Matiyos 18:3 - Suri Latin

³ na sɛɛsɛ yɔk, “Ga shigitɔ! Hunde ngani bhɔdhtɛo na tɛhɛyɛto ko erroa ngani chichoye, bhee hɛyɛo na lɔmɛung :Komoruya tumony ninggɛ dhul.

Matiyos 18:3 ပူးပေါင်းရင်းမြစ်များ

Matiyos 13:15

Anye bhee kesenɛ ngangaye, a ngaya ngazukta sabbiya gɛ anɛ dhandaliye. Yɔk nyabhaa gɛ bho ngashikkɛo, na tumudhdhɛ kawarɛ. Na yɔk hunde nganga ngamessɛ, anda orrɛ lɔgɔ kawarre, na shikkɛ nyabha na ungusɛsɛnɛ hinisiye na wokkonɛ gɔra nanu, na kibbaysiyɔ.’

Matiyos 18:2

Na nɔng eleo eri kona na kugo gɔ̀rrè nɛnde na ibha na ojju bhɛa nɛ kɛrghɛnɔ

Matiyos 18:4

Yɔk bhɛa zuga lɔmma :Komoruya tumony, inde lɔ buyna jorrono lalugɛ kumulɔngge, aynde lachchana rɛ na hɛt ko ngaeritaye.

Matiyos 19:14

Na Yesus sɛɛsɛ zuga kɔbhbhɛa nɔng, “Ayɛ erro kohoya bhɛa nanu, ngakanyɛo, ke ngaya zukte lɔ :Tumuye heo ko ngaerroya rɛye.”

Matiyos 19:23

Na Yesus sɛɛsɛ zuga kɔbhbhɛa nɔng, “Ga shigitɔ! Zuga aha mɛra bhɛa senno kɔtɔlɔmɛ ꞉Komoruya tumony a dhandali.

Matiyos 5:18

Mɛa ga shigitɔ! Ko bhee tumu ko ba garsɛ, lɔga ɛlla Damiya Tumu bere kàjjɛa Muse kumulɔng ale urruknyɛsɛnɛyɔ. Na chɔɔ bidhɛliya chinynyo godhe oo bidhɛli bhɛa chinynyo godhe Damiya Tumu ngagaraso dhul ko bhee urruknyɛsɛnɛ rang.

Matiyos 5:20

Na mɛa lɔga messo :iggeu ridhing ningginɛna maya jorronɛ ga messɛa :zuga kɔbhbhɛa damiya Bhɛrɛsi ko ga messɛa zuga madhdhɛa zugo Damiya Tumu bere kàjjɛa Muse. Yɔk hunde lɔga gu, ga gɛ ngajorronɛoye, bhee ale hɛyɛo na lɔmɛung :Komoruya tumony ninggɛ dhul.

Matiyos 6:16

Na hunde chibbo rɛhi hunynɛnde, ngamesigi huna zuga tabhbhɛa zugo nigite. Yɔk hunde chibbɛ rɛhi hunynɛnde dhittanɛ hinisi na izɔrrɛ rɛhi na kargi :zugu na kɔdhɔngɔ huna zuga chibbɛa rɛhi hunynɛn dhere. Ga shigitɔ! Yɔk lɔga ale kɛ̀dhdhɛttanɛa yɔk kumulɔng a ngagiya jɔanɛ bhɛa zuga dhɔngngɛa yɔkte sɔng.

Matiyos 6:2

Na hunde ɛano zuga chɔllanɛnaye, ngamesigi huna zuga tabhbhɛa zugo nigite. Yɔk hunde ɛanɛ zuga chɔllanɛna doriyoa madhinɛnɛa zuga Ayhudhi lɔga Tumu ko hana sɛrɔ ɔdhdhaye, ɛbbɛkkɛ turumbanya na kargi :zugu na kɔdhɔngɔtɔ. Ga shigitɔ! Yɔk lɔga ale kɛ̀dhdhɛttanɛa yɔk kumulɔng a ngagiya jɔanɛ bhɛa zuga dhɔngngɛa yɔkte sɔng.

Matiyos 6:5

Na hunde allinɛno ko Tumuye, ngaalliyɛ damiya zuga tabhbhɛa zugo nigite. Yɔk a zukte hinnɛ bhɛa senno kartɛ :zugu na kɔdhɔngɔtɔ. Na chillɛ tunɔ na allinɛ ko Tumu doriyoa madhinɛnɛa zuga Ayhudhi lɔga Tumu ko hana sɛrɔ ɔdhdha. Ga shigitɔ! Yɔk lɔga ale kɛ̀dhdhɛttanɛa yɔk kumulɔng a ngagiya jɔanɛ bhɛa zuga dhɔngngɛa yɔkte sɔng.

Markos 4:12

na ‘hunde orrɛ lɔga kemesi :anyoye, ngaungusɛɛnɛ, na hunde shikkɛ lɔga ganyu na ungusɛsɛnɛ hinisiyeye, hologun ngagaɛ. Na yɔk hunde nganga ngamessɛ na kutunggɛsɛ lɔga ganyu na kataga hologun, anda wokkonɛ gɔra Tumu na lɔga gɛ gɛrsa kùjjuk na kèsenɛsɛn, “Any kagarayɛ.”’

Yohanis 1:51

A challi, ga shigitɔ! Ale orro tumu hunde onɛ na zuga ekko :Tumu ɔshɔrisinɛ Hiri Hoynɛgiye na gena hɛ tumɔ, gena bhonsanɛ baye.”

Yohanis 3:3

Na Yesus yagɛsɛ na sɛɛsɛ, “A challi. Ga shiktɔ! Hunde hiri sɛgɛn ngani kùhudhukkiyaayoye, bhee lɔmɛ :Tumu, ninggɛ.”

Yohanis 3:5

Na nɔng yagɛsɛ na sɛɛsɛ, “A challi. Ga shiktɔ! Hiri hunde ma ko Kuloya Tumu ngani kùchuruttoye, bhee kɔɛ na assanɛ Tumu na lɔmɛ ninggɛ.

Zuga Kèkko 14:22

na kiriyi zuga bɔɔ yɛbhbhɛa Yesus na kete dhandali. Na madhtɛsɛ lɔgɔ na seyɛsɛ, “Hunde kèe kago bhɛa Tumu na kɔtɔlɔmiy ꞉nɛaye, maya kinyim chɔlla goore.”

Zuga Kèkko 28:27

Yɔk ngazukta messɛ ke ngaya sabbiya gɛ anɛ dhittinɛ na nyabhaa gɛ bho ngashikkɛo na kawara gɛ bho ngaorrɛoye. Na yɔk hunde kɛtɛldi hung na kargi bho na kishigi bho na kataga bho na kawakta gɔra nanu, anda ale kibbaysiyɔ.’

Zuga Kèkko 3:19

Na mɛa ujjugu lɔga gu gɛrsa na wakta gɔra Tumu na ko nɔng Tumu kujjuk lɔga gu gɛrsa na kagara dhul. Na Tumu ale ittonnogung Komoruya bere kɛ̀bɛrragungu igge sabbɔ kènno Yesus na kilalung hinisi na ke ga bo challa.

2 Betiros 1:11

Na chɔɔ ale kàlammanung shɛɛ na kìgommogung bhɛa hɛyɛo gɔra Komoruya Na Yesus Kirisosi Ibbayseiy agge, lɔmɛa zugo dhul ko kingi na chɔɔ hirre kanyɛungu ninggɛ dhul.