Matiyos 17:12 - Suri Latin

¹² Na nɔng anye kesennagung ɛnɛnggeo, Eliyas nɔng bere kowa na yɔk zugo timakta na tiranydɛa gɛrrɛng gɛrrɛng damite hinɛ :yɔkkuye kumulɔng. Na ko nɔng Hiri Hoynɛ ale chɔllayɛ nganga.”

Matiyos 17:12 ပူးပေါင်းရင်းမြစ်များ

Matiyos 11:2

Nɔng ngakoleonu Yohanisa Churro Zugo dha bere i doraa chibinuny. Na hunaa shikko ngalɔkta me :Kirisosiye, ibha zuga kɔbhbhɛa nɔng gena na egɛsɛ

Matiyos 16:21

Na Yesus tɔgɔdhay ngakaldonu na dhugunɛsɛ zuga kɔbhbhɛa nɔng lɔgɔ hunde dhaa nɔng ale maya kɔ Yerusalemɔ na chɔllayɛ :zuga Ayhudhi bibiyo ko gɔldangɛa bibiyo doraa Tumu barara ko zuga madhdhɛa zugo Damiya Tumu bere kàjjɛa Muse na ale kìni na unga ku sizzi bansana rɛsɛyɔye.

Matiyos 17:11

Na nɔng yagɛsɛ na sɛɛsɛ, “A dhere chi, nɔng Eliyas ale kun na me lɔgɔ kumulɔng shɛɛ na ɛl damiya bɔɔ sabbune.

Matiyos 17:13

Na ngakaldonu zuga kɔbhbhɛa nɔng tagayɛ hunde nɔng dhaa yogɛsɛn lɔga Yohanisa Churro Zugoye.

Matiyos 17:22

Na kali kona yɔk hunaa mukkinyana na ɛlla kari Gelilagiyeye, nɔng sɛɛsɛ yɔk, “Hiri Hoynɛ ale kɔ̀gɔdhdhɛsɛn zugo,

Matiyos 17:9

Na hunaa ngani shidhinyana kutulɔye, nɔng Yesus madhɛsɛ yɔk lɔgɔ na sɛɛsɛ, “Ngalɔkta wa orroye hir kona ngayogɛsɛno ko bhee Hiri Hoynɛ ale bansanɛ rɛsɛyɔ.”

Matiyos 21:32

Anye bhee kesennagɛung ngangaye, a ngaya huna bere Yohanis kunno bhɛa nu na kamadhagung bhɛa bhagɛo ba ke zuga ridhing ningginɛna, igge ngani yɛbhtɛoye. Na yɔk zuga mukkɛa gharata ko ga messɛa lollumo, bere yɛbhta lɔga gɛnyɛ. Na chɔɔ huna bere orro ngalɔkta Yohanisiye, igge annaa nɔng ngani yɛbhtao na lɔga gu gɛrsa ujjuktao na waktaayo gɔra Tumu.”

Matiyos 8:20

Na nɔng Yesus yagɛsɛ na sɛɛsɛ, “Yɔk dhokkoli bolkɛna gɛ ɛllɛ. Na ko yɔk shɔa doriyoa gɛ ɛllɛ. Na nɔng Hiri Hoynɛ chɔɔ bhɛa igingo ninggɛ.”

Yohanis 1:11

Nɔng bere kunno na assana zuga gɛnyɛ bere bhɛllana, na yɔk ngani kalambaayo.

Zuga Kèkko 2:23

Nɔng a hira bere ajjungu ꞉Tumu damiya bere gaana ꞉nɛa na ɛsɛdhdhana sabbɔ. Na igge ko zuga marrɛa Tumu annaa ɛsɛdhto lɔgɔ na ilakto na dhaktɛsɛo sɛnɔ ko jagarɛ muddɛn na erra.

Zuga Kèkko 4:10

ga kòyoktogung shɛɛ na taga ꞉iggeu ko zuga Isirayeli kumulɔng. Ngahirra basɛ sara hira Nazireti kènno Yesus Kirisos bɔɔ ilakko ꞉iggeu na ibbaniseono ꞉Tumu rɛsɛyɔ. Na aynde mɛa ngahirra chilɛ ngaya ke na bo challaye.

Zuga Kèkko 7:52

Na bhɛa kokonginyaa gu inde zuga yogɛsɛnɛa zugo lɔga dhugunono ꞉Tumu ngani kɔgɔraoye a nɛng? Yɔk chɔɔ bere kɔdhdhɛa zuga yokkonɛa lɔga ale kunɛa ꞉Hira Ridhing Ningginɛna. Na ko igge ibhtao nɔng na ayɛo mirɔga na tɔgɔdhɔyɛ.