Matiyos 17:20 - Suri Latin

²⁰ Na nɔng yagɛsɛ na sɛɛsɛ, “A ngaya Tumu goore ngayɛbhɛoyoye. Na nɔng mɛa ga shigitɔ! Hunde tɔlɔmɔ yɛbha bhɛa chinynyo godhe hɛtta ko katilay kawari, na seyɛsɛ ngakutulda, ‘Bɔchiyaa ngaya na ok ngonu,’ kɔyɔ. Na chɔɔ anda lɔkte dhandal bhɛa nu na ngaɔninyao, ninggɛ dhul.

Matiyos 17:20 ပူးပေါင်းရင်းမြစ်များ

Matiyos 13:31

Na ɛlɛhɛnɛsɛ lɔk gena sɛgɛn na sɛɛsɛ, “Lɔga lɔmɛa :Komoruya tumony zugo hɛt ko katilay kawariya kùdukko ibhbhana :hiriyɔ na sachcha gɛwaa nɛnɛ.

Matiyos 14:29

Na nɔng sɛɛsɛ, “Wo ni!” Na Betiros bhona gonggulɔ na tɔu ma tundɔ na ogu gɔrre ihɛ :Yesusiye.

Matiyos 17:17

Na yagɛsɛ :Yesusi na sɛɛsɛ, “Ngatenyda bhanggalung Tumu ngayɛbhbhooye, ngangaye anye ale kàbhak kari dirr chɔɔ ore? Na lɔga gu ale kinyimi chɔɔ ore? Ga hoyɛy eri ngaya se!”

Matiyos 17:19

Na yɔk zuga kɔbhbhɛa nɔng koo kɛnggiyaa bhichang na assa Yesus na ghini na seyɛsɛ, “Ngangaye, mɛnɛngiyaa gina agge bhee ngakobhoniseonɛoyoye a ore?”

Matiyos 17:9

Na hunaa ngani shidhinyana kutulɔye, nɔng Yesus madhɛsɛ yɔk lɔgɔ na sɛɛsɛ, “Ngalɔkta wa orroye hir kona ngayogɛsɛno ko bhee Hiri Hoynɛ ale bansanɛ rɛsɛyɔ.”

Matiyos 21:21

Na yagɛsɛ :Yesusi na sɛɛsɛ, “Ga shigitɔ! Hunde yɛbhɛ Tumu na ko hinisi ngadhaginɛno, anda messo lɔga hɛtta ko ngagiya wa kème bhɛa ngachamochitaye. Na chɔɔ anda hunde senɛsɛno ngakutulda, ‘Bɔchiyaa ngaya na ngɔyɛsɛ yirisi toyeye,’ buchinya na kɔyɔ.

Matiyos 8:26

Na yagɛsɛ :Yesusi na sɛɛsɛ, “Ngazukta Tumu goore ngayɛbhbhooye, ngangaye ɛngɛrso bho goore kɛ ɔng?” Na bana na ɛggɛɛsɛ huroy ko yirisiyaa chukkinɛna na yɔk dhittɛ rib na tɛldi lɛtɛtɛm.

Markos 11:22

Na nɔng yagɛsɛ yɔk na sɛɛsɛ, “Ga shigitɔ! Yɛbhɛ Tumu! Nɔng hunde hir kona kesɛɛsɛ ngakutulda, ‘Bɔchiyaa na ngɔyɛsɛ yirisi toye,’ na ko hini ngadhaginɛ na kɛyɛbh dhere, ngalɔkta bhugnyɛsɛnɛyɔ.

Markos 4:31

Nɔng hunde kɛ̀lɛhɛnde heo bhogoni kawari bhɛa toyne. Nɔng bhogoni bhɛa ngakɛnda ɛl bay kumulɔngge kawariya nɛnɛ bhɛa toyne a chinyi godhe dhogoni.

Markos 9:23

Na sɛɛsɛ :Yesusi, “‘Hunde kako ɔande’ seni kɛ ɔng? Nɔng hirre yɛbhbhany anyeye lɔkte dhandal bhɛa nɛnɛye kumulɔng ɔana :Tumu.”

Yohanis 11:40

Na sɛɛsɛ :Yesusi, “Hunaa kesennaginyi, ‘Hunde yɛbhiye, ale ori dirama Tumu.’”