Matiyos 16:21 - Suri Latin

²¹ Na Yesus tɔgɔdhay ngakaldonu na dhugunɛsɛ zuga kɔbhbhɛa nɔng lɔgɔ hunde dhaa nɔng ale maya kɔ Yerusalemɔ na chɔllayɛ :zuga Ayhudhi bibiyo ko gɔldangɛa bibiyo doraa Tumu barara ko zuga madhdhɛa zugo Damiya Tumu bere kàjjɛa Muse na ale kìni na unga ku sizzi bansana rɛsɛyɔye.

Matiyos 16:21 ပူးပေါင်းရင်းမြစ်များ

Matiyos 12:40

Na damiya bere ihɛa :Yonasi kɛnga urgusiya bo goore toye ungo sizzi bar ko kali, ko nɔng Hiri Hoynɛ ale i ba toye ungo sizzi bar ko kali.

Matiyos 16:22

Na nɔng Betiros yagu Yesus dheyyɔ na wologu na sɛɛsɛ, “Nganga ngayo, Komoru! Lɔkte ku nganga inye ale ngadokkono dhul!”

Matiyos 16:28

Ga shigitɔ! Bhɛa ngazukta chillɛ ngayaye, ga ale shaw ngarɛssɛayo na ɛlla ko bhee orɛ Hiri Hoynɛ hunde kun na allinɛnɛ zugoye, ɛllɛ.”

Matiyos 17:12

Na nɔng anye kesennagung ɛnɛnggeo, Eliyas nɔng bere kowa na yɔk zugo timakta na tiranydɛa gɛrrɛng gɛrrɛng damite hinɛ :yɔkkuye kumulɔng. Na ko nɔng Hiri Hoynɛ ale chɔllayɛ nganga.”

Matiyos 17:9

Na hunaa ngani shidhinyana kutulɔye, nɔng Yesus madhɛsɛ yɔk lɔgɔ na sɛɛsɛ, “Ngalɔkta wa orroye hir kona ngayogɛsɛno ko bhee Hiri Hoynɛ ale bansanɛ rɛsɛyɔ.”

Matiyos 20:28

Anye bhee kesennagɛung ngangaye, a ore go! Hiri Hoynɛ huna bere kunno, se katagay zugo na kete yekkuya rɛsɛa zugo ga mɛra. Nɔng bhee bere kunɛ na katagaytɛ :zugu ngayo.”

Matiyos 26:2

“Nɔng igge gao chi hunde ale kɛ̀l ungo ramman na ba a Gibiriya kèe Basikaye. Na ngakoleonu ko nɔng Hiri Hoynɛ ale kàjjɛ mirɔga na kilagatɔ.”

Matiyos 26:47

Na hunde chinyi ngani yokkono lɔgɔ ngangaye, bhɛa zuga kɔbhbhɛa nɔng ku 12, na kènno Yihudha ko. Nɔng bere dhɛanɛa ko zuga bo mɛra dhaa ekkonɛa :gɔldangɛa bibiyo doraa Tumu barara ko zuga Ayhudhi bibiyo na honynyo ga bo lɔmmanɛa mashachina ko lurginya.

Matiyos 27:12

Na koo gɔldangɛa bibiyo doraa Tumu barara ko zuga Ayhudhi bibiyo childɛ nɔng, na nɔng lɔgɔ ngani ngayagɛsɛnno.

Matiyos 27:63

na seyɛsɛ, “Komoru, agge wa kagadhtao lɔga bɔɔ yokkono :ngabutogitonu kala ngani ihɛa tunɔ. Nɔng bɔɔ annaa senno, ‘Anye ale kasani na ungo sizziyɔ, kabansandɔ.’

Matiyos 28:6

Nɔng ngahirronu mɛa ngaya ninggɛ. Wa banaa damiya bɔɔ yogɛa. Chɔɔ ga hoya gɔnyigi bhɛa bɔɔ kòjjɛa.

Markos 8:31

Na Yesus tɔgɔdhay mɛzzi na madhɛsɛ yɔk lɔga ale chɔllanɛnɛa :Hiriyɔ Hoynɛ goore na marɛa :zuga Ayhudhi bibiyo ko gɔldangɛa bibiyo doraa Tumu barara ko zuga madhdhɛa zugo Damiya Tumu bere kàjjɛa Muse na ale ujjukkanɛa na nissɛa na rɛsɛa na ihɛa ungo sizzi igingeyɔ na bansanɛa.

Markos 9:12

Na nɔng Yesus yagɛsɛ na sɛɛsɛ, “A dhere chi. Nɔng Eliyas maya jimmana sabbɔ na kun na me lɔgɔ kumulɔng shɛɛ na ɛl damiya bɔɔ sabbune. Na lɔga Tumu bere kɔ̀gɔdhdhɛsɛna dadab sennɛa, ‘Hiri Hoynɛ maya ale chɔllanɛ lɔga bo mɛra na marrɛ :zugu,’ dha bere kɔ̀gɔdhdhɛsɛn kɛ ɔng?