Matiyos 18:23 - Suri Latin

²³ “Bhee anɛ ngangaye, a ngaya lɔga lɔmɛa :Komoruya tumony zugo hɛt ko lɔkte dha bere me :komoru konnɔye. Nɔng dha bere se kumuga birinyaa ku ewona lɔmɛsɛnɛa :zuga kachchɛa nɔng.

Matiyos 18:23 ပူးပေါင်းရင်းမြစ်များ

Matiyos 13:24

Na koo ɛlɛhɛnɛsɛ lɔk gena sɛgɛn na sɛɛsɛ, “Lɔga lɔmɛa :Komoruya tumony zugo hɛt ko hira sachcha dugua challa gua nɛnɛ.

Matiyos 13:31

Na ɛlɛhɛnɛsɛ lɔk gena sɛgɛn na sɛɛsɛ, “Lɔga lɔmɛa :Komoruya tumony zugo hɛt ko katilay kawariya kùdukko ibhbhana :hiriyɔ na sachcha gɛwaa nɛnɛ.

Matiyos 13:33

Na ɛlɛhɛnɛsɛ lɔk gena sɛgɛn na sɛɛsɛ, “Lɔga lɔmɛa :Komoruya tumony zugo hɛt ko bhoguma ibhbhana :tɛriyɔ na gachiyɛa gutumaa anda kàmankeono gɛla kɛngi hayna ko bhee gutuma ɛbbɛginɛnɛ kumulɔng.”

Matiyos 13:47

“Na sɛgɛn lɔga lɔmɛa :Komoruya tumony zugo hɛt ko galiya kìbhɛa urgusa, kùjjugɛsɛna yirisi toye na ibhbho urgusa ɛynya kumulɔng.

Matiyos 13:52

Na nɔng sɛɛsɛ, “Yɔk mɛa zuga madhdhɛa zugo Damiya Tumu kumulɔng ngani gaanɛa lɔga lɔmɛa :Komoruya tumony zugo, hɛt ko hira obhoniseono ahaa bo dhandala lɔmma doraa nɛnɛ bere shogisɛna ba kingi ko gee bɔɔ ngani shogeonoye.”

Matiyos 18:24

Na kɔ na hunde kɔdhdhanɛ ewona dagaye, yɔk zugo honynyɛ hira lɔmɛsɛna nɔng ewo, worginya kamayi 10,000.

Matiyos 25:1

“Nɔng ale ngakoleonu lɔga lɔmɛa :Komoruya tumony zugo, hɛt ko lɔkte dha bere messɛ :sedhdhee ku tɔmmɔn terinyɛ gochin na bhonsɛ bhɔ na kɔmɔyɔ rorite duri wololoye.

Matiyos 25:14

“Na sɛgɛn lɔga lɔmɛa :Komoruya tumony zugo ale hɛt ko lɔkte dha bere me :hirre se kok ba konnɔ na koo eleono gaymanyaa gɛnyɛ na dhɔyɛsɛn ahaa gɛnyɛye.

Matiyos 3:2

na sɛɛsɛ, “Kolea senno kɔtɔlɔmɛ :Komoruya tumony zugo mɛa te ja. Na mɛa ujjugu lɔga gu gɛrsa na wakta gɔra nɛnɛ.”

Matiyos 7:24

“Nɔng hirre shik ngalɔkta ganyde na messe, hɛt ko hira ghurghura bho kɔdhdha doraa nɛnɛ bhɛa kumkuma.