Matiyos 13:51 - Suri Latin

⁵¹ Na koo Yesus ghinu zugo na sɛɛsɛ, “Ngangaye, ngalɔkta kumulɔng hologun wa takto chi dha?” Na yɔk igomo na seyɛsɛ, “Ee!"

Matiyos 13:51 ပူးပေါင်းရင်းမြစ်များ

Matiyos 13:11

Na nɔng yagɛsɛ na sɛɛsɛ,“Yɔk bhee kɛ̀lɛhɛnɛsɛn lɔgɔye, a ngaya igge bhɛa gayɛo lɔga munnɛna lɔmɛa :Komoruya tumony zugo, bere kàungɔ, na yɔk ngani kàyɛoye.

Matiyos 13:19

Hunde zugo shikkɛ lɔga lɔmɛa :Tumu zugo na ngagayɛoye, nɔng Moldoy kun na kɔɛ lɔgaa lɔmmɛa hinisichinne wa ngani kàmadhɛsɛna. Na zukte ku ngangaye, hɛt ko ngaduguya ngɔsɛnɛ ganggu dheyte.

Matiyos 13:50

na hɛyɛ na ujjugɛsɛnɛ goa bo ngɔrnɛna toye ɛlɛa zuga bo ruyɛa na rimmɛa nigiya.

Matiyos 13:52

Na nɔng sɛɛsɛ, “Yɔk mɛa zuga madhdhɛa zugo Damiya Tumu kumulɔng ngani gaanɛa lɔga lɔmɛa :Komoruya tumony zugo, hɛt ko hira obhoniseono ahaa bo dhandala lɔmma doraa nɛnɛ bere shogisɛna ba kingi ko gee bɔɔ ngani shogeonoye.”

Matiyos 15:17

Na hunde ahaa amma :hiriyɔ hɛ kɛngɔ toye na koo bhonsanɛ rɛhɔye, ngagaoyo?

Matiyos 16:11

Na ngalɔkta wa koyokkogung :anyoye hunde ga tila ngayoye ngaungusɛɛnoo ɛnɛng? Mɛa tɛldi kɔk na kɛngɛ rɛhi bhɛa bhoguma zuga kɔbhbhɛa damiya Bhɛrɛsi ko gaa kɔbhbhɛa damiya Sodhokka!”

Matiyos 24:15

“Na hunde arto ‘galiya lɔmma ridhing hunde chilu bhɛa kullɛna na digu ngonu’ damiya bere yokkonɛa :hira yogɛsɛna zugo lɔga dhugunono :Tumu kèe Dandelde, hirre toyi ngalɔktaye sɛɛ kutungɛsɛyɔ, na zuga ɛlla baa Yudha, any kajara kutulo.

Markos 4:34

Na huna taa madhɛsɛna lɔgɔ, taa ɛlɛhɛnɛsɛna lɔk gena. Na nɔng hunde ɛl ko zuga kɔbhbhɛa nɔng bhichang na madhte, taa dhugunɛsɛna lɔgɔ kumulɔng dib dib.

Markos 7:18

Na nɔng sɛɛsɛ, “Ngangaye ko igge ngalɔkta bhɛa ku hologun ngani tunggɛsɛo na tagato? Nɔng igge gao chi hunde ahaa amma :hiriyɔ bhee hɛyɛ na ɛddɛɛ hiri na lɔmɛ ridhing ninggɛye.

1 Yohanis 5:20

Na Eriya Tumu hunde dha bere ko ba na aiy bho gaanaa kàggayɛa bhɛa Tumu anɛa Komoruya ku dhereye, kàggayɔ. Na mɛa kɛ̀l ko ngakomoruyta ku dhereye ke ngaya kɛ̀lɛ ko Eriya Nɛnɛ Yesus Kirisos kari ke dhɔnɛye. Nɔng Yesus a Tumu Komoruya ku dhere ko basseya iho dhul.