Matiyos 13:19 - Suri Latin

¹⁹ Hunde zugo shikkɛ lɔga lɔmɛa :Tumu zugo na ngagayɛoye, nɔng Moldoy kun na kɔɛ lɔgaa lɔmmɛa hinisichinne wa ngani kàmadhɛsɛna. Na zukte ku ngangaye, hɛt ko ngaduguya ngɔsɛnɛ ganggu dheyte.

Matiyos 13:19 ပူးပေါင်းရင်းမြစ်များ

Matiyos 12:26

Na ko nɔng Moldoy hunde obhoniseono mɛnɛnga bhɛa zugonyde, ngangaye dhaa mar rɛa nɛnɛ na kennɛ ko mɛnɛnga allinɛnɛa :nɛa. Na nɔng hunde me ngangaye, anda ale mɛnɛnga dirr allinɛnɛ ɛnɛng?

Matiyos 13:20

Na ngaduguya ngɔsɛnɛ bhɛa ku guguriye, hɛt ko zuga shikkɛa lɔga Tumu na dhuggumɛsɛnɛa hinisiya bo hɔla nga hung.

Matiyos 13:38

Na gu ɛlɛhɛn ba kumulɔng. Na ngaduguya chalde ɛlɛhɛnnɛ zuga lɔmma :Tumu. Na shuroy ɛlɛhɛn zuga allinɛnɛa :Moldoyɔ,

Matiyos 4:23

Nɔng Yesus bere woo baa Gelila kumulɔng na madhdha zugo doriyoa gɛ madhinɛnɛa lɔga Tumu, na kɔbhɛsɛna kamannaa challa ale lɔmɛa :Tumu zugo. Na chɔɔ bere ibbayseo zuga ilagassɛa mutanyoga bhiy bhiy ko ga chɔllaa bhoyɔ kumulɔng.

Matiyos 5:37

Na hunde yoktoo lɔgɔ na seyo, ‘Eeye,’ any kete, ‘Ee’ chi! Oo hunde seyo, ‘Ngayoye,’ any kete, ‘Ngayo’ chi! Nɔng hunde gamsiyo ba na tɔrtɛo genaye, ngangaye dhaa ngalɔktonu agga Moldoyny.

Markos 4:15

Na zuga shikkɛa ngalɔkta gena heo ko ngaduguya ngɔsɛnɛ gangguye. Yɔk ngazukta ku ngangaye kolea shigɛa lɔga Tumu, nɔng Moldoy kun ke tiri na kɔɛ lɔgaa lɔmmɛa hinisichinne wa ngani kàmadhɛsɛna.

Yohanis 18:38

Na ghinu :Bhilatosi sɛgɛn na sɛɛsɛ, “Lɔga ku dhere a bhɛa kènɛa ɛnɛng?” Na hunaa ghinna na tewa ushaye, bhonu bhɔ na assa zuga Ayhudhi sɛgɛn na sɛɛsɛ, “Anye ngahirra lɔkte gɛrsi ɛddɛi na kàttiyɛ ngani kɔ̀jɔɛsɛo.

Yohanis 8:43

Na bhee lɔga koyokkoni ngaungusɛɛnooye, a ore? A ngaya lɔga koyokkoni :anyo marɛo na ngashigɛoyoye.

Zuga Kèkko 17:32

Na yɔk hunaa shikkɛa lɔga hira bansana rɛsɛyɔye, gena bhɔsɔrɔ Bhaulos. Na yɔk gena se, “Ngalɔkta ale yogogiy sɛgɛn na kìshikto shɛɛ.”

Zuga Kèkko 18:15

Na hunde igge dha ɛkkɛnyannɛnɛo lɔginyaye gu ko sara zugony ko lɔga damiya nuye, nɔng kedhdhigi ꞉iggeu sabbiya gu. Anye lɔkte ku nganga ngakegedhdhiyo.”

Zuga Kèkko 20:25

“Na igge zuga bere kasanungu na kamadhdhagungngu lɔga ale lɔmɛiy ꞉Tumu, ale wurtɔ sɛgɛn ngani ngaorronyuo.

Zuga Kèkko 28:23

Na hunaa bhiiktɛsɛa ungo na tewa ushaye, tɛldi na hoya doraa nɛnɛ ke mɛri. Na nɔng kali bhɛa bo tii ko bhee anɛ jhayny dhugunɛsɛ lɔga Tumu bhɛa Tumu lɔmɛa zugo. Na kɔbhɛsɛ Damiya Tumu bere kàjjɛa Muse ko lɔga bere kɔdhdhɛsɛnɛa ꞉zuga yogɛsɛnɛa zugo lɔga dhugunono ꞉Tumu dadabinya na kɔbhɛsɛ bhɛa madhdhagiyɛa lɔga Yesusi na ko yɔk kɛyɛbhɛtɔ.

2 Tɛsɛlongke 2:12

na aynde Tumu kedhdhɛ lɔga ngazuktonu bu dɛllɛ lɔga gɛrsa na ga ku dhere ngayɛbhɛoye kumulɔng na attiɛye.

1 Yohanis 3:12

Nɔng Kayel bere anna eriya Moldoyny na koo nisso gɔynɛ. Na igge maya damiya bere nɛnɛ ngamessoo. Na ngangaye gɔynɛ bere nisɛ lɔk giyong? Bere nisso ke ngaya nɔng anɛ hira messo kuhuyamo na gɔynɛ Abel anɛ hira messo lɔga challa ridhing ningginɛnaye.

1 Yohanis 5:18

Yɔk zuga teya erroa Tumu kumulɔng hunde lɔga gɛrsa dirr ngani ngamessɛoye, agge kàggayɔ ke ngaya Eriya Tumu bhɛgɛ yɔk shɛɛ na Moldoy ngatiranyɛoye.

1 Yohanis 5:20

Na Eriya Tumu hunde dha bere ko ba na aiy bho gaanaa kàggayɛa bhɛa Tumu anɛa Komoruya ku dhereye, kàggayɔ. Na mɛa kɛ̀l ko ngakomoruyta ku dhereye ke ngaya kɛ̀lɛ ko Eriya Nɛnɛ Yesus Kirisos kari ke dhɔnɛye. Nɔng Yesus a Tumu Komoruya ku dhere ko basseya iho dhul.