Matiyos 1:19 - Suri Latin

¹⁹ Nɔng ngahirra tɔginɛnɛ Mariyam kèe Yosebte, dha bere a hira ridhing ningginɛna. Na ngaya anɛ hira ridhing ningginɛnaye, koo ɛsɛdhu lɔgɔ na kɔdhɔ Mariyam laay ke ngaya marɛ bhɛa senno ngakaynɛ liya bhɛa sɛrɔ ɔdhdhaye.

Matiyos 1:19 ပူးပေါင်းရင်းမြစ်များ

Lɔgɔ Sabba 38:24

Na hunaa taginya senno kete sizziye, hir kona ko na sɛɛsɛ Yuhudha, “Dha bɔɔ mɛrɛya nunu mesu lollumo na tɔlɔma eri.” Na nɔng Yuhudha seu, “Obhonisiyo bho na shɔktɛ go na kere!”

Lɔgɔ Sabba 6:9

Na mɛa te lɔga bere messo :Nɔa. Nɔa dha bere a hira ridhing ningginɛna lɔga gɛrsa ngani kɛddɛayo. Na kɔbh ganggua Tumu sɔng.

Markos 10:4

Na yɔk yaktɛsɛ na seyɛsɛ, “Nɔng Muse bere igomoa na sewa, ‘Hiri hunde se kegendɛ ko tɛriye, maya kɔdhdhɛsɛn lɔga kennɛnɛa dadabɔ na chuktɔ.’”

Markos 6:20

ke ngaya dha bere Heredios ɛngɛrɛ Yohanis na dhɔngɛ na bhɛgɛ shɛɛ na zug gena ngakɔdhdhɛye. Na nɔng dha bere gayɔ hunde Yohanis a hira kɛnginyana ridhing ningginɛnaye. Na hunde chirar lɔga yokkono :Yohanisiye, chɔɔ ko hunde karaktɛ ko hini na kuchurɛ, nɔng dha bere chirar hinisa bo hɔla hung.

Zuga Kèkko 10:22

Na yɔk seyɛsɛ, “Agge kohonynyo bhɛa hira ku gulsaa bholisuny kènno Kornolios. Nɔng a hira challa kachcha Tumu na dhɔngngɛa ꞉zuga Ayhudhi kumulɔng. Na bare hira ekkono ꞉Tumu kullɛna aynɛa nɔng lɔgɔ. Na eleny na ok doraa nɛnɛ na kishik lɔkte gunyde.”

Zuga Kèkko 27:39

Na hunaa bho arsaye, argi yirisi tugɔ baa bo imaggɛa lɔmma kassay bhokkonnɔ. Na ɛsɛdhɛ lɔgɔ na illobo bhɛa senno kuguliyɛ gonggul gɔrre kassaynde.