɔrɔ a mɛri. Yɔk ngazuktonu messɛ ngangaye dhogoy gena a ngazukta madhɛsɛnɛ zuga yɛbhbhɛa kamannaa Yesusi lɔga kègedhdhɛa rɛhiya mayaye rɛ.

Yaykob 3:1

Gochonginyaye, bhɛa nu zuga madhdhɛa zugo lɔga Tumu any kete muchugi ke ngaya zuga madhinɛna ale maragɛ :Tumu goore kalde ale kedhdhɛ lɔga zugonyde.

2 Betiros 2:14

Ngazukta kawara gɛ yɔk kali kali lamɛɛ lɔga lollumo, na bhee dhɔyɛ bhɛa messɛa lɔga gɛrsa ninggɛ dhul. Na tissɛ zukte Tumu goore ngayɛbhbhɛo lɔmmɛ hinisi rammande na ko yɔk kemesigi lɔga gɛrsa. Na a chɔrnɛ ke ngaya anɛ ghilɔnyaa dha bere chirkannanɛa lɔga gɛrsa kingiye.

2 Betiros 2:3

Na ngazukta ku butoga bhɔdhdhɛ lɔgɔ na yokkonɛ huna naa yogɛsɛna :Kuloya Tumuye, yɔk chirkannɛ bhɛa senno kɔjɔyay birinya na ale madhdhagungɛ lɔga gɛ ku butomo na tiranyɛungɛyɔ. Na nɔng Tumu annaa bere ɛsɛdhdha lɔga ale ujjukkanɛa yɔk na attiyɛa. Na attiya nɛ chɔɔ bhee ihɛ dirr ninggɛ.