Matiyos 2:16 - Suri Latin

¹⁶ Na Heredios hunaa tagga lɔga tabhɛa :zuga gayɛa bhoye, dɛbu goore. Na yogɛsɛ bholisa gɛnyɛ lɔgɔ na kago Betelemɔ ko oriya ɛlla dheyyɔ dheyyɔ na kindi erroye may oynya ku ramman ko gee oynya ramman ngani keteyoye kumulɔng. Nɔng bhee dha bere se kinɛ erroye a ngaya dha bɔɔ zuga gayɛa bho dhugunɛsɛnɛ nɔng kolea orɛa munyunyi hunde dha bɔɔ te oynya rammande.

Matiyos 2:16 ပူးပေါင်းရင်းမြစ်များ

Lɔgɔ Sabba 39:14

eleo zuga mesinɛna doraa nɛnɛ na sɛɛsɛ, “Ga gɔnyigiyɛ! Ngahirra ku bhora Hibiru mesinɛ ngaya bere kunɛ :hira nanuye se kitiranyɛiytɔ. Wa tunnugogonyɔ dorigiye na seaganyɔ, ‘Keni kùtunggi kari’ na anye karra wuy goore.

Lɔgɔ Sabba 39:17

Na hunaa gulsa kunnoye, kɔbhɛsɛ :tɛriyɔ ngalɔkta na sɛɛsɛ, “Ngagaymayta ku bhora Hibiru bere kunɛye wa tunnugogonyɔ bhɛa kùngusɛa na ajjo ngani kaany liya.

Lɔgɔ Sabba 49:7

Na dɛmneya nu bo ɛngɛrsɛa :zugu ko ngakuhuyamoya nu bu ɛddɛyɛo baye, any kete chɔrnɛ. Ale kabhassay ashaa gu kumulɔng na kabhassasɛn baa Isirayel toye.

Matiyos 2:1

Na Yesus hunaa hudhukkiyaa Betelemɔ ɔra iho baa Yudha bɛrgua allinɛnɛa :komoruya kèe Herediose, yɔk zukte gaɛ bho banda yalɔ na hoya chɔɔ Yerusalem,

Matiyos 2:17

Na hunaa tewa ngangaye, lɔga bere yokkono :hira yogɛsɛna zugo lɔga dhugunono :Tumu kèe Ermiyas bhugnyɛsɛ. Yɔk ngalɔktonu sennɛ,

Matiyos 2:7

Na Heredios koo eleo zugaa gayɛa bho dari na ghinu kolee bere orɛ munyunyiye. Na yɔk kɔbhtɛsɛ na tagu shɛɛ.