Matiyos 12:32 - Suri Latin

³² Nɔng hirre dhɔm Hiri Hoynɛye, bhɛa ale kùjjugɛa lɔga gɛnyɛ gɛrsa na kèsenɛsɛna, ‘Any kagarayɛ,’ ihe. Na nɔng inde dhɔm Kuloya Tumuye, lɔga gɛnyɛ gɛrsa ngakùjjukko dhul ko kingi.

Matiyos 12:32 ပူးပေါင်းရင်းမြစ်များ

Matiyos 11:19

Na ko nɔng Hiri Hoynɛ huna bere kunno, annaa bere amma amissɛa ammɛa :zugu na matta woyna kùchudhdhana, na koo senɛsɛnɛa :zugu, ‘Ga gɔnyigi ngahirra. Nɔng a ghormi, na dhutti, na chɔɔ a bɛkkaya zuga mukkɛa gharata ko na gaa messɛa lɔga gɛrsa.’ Yɔk lɔga challa messo :hiriyɔ a gee dhugunnonɛ bhɛa anɛa hira gaa bhoye.

Matiyos 12:31

Na mɛa anye kesennagung ɛnɛnggeo, yɔk zugo hunde kemesigi lɔga gɛrsa kumulɔng na chɔɔ kɔdhɔmɔ zugo, bhɛa ale kùjjugɛa lɔga gɛ gɛrsa na kèsenɛsɛna, ‘Any kagarayɛ,’ ihe. Na yɔk gee dhɔmmɛ Kuloya Tumuye, lɔga gɛ gɛrsa bhee kùjjugɛ na kèsenɛsɛn, ‘Any kagarayɛ,’ ninggɛ dhul ko kingi.

Matiyos 12:8

Anye bhee kesenɛ ngangaye, a ngaya Hiri Hoynɛ anɛ Komoruya Kala Ayawsunyde.

Matiyos 13:22

Na ngagiya ngɔsɛnɛ birino toyeye, hɛt ko zuga shikkɛa lɔga Tumu shɛɛ chi. Na hɛa na dokkonɛa lɔga shurnɛnɛa :zugu bay ngaya na yɛbhbhɛa butomoa aha mɛrtinuny na kawarɛ ngaeggissonɛayo ke ngaya ngalɔkta messɛ :yɔkkuye iggarisɛɛ lɔga Tumu lɔmmɛa hinisiyeye.

Matiyos 13:39

na ngamirogita kun na say shuroyte a Moldoy. Na ngakoleya suniunyde ɛlɛhɛn kolea ale uturronɛa ba kumulɔng. Na ngazukta suninɛye a zuga ekko :Tumu.

Matiyos 13:40

“Na ngadamita kùbuchchonɛ shuroy na kɔ̀shɔgɛ goye, ko nɔng kolea ale garsɛa ba kumulɔng, lɔgɔ ale a nganga.

Matiyos 13:55

Nganda ngayo liya ngananita ghende doriyoye? Na chɔɔ jɔnɛ ngakeliyo Mariyam? Na gochonginyaa gɛnyɛ ngayo :Yaykobi ko :Yosebi ko :Simoni ko :Yihudha?

Matiyos 8:20

Na nɔng Yesus yagɛsɛ na sɛɛsɛ, “Yɔk dhokkoli bolkɛna gɛ ɛllɛ. Na ko yɔk shɔa doriyoa gɛ ɛllɛ. Na nɔng Hiri Hoynɛ chɔɔ bhɛa igingo ninggɛ.”

Markos 10:30

yɔk ngabɛrgunyaya mɛa toyneye, ale kɛ̀dhdhɛttan na lɔga gɛ jorronɛ ga bɔɔ sabbune jagarɛ kɛngi zugo hayna, na ale lɔmmɛ doriyo, gochonginya, ngɔnigɛ, jugɛ, erro ko gunya na marrɛ :zugu na chɔllanɛyɔ. Na yɔk bɛrgunyaye wurtune ale andanɛye, ale kàjjɛ basseya iho dhul.

Markos 3:28

Ga shigitɔ! Yɔk zugo hunde kemesigi lɔga gɛrsa na kɔdhɔmɔ Tumu, ngalɔkta gɛ gɛrɛse kumulɔng bhɛa ale ujjugɛa :Tumu na senɛsɛna, ‘Any kagarayɛ,’ ihe.

Markos 3:29

Na nɔng inde dhɔm Kuloya Tumuye, lɔga gɛnyɛ gɛrsa bhee ujjugɛ :Tumu na senɛsɛn, ‘Any kagarayɛ,’ ninggɛ dhul. Na chɔɔ ale ngani lɔ ewoa ngalɔkta gɛrɛ bɔɔ dhɔmɛ Kuloya Tumuye dhul ko kingi.”

Yohanis 7:12

Na bhɛa zuga ɛlla ngonu, gena bere mɛzziyɛa lɔga gɛnyɛ hɛhɛyɔ na sennɛa, “Ngahirra a hira challa!” Na gena sennɛa, “Ay, a gɛrsi! Nɔng itabh zugo.”

Yohanis 7:39

Nɔng Yesus dha bere hunde se ngangaye, dhugunɛsɛn zugo lɔga Kuloya Tumu, ale kàjjɛa zuga yɛbhbhɛa nɔng. Na dha bere ngakoleonu Tumu Kuloya nɛnɛ zugo ngani kaynɛo, ke ngaya kolea Tumu ajjɛa Yesus diram ngani keteyɛoye.

Yohanis 7:52

Na yɔk yaktɛsɛ na seyɛsɛ, “Ngangaye, inye ngaaniyo hira Gelila rɛ dha? Ga marak Lɔga Tumu shɛɛ na ko inye tak hunde Hira Yogɛsɛna Zugo Lɔga Dhugunono :Tumu Gelilagiye ale ngahudhukkinyaoye.”

Zuga Kèkko 3:19

Na mɛa ujjugu lɔga gu gɛrsa na wakta gɔra Tumu na ko nɔng Tumu kujjuk lɔga gu gɛrsa na kagara dhul. Na Tumu ale ittonnogung Komoruya bere kɛ̀bɛrragungu igge sabbɔ kènno Yesus na kilalung hinisi na ke ga bo challa.

1 Timotiyos 1:13

Nɔng anye bere kingi kani na kɔdhɔmi nɔng, na kahangi zuga yɛbhbhɛa nɔng, na kobhorii ba. Na chɔɔ ko hunde anye kète nganda kemesi ngangaye, nɔng bere chirbhiseonyɔ ke ngaya bere kimagɛ lɔga kemesi :anyo na nɔng ngani kɛ̀yɛbhɛoye.

1 Timotiyos 1:15

Yɔk ngalɔkta sennɛ, “Nɔng Kirisos Yesus annaa bere kowa ba, na kibbaysi zuga lɔmmɛa ridhingge,” a dhere na maya kɛ̀yɛbh kumulɔng. Nɔng bhɛa zuga lɔmmɛa ridhing kumulɔng, inde kɛddɛi lɔga gɛrsa gooreye, kani anye.

1 Timotiyos 4:8

Nɔng hunde kàragɛsɛn rɛhi bhɛa kèmesinɛnɛa na kànɛa dhɔrɔgɔsiye, ɛaniy bhe chinyi hung. Na nɔng hunde kàragɛsɛn rɛhi bhɛa kɔ̀ɔbhɛa lɔga Tumu dib na kèmesɛa lɔga gɛnyɛye, ɛaniy lɔkke kumulɔng ke ngaya lɔmɛ lɔga bhiikagɛiy :nɛa kɔ̀jɔana mɛa toye hunde ngani kàbhak ba ngayaye ko gee ale kinginyeye.

1 Timotiyos 6:17

Na yogɛsɛ zukte aha mɛrte lɔgɔ na ngadhunggurrɛ na iddirnɛnɛ aha mɛrtin, ke ngaya ahaa kɔ̀lɔmma bay ngaya anɛ ga oddoniyɛa na garsɛa shaw hungge. Na yogɛsɛ na kiddirtɛy Tumu, Komoruya ɛdhdhɛttanniy lɔkke kumulɔng na ajjiy bhɛa hinisiya ga anɛa hɔli.

2 Timotiyos 4:10

ke ngaya Demas nɔng bɔɔ tɛhɛnɛa lɔga messɛa :zuga marrɛa Tumu na dhɔyanyɔ na okka Tɛsɛlongkegiyeye. Na ko nɔng Kerike bɔɔ okka Galatiyagiye, na Tito ko nɔng okka Dalmatiyagiye.

Tito 2:12

Na ngalɔkta kìchirbhisiyɛiyte, madhdhagiyɛ bhɛa kàmarɛa lɔga gɛrsa ko ga kìchirkanna ɛlla bay ngaya marra :Tumu. Na lammaniyɛ na kɛ̀bhɛgɛ rɛhi na kɛ̀tɛldi hurr. Na hunde ngani kàbhak baye, kèmesigi lɔga hinno :Tumu sɔng.

Yaykob 1:27

Yɔk lɔkte chal hinnogiy :Babaa na Tumu na kɛ̀bhɛgɛ na ridhing ngakɔ̀lɔmiye a ɛnɛnggeo, kèe kɛ̀ya erroa ku bhoyoga ko tɛrroa ku bhoyoga chɔllanɛna na kɛ̀bhɛgɛ rɛhiya ga bhɛa lɔga gɛrsa lɔmmɛa ridhing messɛa :zugu.