Matiyos 11:11 - Suri Latin

¹¹ Na mɛa ga shigitɔ! Bhɛa ngazukta bere hudhukkonɛ :tɛrrouye kumulɔng, inde jorrono Yohanisa Churro Zugo ninggɛ dhul. Na nɔng bhɛa lɔmɛa :Komoruya tumony zugo, chɔɔ hira chinynyo ghasura, jorrono Yohanisa Churro Zugo.

Matiyos 11:11 ပူးပေါင်းရင်းမြစ်များ

Matiyos 11:10

Nɔng ngahirra, a hira lɔga gɛnyɛ bere kɔ̀gɔdhdhɛsɛna dadab na sennɛa, “‘Ga shiktɔ! Anye ale kibhbhan hira nanu kona na kegi sabbɔ na kɔhaginy ganggua ale dhoi.’

Matiyos 11:12

Na kɔdhdhanɛ bɛrgua bere Yohanisa Churro Zugo ko mɛa toye, zuga messɛa ba gɛrrɛng gɛrrɛng a ngagiya ngani bansɛsɛnɛ komorumoa tumony na kalliyɛy :yɔkkuye.

Matiyos 3:1

Na ngakaldonu hirre kèe Yohanisa Churro Zugo ko na madhu zugo korua iho baa Yudha,

Matiyos 3:11

“Nɔng anye mɛa kuchurrong ma hung ke bhɛaa dhugunɛsɛno Tumu lɔga gu gɛrsa na ujjugɛa. Na nɔng inde ɔnnɛ na jorronony anyeye ale kɔbhbhananydɔ. Nɔng bhɛa nɛnɛ, anye kani na chinynyo ghasura chɔɔ chahaa gɛnyɛ ngakɔlɔgɔniyo. Na ale churrong Kuloya Tumu ko gogiye.”

Matiyos 5:19

Na hunde tɔlɔ inde dhɔt ngalɔkta ɛl Damiya Tumuye ga chicho godhe na ngani ngabhɛkko, na chɔɔ madhɛsɛ zug gena na ko yɔk ngabhɛkkɛye, nɔng ale bhɛa zuga lɔmma :Komoruya tumony kòy ke na chinynyo ghasura. Na nɔng inde bhɛk ngalɔkta ɛl Damiya Tumuye kumulɔng na chɔɔ madhɛsɛn zug gena na kɛbhɛgɛte, bhɛa zuga ale lɔmma :Komoruya tumony, nɔng ale kòy ke hira bo.

Yohanis 1:15

Nɔng ngahirra a hira bere orro :Yohanisi kawariyɔ na koo yogɛsɛna zugo goore na senɛsɛna, “Ngahirra anna bere koyokkogungu na kesennagungu, ‘Hirre ale kɔbhbhananyde anna jorrononyi anye ke ngaya anɛ hira bere ihono kingiye.’”

Yohanis 10:41

Na zuga bo mɛra hoya na assa nɔng na se, “Nɔng Yohanis lɔkte bu barari annaa ngani kemessao dhul. Na yɔk lɔga ngahirra bere yokkogiy :Yohanisi kumulɔng, dha bere a dhere.”

Yohanis 3:30

Nɔng maya jorronony anye na a bu. Na anye bhɛa nɛnɛ maya kani chinyi.

Yohanis 5:35

Nɔng Yohanis bere hɛtta ko goa walda na abakkanna ba. Na ko igge annaa tɛhɛndo hɔldina nɛnɛ na hinisiya gu keteya hɔli bɛrgunyaye muchugi.

Yohanis 7:39

Nɔng Yesus dha bere hunde se ngangaye, dhugunɛsɛn zugo lɔga Kuloya Tumu, ale kàjjɛa zuga yɛbhbhɛa nɔng. Na dha bere ngakoleonu Tumu Kuloya nɛnɛ zugo ngani kaynɛo, ke ngaya kolea Tumu ajjɛa Yesus diram ngani keteyɛoye.

2 Timotiyos 1:10

Na yɔk mɛa ngalɔkta bɔɔ dhugundiyaa tok ke bhɛa bere kunɛa :Kirisos Yesusi, Komoruya Na Ibbayseiy agge. Nɔng anna bere igariseo rɛsɛ na dhugunnogiy bhɛa kɔ̀jɔanɛa basseya iho dhul hunde kɛ̀yɛbh kamannaa challaye.