Matiyos 13:11 - Suri Latin

¹¹ Na nɔng yagɛsɛ na sɛɛsɛ,“Yɔk bhee kɛ̀lɛhɛnɛsɛn lɔgɔye, a ngaya igge bhɛa gayɛo lɔga munnɛna lɔmɛa :Komoruya tumony zugo, bere kàungɔ, na yɔk ngani kàyɛoye.

Matiyos 13:11 ပူးပေါင်းရင်းမြစ်များ

Matiyos 13:10

Na zuga kɔbhbhɛa nɔng hoya bhɛa nɛnɛ na ghini na seyɛsɛ, “Ngangaye inye hunde yogɛsɛn zugo lɔgɔye, lɔgɔ ɛlɛhɛnɛsɛn kɛ ɔng?”

Matiyos 16:17

Na sɛɛsɛ :Yesusi, “Eriya Yona Simon, inye ani tuhinɛ, ke ngaya ngalɔkta anɛ ga dhugunnogɛinyi :Babaa nanu iho tumɔye. Na ayuk ko nyawa ngani kudhugundoginyo.

Matiyos 19:11

Na sɛɛsɛ :Yesusi, “Lɔkte ku ngangaye zugo kumulɔng ngahinnɛo. Hinnɛ gee bere kàjjɛ bhɛa kènno ngagamnɛye sɔng.

Matiyos 20:23

Na nɔng sɛɛsɛ, “Yɔk ahaye ale kamayi kombiyɔye, ko igge ale matto chi. Na nɔng inde oy zugo sɛtɛna nanu ko kangitɛna nanuye, anye ngakaniyo. Yɔk ngahandonu a hana kòjjo kɔk na kènno kɛ̀tɛldɛ :zukte bere sennana :Babaa nanuye.”

Markos 10:40

Na nɔng inde oy zugo sɛtɛna nanu ko kangitɛna nanuye, anye ngakaniyo. Nɔng sɛtɛn ko kangitɛna nanu a hana bere kòjjɛsɛna zuga bere sennana :Tumu sabbɔ kɔk.”

Markos 4:11

Na nɔng yagɛsɛ na sɛɛsɛ, “Igge bhɛa gayɛo lɔga munnɛna lɔmɛa :Tumu zugo, bere kùdhugundogungɔ. Na yɔk zuga lɔga Tumu ngayɛbhbhɛayo kɛ̀lɛhɛnɛsɛn lɔgɔ,

Yohanis 6:65

Na tɔrɛ sɛgɛn na sɛɛsɛ, “Ngaya a bhee wa kesennagɛung, ‘Inde kun bhɛa nanuye a hira lammana :Babaa Nanu sɔngge.’”

Yohanis 7:17

Na hunde lɔ hirre se keme lɔga hinno :Tumu na kurrugɛsɛye, ale gayɔ hunde ngalɔkta kamadhɛsɛn zugoye agga bere ajjanyi :Tumu oo hunde agga sabbaa nanuye.

Zuga Kèkko 16:14

Na bhɛa ngatɛrroonu chirariyɛye, lɔ tɛrite kèe Ngalidiya kun ɔrre kèe Tiyatiron. Nɔng dha a ngagayya ruminyaa rɛghɛa gaw dhandala na nɔng kɔbh lɔga Tumu damiya zuga Ayhudhi. Na hunaa shikko lɔga yokkono ꞉Bhaulosiye, owo ꞉Komoruyɔ hini na chiraru shɛɛ.

1 Timotiyos 3:16

Yɔk lɔga bere dhugunnogiy :Tumu ajjiyɛa bhɛa kɔ̀ɔbhɛa lɔga gɛnyɛ dhere, agga kìwacheo goore dhogoy na chɔɔ ko hinisi ngakàraginɛnɛayo. Na ngalɔktonu a ɛnɛnggeo, Nɔng bere dhɔlagiyɔ rɛ ke hiri, na dhugunoa :Kuloya Tumu, bhɛa anɛa Eriya Tumu dhere, na arta :zuga ekko :Tumu, na lɔga gɛnyɛ kàmadhtɛsɛa bhorinya kumulɔng, na zuga bhakkɛa ba yɛbhta nɔng, na kàytɛa tumɔ na bo lɔmma diram.

1 Timotiyos 3:9

Na yɔk hunde ngani bhɛkkɛ kamannaa bere dhugunnogiy :Tumu ku dhereye, maya bhɛkkɛ ke ga bo hinisi ɛlla hurr huna zuga ahiya dununy ngani kussayo.

Yaykob 1:5

Na nɔng bhɛa nu hunde hir kona imag bhoye, any kogol Tumu na aynde ale kàjjɛ bhɛa gayɛa bhoye. Nɔng Tumu a Komoruya challa hini ngangɔayo ɛdhdhɛttana zugo lɔkke kumulɔng.

1 Yohanis 2:20

Na nɔng igge annaa bere kùhudhtongngɔ Kuloya Hira Kullɛna na lɔga ku dhere gao kumulɔng.

1 Yohanis 2:27

Nɔng igge anno zuga bere kùhudhtongngɔ Kuloya Hira Kullɛna na ngani ɛllo ko nɔng kari ke dhɔnɛ na bhee madhdhɛung :hir konnɔ ninggɛ. Nɔng ngakuloytonu madhdhagung lɔgɔ kumulɔng. Na lɔkte madhdhagungge agga ku dhere, ga ku butomo ngayo. Na mɛa igge tɛldi ko Kirisos kari ke dhɔnɛ damiya bere dhugunnogɛungu :Kuloya Tumu.