Matiyos 19:16 - Suri Latin

¹⁶ Na koo hir kona ko gɔ̀rrè Yesusiye na ghinu na sɛɛsɛ, “Hira madhdhiy, ngangaye bhɛa keni kɔ̀jɔyay basseya iho dhul, maya lɔkte chal kemesiye a lɔk giyong?”

Matiyos 19:16 ပူးပေါင်းရင်းမြစ်များ

Matiyos 19:15

Na hunaa tadhɛa erro sɛnɔ na tewa ushaye, bana na dhɔyu ngonu na ogo.

Matiyos 19:26

Na nɔng gɔnyu yɔk na sɛɛsɛ, “Ngalɔkta bhee ɔanɛ :hiriyɔ ninggɛ. Na nɔng bhɛa Tumu, lɔgɔ ɔninya kumulɔng.”

Matiyos 19:29

Yɔk zukte dhɔttɛ doriyoa gɛ oo gɔynggɛ oo ngɔnigɛ oo choginggɛ oo jugɛ oo erro oo gunya ke bhɛa kɔbhbhɛanyɛa anyeye, ale kɛ̀dhdhɛttan na lɔga gɛ jorronɛ ga bere sabbune jagarɛ kɛngi 100 na chɔɔ kàjjɛ basseya iho dhul.

Matiyos 25:46

Na ngazukta gɛrɛ ku ngangaye yɔk ale hɛ bhɛa attiya iho dhul ko kingi. Na yɔk ga ridhing ningginɛna ale hɛ bhɛa basseya iho dhul.”

Yohanis 10:28

Na kajjɛ basseya iho dhul na ngagarsɛ. Na chɔɔ inde ale mayichchonony bhɛa ɛlɛa siya nanu, ninggɛ dhul.

Yohanis 12:25

Nɔng hirre marrany anye na hin lɔga sabbaa nɛnɛye, ale ujjuk rɛ. Na nɔng inde mar lɔga sabbaa nɛnɛ na hunde ngani bhak ba ngayaye ibhbhagany anye hiniye, ale ibbaysi rɛ na jɔana basseya iho dhul ko kingi.”

Yohanis 3:15

na zukte yɛbhbhɛ nɔngge kumulɔng ale kɔjɔya basseya iho dhul.

Yohanis 4:14

Na nɔng inde ma maye kajjɛ :anyoye, ale huny sɛgɛn ngani ngadhakko dhul. Chɔɔ maye kajjɛ nɔngge ale heo maa ku kawari na dhudhuttanɛ kɛnga nɛnɛ toye ke basseya iho dhul.”

Yohanis 5:39

Nɔng igge toyeo dadabinyaa Lɔga Tumu goore na marakko ke ngaya senno ale jɔanɛo ganggua basseya iho dhulde. Yɔk ngadadabinyaonu agga yokkɛa lɔga ganyu

Yohanis 6:47

Na mɛa ga shigi shɛɛ! Inde yɛbhbhany anyeye nɔng lɔ basseya iho dhul.

Yohanis 6:68

Na Simon Betiros yagɛsɛ na sɛɛsɛ, “Komorue, anda ale kɛhɛo bhɛa nini? Lɔga ajjiyɛa basseya iho dhul lɔmi :inyo.

Zuga Kèkko 16:30

Na obhoniseo bho na sɛɛsɛ, “Ngazukta kachcho Tumuye! Hunde keni kàba lɔga ganyu gɛrsaye maya kemesi ɔng?”

1 Timotiyos 1:16

Na ngaya kanɛ na kemesi gɛrrɛng na chɔɔ kojorroni zuga mesɛa lɔga gɛrsa kumulɔngge, nɔng Kirisos Yesus chirbhiseony anye, na ibhagany na ojjony ke hira senno kɛlɛhɛnɛsɛ zugo lɔgɔ na kɔdhɔlɛsɛ zuga ale yɛbhbhɛa nɔng na jɔanɛa basseya iho dhul bhɛa nɔng hinisa nɛnɛ anɛa bu na nyimmɛa lɔgɔ goore.

1 Timotiyos 6:12

Na mɛdha goore dhogoy huna bansanayny na yɛbh Tumu dhul ko kingi, na hini ngakedhdhi. Na tii ibh lɔga basseya iho dhul bere kèliyɛinyi kala bere dhugunnonɛi bhɛa anɛi hira yɛbhi Kirisos dhere na orrɛinyɛa :zuga bo mɛra.

1 Timotiyos 6:19

Yɔk hunde messɛ ngangaye, shogisɛnɛ rɛhiya gɛ lɔga challa shigininyanɛa lɔga ale kɛ̀dhdhɛttanɛa yɔk ahaa bo dhandala bɛrgunyaye ale andanɛye, na jɔanɛ basseya ku dhere.

Tito 1:2

Na hunde yɛbhɛ ngakamannaya ku dhere na bhɛgɛ shɛɛye, ibhɛsɛnɛ lɔga ale jɔanɛa basseya iho dhul hinisi damiya bere ɛsɛdhdhanɛa :Tumu sabbaa nɛnɛ huna chɔɔ ba ngani kètegenyoayo. Yɔk ngalɔkta hunde a dhereye, kàggayɔ ke ngaya Tumu butomo ngameziyɛoye.

Tito 3:7

Na aynde Tumu chirbhisiɛy agge na kɛ̀tɛldi hurr bhɛa nɛnɛ na kète erroa gɛnyɛ kìbhɛsɛna lɔga ale kɔ̀jɔanɛa basseya iho hinisiye dhulde.

1 Yohanis 1:2

Nɔng ngahirra ku basseyte annaa bere ɛlla ko Baba Na Tumu na koo kowa ba na dhɔlagiyɔ rɛ na karto. Na mɛa agge kɔ̀ɔbhbhagung lɔga gɛnyɛ bere korrono kawarre na kùdhugunnogung bhɛa nɔng anɛa basseya iho dhul.

1 Yohanis 2:25

Na hunde kɛ̀l kari ke dhɔnɛye, kɔ̀lɔ basseya iho dhul bere bhiikkagiy :Kirisosi.

1 Yohanis 5:20

Na Eriya Tumu hunde dha bere ko ba na aiy bho gaanaa kàggayɛa bhɛa Tumu anɛa Komoruya ku dhereye, kàggayɔ. Na mɛa kɛ̀l ko ngakomoruyta ku dhereye ke ngaya kɛ̀lɛ ko Eriya Nɛnɛ Yesus Kirisos kari ke dhɔnɛye. Nɔng Yesus a Tumu Komoruya ku dhere ko basseya iho dhul.

Yihudha 1:21

Na hunde ngani reo kolea ale chirbhisiyɛungu :Komoruya Na Yesus Kirisosi na ajɛungu basseya iho dhulde, tɛldi ko Tumu kari ke dhɔnɛ tii na tagatɔ hunde ibhbhagung hiniye.