Matiyos 10:23 - Suri Latin

²³ Na hunde kɔ̀gɔldagung ba konnɔ na kàhanggungɔye, jara ba konnɔ hung. Ga shigitɔ! Chɔɔ igge hunde oriya Isirayeli kumulɔng ngani tɔyɛo na dheytaoye, nɔng Hiri Hoynɛ ale kundɔ.

Matiyos 10:23 ပူးပေါင်းရင်းမြစ်များ

Matiyos 16:27

Anye bhee kesenɛ ngangaye, a ngaya Hiri Hoynɛ ale lɔmmanɛ dirama Babaa nɛnɛ na dhɛanɛ ko zuga ekko :nɛa, na ɛdhdhɛttanɛ zugo bhiy bhiy damite lɔkte bere messɛ :yɔkkuye.

Matiyos 16:28

Ga shigitɔ! Bhɛa ngazukta chillɛ ngayaye, ga ale shaw ngarɛssɛayo na ɛlla ko bhee orɛ Hiri Hoynɛ hunde kun na allinɛnɛ zugoye, ɛllɛ.”

Matiyos 2:13

Na hunaa zuga gayɛa bho aytaye, nɔng hira ekko :Tumu kona ko na yogɛsɛ Yoseb lɔgɔ kunaɔ na sɛɛsɛ, “Eri lami :Herediosi na kɔgɔndɔ. Na mɛa bana ibha eri ko jɔnɛ na jarɛ Gibsigiye. Na ko bhee koyokkogɛiny kolee ale wokkonɛye, ga tɛ ngonu!”

Matiyos 23:34

Nɔng anye mɛa kibhbhan zuga yogɛsɛnɛa zugo lɔga dhugunono :Tumu ko ga gayɛa lɔgɔ ko ga madhdhɛa zugo, na kegi bhɛa nu. Na nɔng igge ale ibhbhano na gen nissoyɔ, gen ilakkoyɔ, gen dhakko doriyoa madhinɛnɛa zuga Ayhudhi lɔga Tumu toye na kɔbhbho chɔɔ oree hɛɛye na hangngoyɔ.

Matiyos 23:36

Na mɛa ga shigitɔ! Yɔk zukte ale kattiyɛ ngalɔkta kumulɔngge, a zuga ngatenyda mɛa toyneye.

Matiyos 24:27

Anye kesennagung nganga ke ngaya Hiri Hoynɛ hunde ale kunde, hɛt ko tumua bhadhdha surr gɔra yaluny na kòrro chɔɔ gɔra tɔbhaye.

Matiyos 24:30

Na ngakoleonu ale tumɔ tundɔ kòr lɔga dhɔllanɛa Hiri Hoynɛ. Na zuga bhakkɛa ba kumulɔng ale orrɛ nɔng hunde bu kun idhogiye na bo lɔmmana diram ko barartinde na ruɛ goore.

Matiyos 24:34

Mɛa ga shigitɔ! Yɔk ngalɔkta kumulɔng ko bhee urruknyɛsɛnɛ, ngatenyda mɛa toyneye ngagarsɛo.

Matiyos 24:48

Na nɔng hunde ngagaymaytonu kete kuhuyagi na kese, ‘Komoruya nanu mɛa ale shaw ngakunno,’

Matiyos 25:13

Na mɛa ko igge mɛdhta na bhɛktɛ shodhdhik ke ngaya imagɛo ngakoleonu oo ngaunggonu dibte.

Matiyos 26:64

Na nɔng Yesus yagɛsɛ na sɛɛsɛ, “A ngagiya seniye chi. Na nɔng mɛa anye kesennagung ɛnɛnggeo, igge ale orro Hiri Hoynɛ hunde i siyɔ sɛtɛna Tumu, Komoruya Bo Ɔnnɛna na kun tumɔ na bo woono idhogiyeye.”

Matiyos 4:12

Na Yesus hunaa shikko hunde dha bɔɔ Yohanis kɛ̀chɛbɛɛye, wagu Gelilagiye.

Markos 13:26

Na ngakoleonu nɔng Hiri Hoynɛ ale orrɛ :zugu hunde bu kun idhogiye na bo lɔmmana diram ko barartinde.

Yohanis 7:1

Na hunaa Yesus mɛzziya ko zugo na tewa ushaye, nɔng tɔu baa Gelila ngonu sɔng na bhokkonnɔ ngani ngakɔyo. Na bhɛa senno kɔtɔyɛ baa Yudha ngani ngahinno ke ngaya hinɛsɛnɛ :gulsachina Ayhudhi rɛsɛye.

Zuga Kèkko 17:10

Na barɔ zuga yɛbhbhɛa Yesus ittono Bhaulos ko Silasi Beriyagiye ke tiri. Na hunaa dokkɛa ngonuye, ago doraa madhinɛnɛa zuga Ayhudhi lɔga Tumu.

Zuga Kèkko 17:14

Na zuga yɛbhbhɛa Yesus ɛlla ngonu koo yoktɛsɛ Bhaulos ke tiri na ittono chɔɔ yirisi tugɔ. Na Silasi ko Timotiyos yɔk dhɔttɛ Beriyagiye ngonu.

Zuga Kèkko 20:1

Na lɔgɔ hunaa ɛrtiyaa na tewa ushaye, Bhaulos muga zuga yɛbhbhɛa Yesus na madhu na iriyu. Na kendɛ na nɔng ogu Mekedoniyagiye.

Zuga Kèkko 8:1

Na ko nɔng Saol dha bere hinɛsɛn Istibhanos rɛsɛ. Na kala rɛsɛa ꞉Istibhanosi lɔgɔ te dhandali goore. Na zuga yɛbhbhɛa Yesus ɛlla Yerusalemɔ kumulɔng kɔ̀gɔrta na bhassayɛ. Na gena hanggɛ oriya ɛlla baa Samariya, gen hanggɛ oriya ɛlla baa Yudha. Na Yerusalemɔ dhɔttɛ ꞉zuga bere ekko ꞉Yesusi sɔng.