Markos 9:31 - Suri Latin

³¹ ke ngaya bere madhɛsɛn zuga kɔbhbhɛa nɔng sɔng lɔgɔye. Nɔng bere madhɛsɛna na senɛsɛna, “Hiri Hoynɛ ale kìbhbhana na kàjjɛ zugo, na nissɛ na sani igingeyɔ ungo sizzi na bansanayɔ.”

Markos 9:31 ပူးပေါင်းရင်းမြစ်များ

Matiyos 16:21

Na Yesus tɔgɔdhay ngakaldonu na dhugunɛsɛ zuga kɔbhbhɛa nɔng lɔgɔ hunde dhaa nɔng ale maya kɔ Yerusalemɔ na chɔllayɛ :zuga Ayhudhi bibiyo ko gɔldangɛa bibiyo doraa Tumu barara ko zuga madhdhɛa zugo Damiya Tumu bere kàjjɛa Muse na ale kìni na unga ku sizzi bansana rɛsɛyɔye.

Matiyos 20:28

Anye bhee kesennagɛung ngangaye, a ore go! Hiri Hoynɛ huna bere kunno, se katagay zugo na kete yekkuya rɛsɛa zugo ga mɛra. Nɔng bhee bere kunɛ na katagaytɛ :zugu ngayo.”

Matiyos 26:2

“Nɔng igge gao chi hunde ale kɛ̀l ungo ramman na ba a Gibiriya kèe Basikaye. Na ngakoleonu ko nɔng Hiri Hoynɛ ale kàjjɛ mirɔga na kilagatɔ.”

Matiyos 27:63

na seyɛsɛ, “Komoru, agge wa kagadhtao lɔga bɔɔ yokkono :ngabutogitonu kala ngani ihɛa tunɔ. Nɔng bɔɔ annaa senno, ‘Anye ale kasani na ungo sizziyɔ, kabansandɔ.’

Markos 10:34

Na yɔk bhɔsɔrrɛ na tuhɛsɛnɛ mɔdha na dhakkɛ na nissɛyɔ. Na nɔng ale sani ungo sizzi igingeyɔ na bansanayɔ.”

Markos 8:31

Na Yesus tɔgɔdhay mɛzzi na madhɛsɛ yɔk lɔga ale chɔllanɛnɛa :Hiriyɔ Hoynɛ goore na marɛa :zuga Ayhudhi bibiyo ko gɔldangɛa bibiyo doraa Tumu barara ko zuga madhdhɛa zugo Damiya Tumu bere kàjjɛa Muse na ale ujjukkanɛa na nissɛa na rɛsɛa na ihɛa ungo sizzi igingeyɔ na bansanɛa.

Markos 9:12

Na nɔng Yesus yagɛsɛ na sɛɛsɛ, “A dhere chi. Nɔng Eliyas maya jimmana sabbɔ na kun na me lɔgɔ kumulɔng shɛɛ na ɛl damiya bɔɔ sabbune. Na lɔga Tumu bere kɔ̀gɔdhdhɛsɛna dadab sennɛa, ‘Hiri Hoynɛ maya ale chɔllanɛ lɔga bo mɛra na marrɛ :zugu,’ dha bere kɔ̀gɔdhdhɛsɛn kɛ ɔng?

Yohanis 10:18

Na chɔɔ hirre maggagany rɛsɛ na nissonyi ninggɛ. Na ko hunde kère, kɛrɛsi ke ngaya kihinnonɛ :ɛnaye. Nɔng anye kɔlɔmi buyna kɛrɛsɛi ko na kabansanɛi kari ke ngaya anɛ lɔga bere ajjanyi :Babaa nanuye.”

Yohanis 2:19

Na nɔng yagɛsɛ na sɛɛsɛ, “Igge hunde boli ngadoriya bararte, anye kɔgɔdhdhi ungo sizziyɔ na childɔ!”

Yohanis 3:14

Na damiya bere ilagɛa :Muse kono korugiye, ko nɔng Hiri Hoynɛ maya ale kilak ngadamitonu

2 Timotiyos 2:12

na hunde kùjjɛsɛn hinisi bɛna na kìnyim lɔga chɔllaunyde, ale kɛ̀l ko nɔng kari na kɔ̀lɔ zugo. Na nɔng hunde kìtimaga nɔngge, ko nɔng ale imaggiy sɛgɛn.