Markos 7:24 - Suri Latin

²⁴ Na Yesus bana na dhɔyu ngonu na ogo Tirosɔ jaa. Na koo tunnugu dori kona na tɛu ngonu. Na tamaru bhɛa senno zugo ngakataktɛ nɔng hunde i ngadorionuye. Na ko hunde katamar nganga, nɔng bhee ullugunyɛ lɔgɔ na ihɛ ngonu dari dirr ngani ngaɔanao.

Markos 7:24 ပူးပေါင်းရင်းမြစ်များ

Lɔgɔ Sabba 10:15

Na nɔng eriya Kanani ku aw keli Sidona. Na gɔynɛa kɔbhbhana keli Hitan.

Lɔgɔ Sabba 10:19

na baa nɛ te bu. Na ngerreya nɛ kɔdhdhanɛ Sidonagiye na dho Girar dhey na dok Gaza. Na dok Sodom, Gomora, Adama ko ɔra iho Lashagiye jaa kènno Zobom.

Lɔgɔ Sabba 49:13

“Zabilone! Inye ale bhagi yirisi tugɔ na ɔra nunu a bhɛa bo challa chilɛa :gonggulo na ngerreya baa nunu kɔ na dok Sidona.

Matiyos 11:21

“Ngazukta ngaoriya kèe Korazin ko Betesaydhaye, igge ale ruyɛo rɛhi. Chɔɔ ngalɔktonu bu dhandal kìwachi bere kemesi bhɛa nuye, hunde bere kème Tirosɔ ko Sidonagiye, anda yɔk bere tunggɛsɛ lɔgɔ na malugu ruminyaa duhu na ubbulu rɛhi burɔ na ujjugu lɔga gɛ gɛrsa.

Matiyos 9:28

Na kɔbhɔ Yesus chɔɔ doraa tunnukko :nɛa. Na ghinu :Yesusi na sɛɛsɛ, “Ngangaye, hunde anye anda kibbayseung na kawara gu onɛye, yɛbhbho chi dha?” Na yɔk yaktɛsɛ na seyɛsɛ, “Ee kɛyɛbhbhoyɔ, Komoru.”

Markos 2:1

Na Yesus hunaa iho ngonu ungge muchugi na koo wokkono Kibirombe, shigi :zugu hunde dha bɔɔ waga na tɛu dori konnɔ ɔr toye ngonuye.

Markos 7:23

Ngalɔkta bu gɛrɛ ku kuhuye kumulɔng a gee bhonsanɛ hinisa hiriguny na ɛddɛɛ na anɛ hira lɔmma ridhingge.”

Markos 7:25

Na hunaa ngani anna ngangaye, nɔng tɛrite sedhdheya nɛnɛ tɔgɛsɛn :mɛnɛngiyɔ shigu sabhana Yesusi na ko ke tiri na tɔgɔdhɛsɛ kɔmma jagara gɛnyɛ.

Markos 7:31

Na Yesus bana na dhɔyu Tiros na bhɛlu baa Sidona, na koo dhau baye kèe Ori Tɔmmɔn na shidhɛ yirisiya Gelila.

1 Timotiyos 5:25

Na ko yɔk lɔga challa, kàgga tok ngadamita. Na chɔɔ ko hunde kɔtɔlɔ gee tok ngakàggayo, bhee ale munnɛnɛ dhul ko kingi ninggɛ.