Matiyos 16:13 - Suri Latin

¹³ Na Yesus koo ogu na dagu baa Kesariyaa Bhilibhisi. Na hunaa dokko ngoonuye, ghinu zuga kɔbhbhɛa nɔng na sɛɛsɛ, “Ngangaye, yɔk zugo sennɛ Hiri Hoynɛ a nonni?”

Matiyos 16:13 ပူးပေါင်းရင်းမြစ်များ

Matiyos 12:32

Nɔng hirre dhɔm Hiri Hoynɛye, bhɛa ale kùjjugɛa lɔga gɛnyɛ gɛrsa na kèsenɛsɛna, ‘Any kagarayɛ,’ ihe. Na nɔng inde dhɔm Kuloya Tumuye, lɔga gɛnyɛ gɛrsa ngakùjjukko dhul ko kingi.

Matiyos 12:40

Na damiya bere ihɛa :Yonasi kɛnga urgusiya bo goore toye ungo sizzi bar ko kali, ko nɔng Hiri Hoynɛ ale i ba toye ungo sizzi bar ko kali.

Matiyos 12:8

Anye bhee kesenɛ ngangaye, a ngaya Hiri Hoynɛ anɛ Komoruya Kala Ayawsunyde.

Matiyos 13:37

Na nɔng yagɛsɛ na sɛɛsɛ, “Ngahirronu say dugua challaye a Hiri Hoynɛ.

Matiyos 13:41

Nɔng ngakoleonu ale Hiri Hoynɛ ek zuga gɛnyɛ ekko na hɛ bhɛa zuga lɔmma :nɛa na mukkanɛ zukte tissɛ lalugɛ na kemesigi lɔga gɛrsaye ko gee messɛ lɔga ku kuhuye kumulɔng.

Matiyos 15:21

Na Yesus bana na dhɔyu ngonu na ogo baa kènno Tiros ko Sidona.

Matiyos 16:27

Anye bhee kesenɛ ngangaye, a ngaya Hiri Hoynɛ ale lɔmmanɛ dirama Babaa nɛnɛ na dhɛanɛ ko zuga ekko :nɛa, na ɛdhdhɛttanɛ zugo bhiy bhiy damite lɔkte bere messɛ :yɔkkuye.

Matiyos 16:28

Ga shigitɔ! Bhɛa ngazukta chillɛ ngayaye, ga ale shaw ngarɛssɛayo na ɛlla ko bhee orɛ Hiri Hoynɛ hunde kun na allinɛnɛ zugoye, ɛllɛ.”

Matiyos 25:31

“Nɔng Hiri Hoynɛ hunde ale kunde, kun ke na bo lɔmmana diram na dhɛanɛ ko zuga ekko :Tumu kumulɔng. Na i alleya nɛnɛ komorumo bo lɔmma diram.

Matiyos 8:20

Na nɔng Yesus yagɛsɛ na sɛɛsɛ, “Yɔk dhokkoli bolkɛna gɛ ɛllɛ. Na ko yɔk shɔa doriyoa gɛ ɛllɛ. Na nɔng Hiri Hoynɛ chɔɔ bhɛa igingo ninggɛ.”

Matiyos 9:6

Yee, ga kɔ̀dhɔlagung bhɛa lɔmɛa :Hiri Hoynɛ buyna ujjugɛa lɔga gɛrsa bay ngaya na tagatɔ ni go!” Na sɛɛsɛ hiraa chudhinɛna, “Bana ibha hayaa nunu na ok doraa nunu.”

Markos 10:45

ke ngaya Hiri Hoynɛ bere kunɛ na katagayɛ zugo na keteɛ yekkuya rɛsɛa zuga bo mɛraye. Nɔng bhee bere kunɛ na katagaytɛ :zugu ngayo.

Markos 8:38

Nɔng inde amɛ :liya bhɛa ngatenyda ku lollo messɛ lɔga bo gɛrsa, na marrany anye ko lɔga ganyuye, ko nɔng Hiri Hoynɛ kolea ale lɔmmanɛa dirama Babaa nɛnɛ na dhɛanɛa ko zuga kullɛna ekko :nɛa, ale amɛ :liya na mar ngadamita marɛ :nɛaye.”

Yohanis 1:51

A challi, ga shigitɔ! Ale orro tumu hunde onɛ na zuga ekko :Tumu ɔshɔrisinɛ Hiri Hoynɛgiye na gena hɛ tumɔ, gena bhonsanɛ baye.”

Yohanis 12:34

Na seyɛsɛ :zugu, “Agge lɔga kɔ̀gɔdhdhɛsɛna Damiya Tumu sennɛ, ‘Hira kɛ̀bɛrrana kèe Kirisos ale i basseyɔ dhul ko kingi.’ Na inye ngaya senɛ, ‘Hiri Hoynɛ maya ale kilak kɛyɔye go,’ a bhɛa senɛi ɛnɛng? Na Hiri Hoynɛ a :nonni?”

Yohanis 3:14

Na damiya bere ilagɛa :Muse kono korugiye, ko nɔng Hiri Hoynɛ maya ale kilak ngadamitonu

Yohanis 5:27

Na chɔɔ annaa bere aynɛa buyna kedhdhɛa lɔga zugony ke ngaya anɛ Hiri Hoynɛye.

Zuga Kèkko 10:38

Na bɛrgua churɛa zugo ma, Tumu annaa bere uhudhdho Yesusa Nazireti Kuloya nɛnɛ na ajjɛa barartin. Na hande kɔɛye kumulɔng ɛlla ko nɔng na messo lɔga challa. Na chɔɔ ibbayseo zuga chibbo ꞉Moldoyɔ kumulɔng.

Zuga Kèkko 7:56

Na seu, “Alala! Warana tumony dha wa oyɛ na anye mɛa kori Hiri Hoynɛ hunde chil bhɛa Tumu siyɔ sɛtɛnde.”