Matiyos 10:15 - Suri Latin

¹⁵ Ga shigitɔ! Ɔrre zugo messɛ ngangaye, kolea ale kedhdhɛa :Tumu lɔga zugony, ale kàtti na bhɛa attiya nɛnɛ, chali attiya bere kàttiyɛa Sodom ko Gomora.

Matiyos 10:15 ပူးပေါင်းရင်းမြစ်များ

Matiyos 12:36

Nɔng anye mɛa kesennagung, kolea ale kedhdhɛa :Tumu lɔga zugony, lɔkte bere yokkonɛ :zugu hologun ninggɛye bhoy, ale kìghin :zukte bere yokkonɛye kumulɔng na kàttiyɔ.

Matiyos 5:18

Mɛa ga shigitɔ! Ko bhee tumu ko ba garsɛ, lɔga ɛlla Damiya Tumu bere kàjjɛa Muse kumulɔng ale urruknyɛsɛnɛyɔ. Na chɔɔ bidhɛliya chinynyo godhe oo bidhɛli bhɛa chinynyo godhe Damiya Tumu ngagaraso dhul ko bhee urruknyɛsɛnɛ rang.

Matiyos 7:22

Nɔng kala ale kedhdhɛa :Tumu lɔga zugony, zugo ga mɛra ale sennaganyɛ, ‘Komoru, Komoru, na kèe agge kanno zuga bere kudhugunɛsɛno zugo lɔga Tumu sara gunyu, na kobhoniseono mɛnɛnga sara gunyu, na chɔɔ kemesso lɔga bo mɛra dhandala sara gunyu?’

Markos 6:11

Na hunde ayto na zugo ngani ngalamanungɛo oo lɔga gu ngani ngashikkɛoye, dhɔyɔ na tibartɛsɛ teriya lɔmmo jagarre ngonu na aynde ibbayɛo yɔk bhɛa ale Tumu kedhdhɛa lɔga gɛye.”

Yohanis 12:48

Nɔng hirre marrany anye na lɔga ganyu ngahinnoye, hira ale kedhdho lɔga gɛnyɛ ihe. Yɔk ngalɔkta gany bere koyokkonde rɛ a gee ale ujjukkanɛ nɔng kala ale wurtuneye.

Yohanis 6:39

Na lɔga Babaa nanu bere ajjanyi na ekkonɛanyi a ɛnɛnggeo, kèe kɛ̀bhɛk zuga bere ajjanyi kumulɔng na chɔɔ dhɔnɛ ngakiggarisi na kala ale wurtune kɔ̀dhɔngnga rɛsɛyɔ.

Yohanis 6:40

Na sɛgɛn lɔkte hin :Babaa Nanuye gena, a ngaya kèe inde orrony anye Eriya Tumu, na yɛbhbhanyde, kɔjɔa basseya iho dhul na kala ale wurtune kɔ̀dhɔngnga :anyo rɛsɛɔye.”

Zuga Kèkko 17:31

Nɔng anna lagunya bharraa unga ale kedhdhɛa lɔga zugony kumulɔng. Na ale ngakoleonu hira bere bɛrrana ꞉nɛa ken lɔgɔ dib. Yɔk ngalɔkta hunde a dhereye, annaa dhɔlɛsɛa zugo kumulɔng huna ibbaniseonɛa ngahirra bere bɛrranaye rɛsɛyɔ.”

1 Tɛsɛlongke 5:4

Gochonginyaye, igge anno zuga kɔrrɔynɔ toye ngaɛlloo. Na ngakaldonu nɔng ale huna ɔgɔrchaginy dari ngadhullagungo.

2 Betiros 2:6

Na sɛgɛn nɔng annaa attiwa zuga bhakkɛa oriya kèe Sodom ko Gomora na dhitta gogiye na tewa buryoga, na lɔga gɛ karta :zukte messɛ lɔga gɛrsaye kumulɔng na katagatɔ hunde dhaa zuga Tumu ngaɛngɛrsɛayo kàtti ɛnɛngge.

2 Betiros 2:9

Yɔk ngalɔkta kumulɔng, dhugunnonɛ bhɛa Komoru Tumu gayɛa ganggua ibbaysiyɛa zuga yɛbhbhɛa nɔng dhere hunde dokkonɛ lɔga kìllobɛaye. Na chɔɔ zukte bhorɛɛ baye, gayɔ hunde atti ɛnɛng na oy ko bhee anɛ kala ale kedhdhɛa :nɛa lɔga zugony kumulɔngge.

2 Betiros 3:7

Na damiya bere Tumu yokkonɛa lɔgɔ na ghendonɛa aha kumulɔng, annaa bere yogoa bhɛa ngatumuya chakte ko ba kumulɔng ale hukkanɛa gogiye rang. Nɔng kalde ale hukkanɛye, a kala kedhdhɛa :nɛa lɔga zugony kumulɔng, na iggarisiyɛa zuga Tumu ngaɛngɛrsɛayo.

1 Yohanis 4:17

Na hunde kɛ̀l ko Tumu kariye, nɔng ajjiy bhɛa kìbhɛsɛna zugo hinisi goore dhogoy hunde nɛnde. Na kala ale kedhdhɛa lɔga zugony, agge bho ngakɛ̀ngɛrɛso ke ngaya hunde ngani kɛ̀l bay ngayaye, kɛ̀lɛ ko nɔng kari ke dhɔnɛ damiya bere Yesusiye.

Yihudha 1:6

Na ga kàtta zuga ekko :Tumu bere irranɛa nɔng. Yɔk annaa bere dhɔttɛa buyna ajjɛa :nɛa ko hana gɛ bhakkɛa. Na koo chibbo :Tumu dhul ko kingi na ojjo mugurɔ ko bhee ale anɛ kala bo kedhdhɛa lɔga zugony kumulɔng.

Yihudha 1:7

Na chɔɔ ga kàtta zuga bere bhakkɛa ɔra kèe Sodom ko na kèe Gomora ko ga bere bhakkɛa dhey dhey. Ko yɔk annaa bere messɛa lɔga bo gɛrsa ku lollumo ko kuhuyamoa bo gɛrsa chɔɔ anda zugo ngamessɛayo dhul. Na ngaya bere kàttiyɛ yɔk gogiyeye, dhɔllagiyɛ bhɛa ale chɔllanɛnɛa :zuga messɛa gɛrrɛng na kàttiyɛa goa iho dhul ko kingi.