Matiyos 2:11 - Suri Latin

¹¹ Na hunaa tunnukkɛa doriye, argi eri hunde ɛl ko jɔnɛ Mariyambe, na tɔgɔndɛsɛ kɔmma na ayɛ diram. Na koo oyo giligilinyaa gɛ lɔmmɛa ahaa bo dhandala na ibhta worginya ko kɛya ɔngɔnaa hur hur ko galite hɛt ko bokkoy na ayɛ.

Matiyos 2:11 ပူးပေါင်းရင်းမြစ်များ

Lɔgɔ Sabba 43:11

Na chɔgɔnɛ yagɛsɛ na sɛɛsɛ, “Yee, hunde wa te wochinde, ibhta dhɔllanga bo ɔngɔna choy choy ko rɛtɛ ko ghimamunya ko dhɔllanga kèmessonɛa zibunya ko kɛnɔ kawara eggissonɛa ngabaya gen na ayɛsɛ ngagulsaonu.

Matiyos 1:18

Yɔk lɔga bere kùhudhukkonɛa Yesus Kirisos a ɛnɛnggeo, dha bere sedhdheyte kèe Mariyam tɔginɛnɛ :hirre kèe Yoseb. Nɔng ngasedhdheytonu a ngatɛrita ku mama Yesus Kirisosiye rɛ. Na dha bere huna ko hira nɛnɛ kari ngani kɛtɛldao, lɔmmana eri barartina Kuloya Tumu.

Matiyos 12:46

Na Yesus hunaa ngani yogɛsɛna zugo lɔgɔye, yɔk gɔynggɛ ko jɔnɛ dha bere chillɛ bhɔ na lamiɛ bhɛa senno kɛmɛzziyɛ ko nɔng.

Matiyos 14:33

Na zugaa ɛlla gonggulɔ toye seyɛsɛ, “Inye dhaa ani Eriya Tumu dhere,” na tɔgɔndɛsɛ kɔmma.

Matiyos 2:2

na ghini zugo na seyɛsɛ, “Ngangaye, Komoruya Ayhudhi bɔɔ ngani hudhukkinyana, i ori? Agge bɔɔ korro munyunyiya nɛnɛ yalɔ hunde ujjonoye. Na mɛa aynde kohonyɛo na kɔ̀tɔgɔndɛsɛo kɔmmaye.”

Yohanis 19:39

Na ɛa :hira kènno Nikodhimos bɔɔ sabbɔ boɛsɛna Yesus barɔ na ghinno lɔgɔ. Nɔng Nikodhimos bere kunɛa zibua bo ɔngɔnaa hur hur uchuguranɛna ko galiya hɛtta ko bokkoy. Nɔng ngazibuonu hunde kɛ̀lɛhɛn dhidhingginde heo a kilonya 34.