Markos 5:22 - Suri Latin

²² Na bhɛa gulsachinaa allinɛnɛa doraa madhinɛnɛa zuga Ayhudhi lɔga Tumu na kèe Yaros dha bere kun na i ngonu. Na hunaa orro Yesuse, dhugumo na tɔgɔdhɛsɛ kɔmma jagara gɛnyɛ.

Markos 5:22 ပူးပေါင်းရင်းမြစ်များ

Matiyos 2:11

Na hunaa tunnukkɛa doriye, argi eri hunde ɛl ko jɔnɛ Mariyambe, na tɔgɔndɛsɛ kɔmma na ayɛ diram. Na koo oyo giligilinyaa gɛ lɔmmɛa ahaa bo dhandala na ibhta worginya ko kɛya ɔngɔnaa hur hur ko galite hɛt ko bokkoy na ayɛ.

Markos 5:33

Na tɛri hunaa taga ngalɔkta kìbbaysiɛye, tɛngɛru bho na bharriyo tik tik na ko na tɔgɔdhɛsɛ Yesus kɔmma. Na dhugunɛsɛ Yesus lɔgaa messo :nɛa kumulɔng bhɛa anɛa dhere hunde dhaa idhar :nɛaye.

Markos 5:38

Na hunaa hɛa na dokkɛa doraa gulsaa allinɛnɛa doraa madhinɛnɛa zuga Ayhudhi lɔga Tumuye, Yesus aru zugo hunde ruɛ burr na bholollɛye.

Zuga Kèkko 13:15

Na hunaa zugo toyiya Damiya Tumu bere kàjjɛa Muse ko lɔga zuga bere yogɛsɛnɛa zugo lɔga dhugunono ꞉Tumu bere kɔdhdhɛsɛnɛa dadabinya na tewa ushaye, gulsachina ngadoronu madhinɛnɛye ghini Bhaulos ko Barnabas na seyɛsɛ, “Gochonginyaye, hunde kesea lɔmmo lɔkte senno madhtɛsɛ zugo na iriytɛye, hoya na madhtɛsɛ.”

Zuga Kèkko 18:17

Na zuga ɛlla ngonu kumulɔng ibhigi gulsaa doraa madhinɛnɛa zuga Ayhudhi lɔga Tumu kèleo Sosoten na aytɛ na dhaga doraa kègedhdhɛa lɔgɔ ratagiye. Na nɔng Galiyo ngani ngatɔgiyo.

Zuga Kèkko 18:8

Na nɔng hira ku gulsaa doraa madhinɛnɛa zuga Ayhudhi lɔga Tumu kèe Keribhos ko zuga gɛnyɛ kumulɔng, yɛbhɛ Komoru Yesus. Na yɔk zuga Korontosi ga bo mɛra shigi lɔga yokkono ꞉Bhaulosi na ko yɔk yɛbhɛ na churtɛ.