Matiyos 13:52 - Suri Latin

⁵² Na nɔng sɛɛsɛ, “Yɔk mɛa zuga madhdhɛa zugo Damiya Tumu kumulɔng ngani gaanɛa lɔga lɔmɛa :Komoruya tumony zugo, hɛt ko hira obhoniseono ahaa bo dhandala lɔmma doraa nɛnɛ bere shogisɛna ba kingi ko gee bɔɔ ngani shogeonoye.”

Matiyos 13:52 ပူးပေါင်းရင်းမြစ်များ

Matiyos 12:35

Nɔng hira kɛngɔ challa yokkono lɔga challa bere shogisɛna kɛngɔ na lɔmma. Na ko nɔng kuhuyagi yokkono lɔga ku kuhu bere shogisɛna kɛngɔ na lɔmma.

Matiyos 13:51

Na koo Yesus ghinu zugo na sɛɛsɛ, “Ngangaye, ngalɔkta kumulɔng hologun wa takto chi dha?” Na yɔk igomo na seyɛsɛ, “Ee!"

Matiyos 13:53

Na Yesus hunaa yogoa ngalɔkta ɛlɛhɛnɛnnanaye na tewa ushaye, dhɔyu ngonu na ogo.

Matiyos 23:34

Nɔng anye mɛa kibhbhan zuga yogɛsɛnɛa zugo lɔga dhugunono :Tumu ko ga gayɛa lɔgɔ ko ga madhdhɛa zugo, na kegi bhɛa nu. Na nɔng igge ale ibhbhano na gen nissoyɔ, gen ilakkoyɔ, gen dhakko doriyoa madhinɛnɛa zuga Ayhudhi lɔga Tumu toye na kɔbhbho chɔɔ oree hɛɛye na hangngoyɔ.

Matiyos 28:19

Na mɛa ago madhtɛsɛ bhorinya kumulɔng lɔga ganyu na kete zuga kɔbhbhanyɛa. Na churu sara Babaa na Tumu ko gaa Eriya Nɛnɛ ko gaa Kuloya Nɛnɛ,

Yohanis 13:34

Na mɛa kajjung lɔga bere sabbɔ ngani shiktao. Na ngalɔktonu a ɛnɛnggeo, ibhtɛ hinisi! Na ngadamita kibhbhagɛung :anyo hiniye, ko igge maya ibhinɛno hinisi.

1 Timotiyos 3:6

Na hira ngani yɛbhbhana Tumu ngaajjɛo kɔtɔlɔ zuga yɛbhbhɛa Yesus. Hunde tɔlɔmu zugoye, kesea ale dhunggur na kùjjukkana damiya bere Moldoyny.

Tito 1:9

Na sɛgɛn maya kɔbh kamannaa Yesusi kìbhɛsɛna hinisi goore damiya bere kàmadhɛsɛna sabbɔ. Na aynde ale madhɛsɛn zugo na iriy na ko yɔk gaɛ hologun shɛɛye. Na ko yɔk gee dhaginɛ ko hinisi na marrɛye ale madhɛsɛn haalɛ na dhugunɛsɛn hologun dib.