Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Matiyos 16:16 - Suri Latin

16 Na yagɛsɛ :Simon Betirosi na sɛɛsɛ, “Inye ani Kirisos, Eriya Tumu, Komoruya iho basseyɔ.”

အခန်းကိုကြည့်ပါ။ ကော်ပီ




Matiyos 16:16
38 ပူးပေါင်းရင်းမြစ်များ  

Na Yaykob koo irriyo Yoseb. Nɔng Yoseb a hira dha bere tɔginɛnɛa Mariyam. Na Mariyam koo hudhugo Yesus. Nɔng Yesus a hira dha bere bɛrrana :Tumu ku Komoruya Ibbayseo Zugo.


Na zugaa ɛlla gonggulɔ toye seyɛsɛ, “Inye dhaa ani Eriya Tumu dhere,” na tɔgɔndɛsɛ kɔmma.


Na nɔng sɛɛsɛ, “Na igge senno kani nɛng?”


Na nɔng Yesus dhiyɛ rib. Na gɔldanga bo doraa Tumu barara sɛɛsɛ nɔng, “Ga tɛngɛr Tumu, Komoruya iho basseyɔ, na dhugunogiy dib hunde ani Eriya Tumu ku Kirisose.”


Na gulsaa bholisuny ko zugaa bhɛkkɛa Yesus hunaa orrɛa ba hunde chukinɛye ko ngalɔkta wa ɛrrinyaye kumulɔngge, dɛɛbɛ na tɛngɛrɛ bho goore na se, “Kèe ngahirra dhaa a Eriya Tumu dhere chi!”


Na Moldoy ko na sɛɛsɛ, “Hunde ani Eriya Tumu dhereye, ga sɛɛsɛ ngabɛnda na kɔbhɔdhtɛ ke amissɛ!”


Na nɔng Yesus tɛu rib na lɔgɔ ngani ngayagɛsɛnno. Na gɔldanga bo doraa Tumu barara ghinu sɛgɛn na sɛɛsɛ, “Ngangaye inye ani Kirisos Eriya Tumu Komoruya Tuhinɛna chi dha?”


Na sɛɛsɛ :Natinayeli, “Hira Madhdhiy, inye ani eriya Tumu. Na chɔɔ ani Komoruya zuga Isirayeli.”


Na Ngamarta sɛɛsɛ, “Ee! Komoru, hunde ani Eriya Tumu ku Kirisos bere kènno ale kuni baye, kɛyɛbhiyɔ.”


Na yɔk ngalɔkta bere kɔ̀gɔdhdhɛsɛn ngadadabta toyeye, agga bere kɔ̀gɔdhdhɛsɛna na kènno yɛbhtɛ :iggeu bhɛa Yesus anɛa Kirisos ko bhɛa anɛa Eriya Tumu. Na hunde yɛbhbho nɔngge, aynde jɔanɛo basseya iho dhulde.


Na damiya bere ekkonɛanyi :Babaa Nanu lɔmma basseya iho dhul na ajjanyi ngabasseytonu, ko nɔng inde am ayuga rɛa nanuye, ale kajjɛ basseya iho dhul.


Na Simon Betiros yagɛsɛ na sɛɛsɛ, “Komorue, anda ale kɛhɛo bhɛa nini? Lɔga ajjiyɛa basseya iho dhul lɔmi :inyo.


Na chɔɔ hunde ani Hira Kullɛna Bere Bɛrraninyi :Tumuye wa kàtaktinyɔ na kɛ̀yɛbhtinyɔ.”


na seyɛsɛ, “Ngazukta nganga messo kɛ ɔng? Agge kanno zugo hung hunde nuye. Na kohonynyo na kòyoktogung kamannaa challa. Na bhɛa ngalɔkta hologun ninggɛye kumulɔng kènno tɛldi rɛna na wakta gɔra Komoruya iho basseyɔ bere bhɛllana tumu ko ba ko yirisi ko ngaahaya ɛl bayte kumulɔng.


Na hunaa ngani hɛaye, dakta bhee lɔ ma. Na gulsa seu, “Yɔk ma a ngagiya ni. Na hunde kùchurrɛ, ahite kanyɛanyi ihe?”


Na nɔng Bhilibhos yagɛsɛ na sɛɛsɛ, “Hunde yɛbhi hinisɔ dhereye, churnɛndɔ.” Na gulsa seu, “Yesus hunde a eriya Tumu bere kɛ̀bɛrrana ku Kirisose, kɛyɛbhiyɔ.”


Na tɔgɔdhay madha doriyoa madhinɛnɛa zuga Ayhudhi lɔga Tumu ɛlla Dɛmaskogiye na madhɛsɛ zugo hunde Yesus a eriya Tumuye.


Kolea bere kàssanɛungu na lammanɛiy na dhɔyɛo gala bere ibhbho ke barari na kayɛo Tumu Komoruya ku dhere iho basseyɔ hunde a ɛnɛngge, bere yoktoa :zuga Mekedoniya ko gaa Akaya.


na hunde kesea ngani kihon gɔrra bhe chinyiye, tag lɔga maya messɛa :zuga yɛbhbhɛa Yesus hunde ɛl ko lalugɛye. Yɔk zuga yɛbhbhɛa Yesus, agga Tumu Komoruya iho basseyɔ. Na yɔk ibhbhɛ lɔga kàmadhinɛnɛa ku dhere shɛɛ, huna kɛna immɛa dori na dori chillo na iho gig.


Na aynde maya kɛ̀mɛnyɛsɛn goore dhogoy na kɔ̀mɔdhɛye. Nɔng agge bhee kèmesɛ ngangaye, a ngaya kɛ̀yɛbhɛ Tumu, Komoruya iho basseyɔye. Nɔng a Komoruya ibbayseo zugo kumulɔng. Na chɔɔ goore ibbaysi zukte yɛbhbhɛ nɔngge.


Yɔk gee yɛbhbhɛ bhɛa Yesus anɛa Eriya Tumuye kumulɔng, a zuga ɛlla ko Tumu kari ke dhɔnɛ.


Na Eriya Tumu hunde dha bere ko ba na aiy bho gaanaa kàggayɛa bhɛa Tumu anɛa Komoruya ku dhereye, kàggayɔ. Na mɛa kɛ̀l ko ngakomoruyta ku dhereye ke ngaya kɛ̀lɛ ko Eriya Nɛnɛ Yesus Kirisos kari ke dhɔnɛye. Nɔng Yesus a Tumu Komoruya ku dhere ko basseya iho dhul.


Na hirre mar ngalɔkta ku kuhu na dhɔtte a nɛng? Ngayo hirre yɛbh bhɛa Yesus anɛa Eriya Tumuye sɔng!


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ