Matiyos 23:13 - Suri Latin

¹³ “Na mɛa ngazukta tabhbho zugo nigite bu madhdho zugo Damiya Tumu bere kàjjɛa Museye, ko ngagiya kɔbhbho damiya Bhɛrɛsiye, igge ale ruyɛo rɛhiya gu, ke ngaya nyugɛo ganggua senno kaytɛ :zugu gɔra lɔmɛa :Komoruya tumony zugoye. Nɔng igge sabbiya gu rɛ, marro bhɛa hɛyɛo bhɛa lɔmɛa :Komoruya tumony zugo na chɔɔ kanyɛo zuga hinnɛa bhɛa senno kaytɛ ngonu.

Matiyos 23:13 ပူးပေါင်းရင်းမြစ်များ

Matiyos 23:16

“Ngazukta kawarɛ chakkung dhiganno zugoye, igge ale ruyɛo rɛhiya gu, ke ngaya senɛo, ‘Hiri hunde kibhiik lɔga senno keme sara doraa Tumu barara na ngamesi, bhee gɛrsi ninggɛ. Na nɔng hunde lɔgɔ bhiigu sara worgiya iho doraa Tumu barara toyeye, maya ngalɔktonu urrugɛsɛn dhereye.’

Matiyos 23:23

“Ngazukta tabhbho zugo nigite bu madhdho zugo Damiya Tumu bere kàjjɛa Museye, ko ngagiya kɔbhbho damiya Bhɛrɛsiye, ale ruyɛo rɛhiya gu. Igge ibhbhano ghimamunyaa gu chicho chicho anyanganisiyɛo aha na toyeo na hunde a tɔmmɔn tɔmmɔnde, dhɔnɛ dhɔnɛ ibhbhano na ajjɛo Tumu shɛɛ chi. Na yɔk ngalɔkta bu dhandal ɛl Damiya Tumu bere kàjjɛa Museye, dhɔtto na ngamessoo. Yɔk ngalɔktonu agga kègedhdhɛa lɔgɔ shɛɛ na kìchirbhisiyɛa zugo ko ga kànɛa zuga yɛbhbhiyɛa :zugu. Na nɔng igge maya chɔɔ bere messo ngalɔkta wurtuneye ko ngagiya sabbuneye kari na gena ngadhɔttoo.

Matiyos 23:25

“Ngazukta tabhbho zugo nigite bu madhdho zugo Damiya Tumu bere kàjjɛa Museye, ko ngagiya kɔbhbho damiya Bhɛrɛsiye, igge ale ruyɛo rɛhiya gu ke ngaya messɛo lɔgɔ na kɔgɔnydɛung :zugu huna zuga ridhing ningginɛnaye. Nɔng igge hinisichinne anno ga chirkanno ahaa zugony na ɛsɛdhdho lɔga rɛhiya gu sɔng. Na hɛtto ko kubbay ko kɛdhɛma kònynyono bhuguy sɔng na kɛngɔ toye ngani lɔmma gidhanggey.

Matiyos 23:27

“Ngazukta tabhbho zugo nigite bu madhdho zugo Damiya Tumu bere kàjjɛa Museye, ko ngagiya kɔbhbho damiya Bhɛrɛsiye, ale ruyɛo rɛhiya gu. Igge hɛtto ko igingoa bo kùhukko shɛɛ na kàrakka dhɔra hɔla na anna ga bo challa dhogoy na yɔk toye dhinɛnɛa gigaa zuga rɛssɛa ko gala bo mɛra dhikkɛa zugo.

Matiyos 23:29

“Ngazukta tabhbho zugo nigite bu madhdho zugo Damiya Tumu bere kàjjɛa Museye, ko ngagiya kɔbhbho damiya Bhɛrɛsiye, ale ruyɛo rɛhiya gu. Igge ibhbhano igingoa zuga bere yogɛsɛnɛa zugo lɔga dhugunono :Tumu ko ga zuga bere ridhing ningginɛna rɛssɛa kingi na dhakko simbiliyɔ na messo shɛɛ shɛɛ,

Matiyos 3:7

Na hunaa Yohanis orro zuga bo mɛra kɔbhbhɛa damiya Bhɛrɛsi ko ga kɔbhbhɛa damiya Sodhokka hunde hony bhɛa churɛa :nɛa zugoye, sɛɛsɛ, “Ngahoyaa kurmusinyanyde, ngangaye inde ibbachchung na jara ngaattiya Tumu kunde a nɛng?

Yohanis 9:22

Yɔk chɔgɔnɛ ko jɔnɛ bhee bere senɛ ngangaye, a ngaya ɛngɛrsɛ gulsachina Ayhudhiye. Yɔk zuga Ayhudhi dha bere ojjonɛ lɔgɔ sabbɔ na sennɛ, “Hunde tɔlɔ hirre se, ‘Yesus a Kirisose,’ kùchugu na doraa madhinɛnɛa zuga Ayhudhi lɔga Tumu ngakuni.”

Yohanis 9:24

Na koo eliyo hiraa kòono kawarɛ sɛgɛn, na seyɛsɛ, “Inye ga tɛngɛr Tumu na dhugunogiy lɔga ku dhere dib. Nɔng ngahirra ibbayseinyde hunde a hira messo lɔga gɛrsaye, agge kaggaoyɔ.”

Yohanis 9:34

Na yɔk hunaa shikkɛa ngalɔktaye, seyɛsɛ, “Inye ihineya bere hudhukkinyanɛi, ani hira gɛrsa lɔmi ridhing! Na mɛa seni madhiy agge ɛnɛng?” Na chugu na obhonisi bhɔ.

Zuga Kèkko 13:8

Nɔng dha bere deniya kènno Baryesus tuga Giriki sara gɛnyɛ keli Elmas. Na Elmas a bhɛa kènɛa “Deni.” Na nɔng taganyɛ Barnabas ko Saol lɔgɔ na gulsa lɔga Tumu ngayɛbhi.

Zuga Kèkko 5:28

“Huna bare kamadhtungɔ kɛr na kennagungu, ‘Zugo sara Yesusi ngamadhdho!’ Na igge dha bare madhtɛsɛo na chɔɔ Yerusalem tɛhɛtɛy ko lɔga gu. Ngangaye gigeya bɔɔ ngahirra rɛsse senno kɔ̀tɔlɔmbo ꞉aggeu dha?”

Zuga Kèkko 5:40

Na zuga kedhdhɛa lɔgɔ shigi lɔga Gɛmaliya. Na eliyo zuga ekko ꞉Yesusi na dhaga na ayɛ lɔgɔ na wurtɔ sara Yesusi ngayokkɛ na ɔtta.

Zuga Kèkko 8:1

Na ko nɔng Saol dha bere hinɛsɛn Istibhanos rɛsɛ. Na kala rɛsɛa ꞉Istibhanosi lɔgɔ te dhandali goore. Na zuga yɛbhbhɛa Yesus ɛlla Yerusalemɔ kumulɔng kɔ̀gɔrta na bhassayɛ. Na gena hanggɛ oriya ɛlla baa Samariya, gen hanggɛ oriya ɛlla baa Yudha. Na Yerusalemɔ dhɔttɛ ꞉zuga bere ekko ꞉Yesusi sɔng.

2 Timotiyos 3:8

Na zukte madhɛsɛnɛ zugo lɔga ku butomoye, yɔk marrɛ lɔga ku dhere damiya bere marɛa :Yanesi ko :Yambɛri lɔga Muse. Na sabbiya gɛ a dhittinɛ na ɛsɛdhdhɛ kuhuyamo na bhɛa lɔga kɛ̀yɛbhɛa Yesus yɔk agga hologun ningginɛna.

2 Timotiyos 4:15

Na ko inye bhɛa ngahirra, tɛ kɔk na bhɛk rɛa nunu, ke ngaya nɔng marɛ lɔga kàmadhinɛnɛa :aggeu gooreye.