Markos 8:38 - Suri Latin

³⁸ Nɔng inde amɛ :liya bhɛa ngatenyda ku lollo messɛ lɔga bo gɛrsa, na marrany anye ko lɔga ganyuye, ko nɔng Hiri Hoynɛ kolea ale lɔmmanɛa dirama Babaa nɛnɛ na dhɛanɛa ko zuga kullɛna ekko :nɛa, ale amɛ :liya na mar ngadamita marɛ :nɛaye.”

Markos 8:38 ပူးပေါင်းရင်းမြစ်များ

Matiyos 12:39

Na nɔng yagɛsɛ na sɛɛsɛ, “Tenyde ku kuhu messɛ lollumoye, a gee hinnɛ bhɛa senno kartɛ lɔga bararaye. Na yɔk ale kɔ̀dhɔlɛsɛn lɔga barara bere messo :Tumu bhɛa Yonasi sɔng. Ga barara gena ngakɔ̀dhɔlɛsɛno dhul.

Matiyos 13:41

Nɔng ngakoleonu ale Hiri Hoynɛ ek zuga gɛnyɛ ekko na hɛ bhɛa zuga lɔmma :nɛa na mukkanɛ zukte tissɛ lalugɛ na kemesigi lɔga gɛrsaye ko gee messɛ lɔga ku kuhuye kumulɔng.

Matiyos 16:27

Anye bhee kesenɛ ngangaye, a ngaya Hiri Hoynɛ ale lɔmmanɛ dirama Babaa nɛnɛ na dhɛanɛ ko zuga ekko :nɛa, na ɛdhdhɛttanɛ zugo bhiy bhiy damite lɔkte bere messɛ :yɔkkuye.

Matiyos 16:28

Ga shigitɔ! Bhɛa ngazukta chillɛ ngayaye, ga ale shaw ngarɛssɛayo na ɛlla ko bhee orɛ Hiri Hoynɛ hunde kun na allinɛnɛ zugoye, ɛllɛ.”

Matiyos 16:4

Yɔk tenyde ku kuhuyaga messɛ lollumoye a gee lamɛɛ bhɛa senno kartɛ lɔga bararaye. Na yɔk lɔkte barar hinnɛ :yɔkku na kargite anye ngakɔdhɔlɛsɛnno. Na kɔdhɔlɛsɛn lɔga bere messo :Tumu bhɛa Yonasi sɔng.” Na nɔng koo dhɔyu yɔk na ogo.

Matiyos 24:30

Na ngakoleonu ale tumɔ tundɔ kòr lɔga dhɔllanɛa Hiri Hoynɛ. Na zuga bhakkɛa ba kumulɔng ale orrɛ nɔng hunde bu kun idhogiye na bo lɔmmana diram ko barartinde na ruɛ goore.

Matiyos 25:31

“Nɔng Hiri Hoynɛ hunde ale kunde, kun ke na bo lɔmmana diram na dhɛanɛ ko zuga ekko :Tumu kumulɔng. Na i alleya nɛnɛ komorumo bo lɔmma diram.

Matiyos 26:64

Na nɔng Yesus yagɛsɛ na sɛɛsɛ, “A ngagiya seniye chi. Na nɔng mɛa anye kesennagung ɛnɛnggeo, igge ale orro Hiri Hoynɛ hunde i siyɔ sɛtɛna Tumu, Komoruya Bo Ɔnnɛna na kun tumɔ na bo woono idhogiyeye.”

Matiyos 8:20

Na nɔng Yesus yagɛsɛ na sɛɛsɛ, “Yɔk dhokkoli bolkɛna gɛ ɛllɛ. Na ko yɔk shɔa doriyoa gɛ ɛllɛ. Na nɔng Hiri Hoynɛ chɔɔ bhɛa igingo ninggɛ.”

Markos 13:26

Na ngakoleonu nɔng Hiri Hoynɛ ale orrɛ :zugu hunde bu kun idhogiye na bo lɔmmana diram ko barartinde.

Markos 14:62

Na nɔng Yesus yagɛsɛ na sɛɛsɛ, “Ee! Kani nɔng chi. Na nɔng igge ale orro Hiri Hoynɛ hunde i siyɔ sɛtɛna Tumua Bo Ɔnnɛna na kun tumɔ na bo woono idhogiye toyeye.”

Markos 8:37

Oo chɔɔ ahite anda ibhbhana na chachchanɛ basseya iho dhul ihe? Ninggɛ.

Yohanis 1:14

Na Lɔgɔ annaa bere bhɔttɛa ke hiri na kàbhakta ko agge kari. Na agge bere kàrta dirama eriya Tumu dhɔnɛna bere kunno bhɛa nɛnɛ na ɛdhdhɛttanniy agge goore na madhdhagiy bhɛa lɔga Tumu anɛa dhere.

Yohanis 1:51

A challi, ga shigitɔ! Ale orro tumu hunde onɛ na zuga ekko :Tumu ɔshɔrisinɛ Hiri Hoynɛgiye na gena hɛ tumɔ, gena bhonsanɛ baye.”

Yohanis 12:34

Na seyɛsɛ :zugu, “Agge lɔga kɔ̀gɔdhdhɛsɛna Damiya Tumu sennɛ, ‘Hira kɛ̀bɛrrana kèe Kirisos ale i basseyɔ dhul ko kingi.’ Na inye ngaya senɛ, ‘Hiri Hoynɛ maya ale kilak kɛyɔye go,’ a bhɛa senɛi ɛnɛng? Na Hiri Hoynɛ a :nonni?”

Yohanis 5:27

Na chɔɔ annaa bere aynɛa buyna kedhdhɛa lɔga zugony ke ngaya anɛ Hiri Hoynɛye.

Zuga Kèkko 10:22

Na yɔk seyɛsɛ, “Agge kohonynyo bhɛa hira ku gulsaa bholisuny kènno Kornolios. Nɔng a hira challa kachcha Tumu na dhɔngngɛa ꞉zuga Ayhudhi kumulɔng. Na bare hira ekkono ꞉Tumu kullɛna aynɛa nɔng lɔgɔ. Na eleny na ok doraa nɛnɛ na kishik lɔkte gunyde.”

Zuga Kèkko 5:41

Na zuga ekko ꞉Yesusi bhonda bhɛa kedhdhɛa ꞉zugu lɔgɔ ke ga bo hinisi hɔla ke ngaya Tumu ajjɛ yɔk bhɛa chɔllanɛnɛa sara Yesusiye.

1 Tɛsɛlongke 2:19

Na hunde Komoru Yesus ale kunde, lɔkte ngani kɔlɔmmo hinisiye na ale kɔjɔanɛo diram bhɛa nɛnɛ na hinisiya gayo anɛ hɔliye a ngaya bere yɛbhɛo lɔga gɛnyɛ sɔngge.

1 Tɛsɛlongke 3:13

Na kiriyong igge na te zuga kɛnginyana ridhing ningginɛna ɛllo hurr bhɛa Babaa na Tumu hunde ale Komoru Yesus dhɛanɛ ko zuga gɛnyɛ ridhing ningginɛnaye.

2 Timotiyos 1:12

Yɔk ngalɔkta a gee mɛa kɔchɔllanɛnɛ :anyo gooreye. Na nɔng ko hunde kète nganda kɔchɔllanɛn ngangaye, anye liya ngaamɛanynyo dhul, ke ngaya kaggaɛ hira kɛyɛbhiye. Na chɔɔ lɔga ganyu bere kɛyɛbhɛsɛni nɔng, hunde bhɛk ko bhee ale wokkonɛ :nɛaye, anye kagga shɛɛ.

2 Timotiyos 1:16

Na nɔng Onesibhoru ko zuga doraa nɛnɛ any kichirbhisi :Komoruyɔ Tumu, ke ngaya nɔng bere irishshɛany goore dhogoyte. Nɔng chɔɔ huna bere kìchibbonyi gɔrgɔriyaye, bhɛa senno kɔgɔnyɛanyɔ liya ngani kusɛo.

2 Timotiyos 1:8

Na mɛa bhɛa seni kɔbhɛsɛ zugo lɔga Komoruya na ko lɔga ganyu, ngahirra kìchibbɛany lɔga gɛnyɛye, ngakussɛiny liya. Iriyɛ barartina Tumu na tɔrany anye na kɔ̀chɔllayɛi kamannaa challa kari.

Yaykob 4:4

Ngazukta sabbi dhittinɛ hɛtto ko tɛrroa messɛa lollumoye, ngaya ganɛnɛo ko lɔga banyde, hunde a bhɛa marnɛnɛo ko Tumuye, imaggoyɔ dha? Hirre se kete dehunya zuga marrɛa Tumu nɔng a mirogiya Tumu.

1 Yohanis 2:23

Yɔk zukte imaggɛ Eriya Tumu tɔllɔngge kumulɔng, bhee ɛlɛ ko Baba Na Tumu kari ke dhɔnɛ ninggɛ. Na yɔk gee yɛbhbhɛ Eriya Nɛnɛye ɛl ko Baba Na Tumu kari ke dhɔnɛ.

1 Yohanis 2:28

Na mɛa ngaerroya ganyde, igge tɛldi ko Yesus tii ke dhɔnɛ na aynde ale kolea wokkonɛa :nɛa agge bho ngakɛ̀ngɛrsɛo na liya amɛiyshoye.