Matiyos 10:40 - Suri Latin

⁴⁰ Hirre lammanung iggeye, ngangaye lammanany anye. Na inde lammananyde, ngangaye lammana chɔɔ hira bere ekkononyi.

Matiyos 10:40 ပူးပေါင်းရင်းမြစ်များ

Matiyos 18:5

Na inde lammana erite ku nganga sara ganyuye, ngangaye lammanany anye.

Matiyos 25:40

“Na nɔng Komoru ale yagɛsɛn na senɛsɛn, ‘Ga shigitɔ! Nɔng igge huna bere mesɛsɛno ngazukta chichi ku gochonginya ko ngɔnanyaa ganyuye ngalɔkta ɛanɛo zugoye, ngangaye ngalɔktonu messogonyu anye rɛ.’

Matiyos 25:45

“Na nɔng Komoru ale yagɛsɛn na senɛsɛn, ‘Ga shigitɔ! Nɔng igge huna bere ngazukta chichi ku gochonginya ko ngɔnanyaa ganyuye, ngalɔkta ɛanɛo zugoye ngani mesɛsɛayo, ngangaye ko anye ngani mesogonyuo.’

Markos 9:37

“Inde lammana ngaerroya chichiye kona sara ganyuye, ngangaye lammanany anye. Na inde lammananyde, ngangaye lammana chɔɔ hira bere ekkononyi.”

Yohanis 13:20

A challi, ga shigitɔ! Inde lammana hira kegi :anyoye ko nɔng ngangaye lammanany anye. Na ko nɔng inde lammanany anyeye, ngangaye lammana hira bere ekkononyi.”

Yohanis 20:21

Na koo tɔrɛ sɛgɛn na sɛɛsɛ, “Tɔlɔmɔ zany na tɛldi ke na bo challa! Na mɛa ko anye kekkung damiya bere ekkonɛanyi :Babaa nanu.”

Yohanis 5:23

na zugo kumulɔng kayɛ Eriya Nɛnɛ diram ngadamita ajjɛ chɔɔ Chɔgɔnɛye. Na nɔng inde Eriya Tumu diram ngaajjɛoye, ko nɔng Baba Tumu, hira bere ekkono Eriya Nɛnɛ, ngahirronu diram ngaajjɛo.

1 Tɛsɛlongke 4:8

Na nɔng hirre mar ngalɔkta na kɛye, hiri ngakɛyo. Nɔng kɛ Tumu hira ajjungu Kuloya nɛnɛ kɛnginyana barara.

2 Yohanis 1:9

Yɔk zukte sɛchchɛ lɔga Yesusi na tɔrɛ ga sabbiya gɛ na lɔga bere madhinɛnɛa :nɛa ngamessɛo na mɛdhdhanɛoye kumulɔng, bhee ɛlɛ ko Tumu kari ke dhɔnɛ ninggɛ. Na yɔk gee ngani messɛ lɔga gɛnyɛ na mɛdhdhanɛye, ɛl ko Baba Na Tumu ko Eriya Nɛnɛ Yesus kari ke dhɔnɛ.