Markos 4:16 - Suri Latin

¹⁶ Na gena hɛt ko ngaduguya ngɔsɛnɛ bhɛa ku guguriye. Yɔk ngazukta ku ngangaye, a gee shikkɛ lɔga Tumu na dhuggumɛsɛnɛ hinisiya bo hɔla shaw hungge.

Markos 4:16 ပူးပေါင်းရင်းမြစ်များ

Matiyos 13:5

Na gen ngɔyɛsɛ ba bhɛa ku guguri na childa shaw hung ke ngaya ba shɛɛ ningginɛnɛye.

Markos 4:15

Na zuga shikkɛa ngalɔkta gena heo ko ngaduguya ngɔsɛnɛ gangguye. Yɔk ngazukta ku ngangaye kolea shigɛa lɔga Tumu, nɔng Moldoy kun ke tiri na kɔɛ lɔgaa lɔmmɛa hinisichinne wa ngani kàmadhɛsɛna.

Markos 4:17

Na yɔk ɛllanɛ bhe chinyi ke ngaya sinda shɛɛ ningginɛnɛye. Na hunde chɔllanɛnɛ lɔga Tumu oo kàhangɛ lɔga Tumu na dokkonɛ lɔkte dhandaliye, dhɔttɛ ngalɔkta yɛbhbhɛye shaw hung.

Markos 6:20

ke ngaya dha bere Heredios ɛngɛrɛ Yohanis na dhɔngɛ na bhɛgɛ shɛɛ na zug gena ngakɔdhdhɛye. Na nɔng dha bere gayɔ hunde Yohanis a hira kɛnginyana ridhing ningginɛnaye. Na hunde chirar lɔga yokkono :Yohanisiye, chɔɔ ko hunde karaktɛ ko hini na kuchurɛ, nɔng dha bere chirar hinisa bo hɔla hung.

Yohanis 5:35

Nɔng Yohanis bere hɛtta ko goa walda na abakkanna ba. Na ko igge annaa tɛhɛndo hɔldina nɛnɛ na hinisiya gu keteya hɔli bɛrgunyaye muchugi.

Zuga Kèkko 26:28

Na Agiriba nɔng sɛɛsɛ Bhaulos, “Na kèe inye dhaa seni bhɔdhany na kɛ̀yɛbh Yesus mɛarrɛ dhogoy.”

Zuga Kèkko 8:13

Na ko nɔng Simon yɛbhu ngalɔkta na churtɛ ko yɔk kari. Na tɔru Bhilibhos na dhi kari gɔrre kɔɛye na iwachiu lɔga messo ꞉Tumu bo barara dhandala.