Matiyos 19:21 - Suri Latin

²¹ Na yagɛsɛ :Yesusi na sɛɛsɛ, “Hunde hini bhɛa seni teyɛ hira hɔla hurr ridhing ningginɛnaye, ok tallɛy ahaa lɔmi kumulɔng na birinya aynɛ bhoyoga. Na inye ale kɛdhdhɛttanniny :Tumu ahaa bo dhandala tumɔ. Na hunde mesu nganga na te ushaye, wo na kɔbhanydɔ!”

Matiyos 19:21 ပူးပေါင်းရင်းမြစ်များ

Lɔgɔ Sabba 17:1

Na Awuram hunaa oynyaa gɛnyɛ anna 99de, dhɔlɛsɛ ꞉Tumu rɛ na sɛɛsɛ, “Anye kani ‘El Shaday,’ Komoruya Kɔani Lɔgɔ Kumulɔng. Na igomogony anye na kali kali bhɛk lɔga ganyu ku dhere sɔng na te hira ridhing ningginɛna.

Lɔgɔ Sabba 6:9

Na mɛa te lɔga bere messo :Nɔa. Nɔa dha bere a hira ridhing ningginɛna lɔga gɛrsa ngani kɛddɛayo. Na kɔbh ganggua Tumu sɔng.

Matiyos 16:24

Na sɛɛsɛ zuga kɔbhbhɛa nɔng, “Inde hin bhɛa senno keteɛ hira kɔbhbhanyi anyeye, maya dhɔt lɔga sabbaa nɛnɛ na it kɛya kìlagɛa na kɔbhbhany kali kali.

Matiyos 19:20

Na nɔng tɛgayaa gina sɛɛsɛ, “Na kèe yɔk ngalɔkta kumulɔng bere kɛbhɛkka. Na gee ngani ɛllaganyɛ geleye a giyong?

Matiyos 19:22

Na tɛgay hunaa shikko ngalɔktaye, nɔng munyuɛsɛ gɔrɔ gɔrɔ na ogo ke ngaya dha bere lɔmɛ ahaa bo mɛraye.

Matiyos 19:28

Na sɛɛsɛ :Yesusi, “Ga shigitɔ! Bɛrgua ale bhɔdhɛa :Tumu lɔga bany kumulɔng ke chagi, hunde ale Hiri Hoynɛ i alleya nɛnɛ komorumo bo lɔmma dirambe, ko igge ngazukta kɔbhbhanyu anye ku 12de, ale ɛllo alleyiya komorumo ku 12 na kedhdho lɔga bhorinyaa Isirayeli ku 12.

Matiyos 4:19

Na sɛɛsɛ :Yesusi, “Ga hoya kɔbhtaanyu, na kàmadhung na kòjjung ke zuga mukkano zugo ngadamita ibhɛo urgusaye!”

Matiyos 5:48

Nɔng Baba nu iho tumɔ anna iho hurr ridhing ningginɛna dhul. Na ko igge te nganga.

Matiyos 8:22

Na nɔng Yesus sɛɛsɛ, “Yɔk zuga rɛssɛa any koytɛ :eygo kɛngɔ. Inye ga kɔbhaanydɔ!”

Matiyos 9:9

Na Yesus hunaa bansana ngonu na kɔaye, koo aru hirre muk gharata kèe Matiyos hunde i bay bhɛa mugɛa gharataye na sɛɛsɛ, “Ga kɔbhaanydɔ!” Na nɔng bana na kɔbhu.

Markos 10:21

Na Yesus gɔnyu hiri na teyelu na sɛɛsɛ, “A challi. Nɔng ahite dhɔnɛ ihhoginy gele ngani ihe. Na mɛa ok na dhuma ahaa lɔmi kumulɔng na tallɛy na ngɛrɛsɛ bhoyoga, na inye ale kɛdhdhɛttanniny :Tumu ahaa bo dhandala tumɔ. Na hunde mesu nganga na te ushaye, wo na kɔbhany anye.”

Markos 2:14

Na hunaa dhoo ngonuye, aru eriya Ilbiyosi kènno Lewiy hunde i bay bhɛa mugɛa gharataye, na sɛɛsɛ, “Ga kɔbhaanydɔ!” Na nɔng bana na kɔbhu.

Markos 8:34

Na koo eleo zugaa muknyɛsɛnɛa nɔng ko zuga kɔbhbhɛa nɔng na hoya gɔra nɛnɛ na yogɛsɛ lɔgɔ na sɛɛsɛ, “Inde hin bhɛa senno keteɛ hira kɔbhbhanyi anye dhereye, any kɔdhɔ lɔga sabbaa nɛnɛ na kɛtɛ kɛya kìlagɛa na kɔɔbhany anye kali kali.

Yohanis 10:27

Yɔk mɛdɛrniya ganyu kaggayɔ. Na ko yɔk gaɛ tuga nanu na kɔbhbhanyɛyɔ.

Yohanis 12:26

Inde kachanyde, any kɔɔbhany anye. Na aynde ko nɔng ale i bhee kihɛ :anyoye. Nɔng hirre kachanyde, ale dhɔng :Babaa nanu na ajjɛ diram.

Zuga Kèkko 2:45

Na gee lɔmmɛ aha na talnɛnɛye birinyaa tallanɛa ngɛrɛsɛnɛ gee chɔllanɛye.