Markos 3:18 - Suri Latin

¹⁸ Na kona a Indiriyas, Bhilibhos, Bartolomiyos, Matiyos, Tomas, ko eriya Ilbiyosi kèe Yaykob ko Tadiyos ko Simona marra lɔga allinɛnɛa :komoruya Rome zuga Ayhudhi,

Markos 3:18 ပူးပေါင်းရင်းမြစ်များ

Matiyos 13:55

Nganda ngayo liya ngananita ghende doriyoye? Na chɔɔ jɔnɛ ngakeliyo Mariyam? Na gochonginyaa gɛnyɛ ngayo :Yaykobi ko :Yosebi ko :Simoni ko :Yihudha?

Matiyos 9:9

Na Yesus hunaa bansana ngonu na kɔaye, koo aru hirre muk gharata kèe Matiyos hunde i bay bhɛa mugɛa gharataye na sɛɛsɛ, “Ga kɔbhaanydɔ!” Na nɔng bana na kɔbhu.

Markos 2:14

Na hunaa dhoo ngonuye, aru eriya Ilbiyosi kènno Lewiy hunde i bay bhɛa mugɛa gharataye, na sɛɛsɛ, “Ga kɔbhaanydɔ!” Na nɔng bana na kɔbhu.

Markos 3:17

Na gena a erroa Zɛbɛdosi kèe Yaykob ko gɔynɛa kèe Yohanis. Nɔng Yesus dha bere kɔdhdhɛsɛn yɔk sarre kèe Bhornages. Na “Bhornages” a bhɛa kènɛa, “Erroa hɛtta ko tumua ujjo na bhadhdha.”

Markos 3:19

ko Yihudhaa Askorotu ale kɔdhdhɛsɛna Yesus mirɔga.

Markos 6:3

Ngangaye, nganda ngayo naniya ghendo doriyo ku eriya Mariyami, gochonginyaa gɛnyɛ kèleo Yaykob, Yosa, Yihudha ko Simon? Na ngɔnigɛ kàbhakka ko agge kari?” Na tamara na ta lɔga gɛnyɛ.

Yohanis 1:40

Na bhɛa ngazuktonu ku ramman bere shikkɛ lɔga yokkono :Yohanisi na kɔbhbhɛ Yesuse, kona bere anna Indiriyas. Nɔng a gochonga Simona kèe Betiros.

Yohanis 11:16

Na nɔng Tomassa kènno Didimos sɛɛsɛ zuga kɔbhbhɛa Yesus kari, “Ko agge banda kago na kèrgi ko nɔng kari.”

Yohanis 14:22

Na koo Yihudha ghinu Yesus na sɛɛsɛ, “Komorue, ngangaye bhee seni dhugunogiy agge rɛa nunu na zugo kumulɔng ngadhugunɛsɛniye a ore?” (Nɔng ngahirra Yihudhaa Askorotu ngayo.)

Yohanis 21:2

yɔk Simon Betiros ko Tomas ko Natinayela ku hira bere kùhudhukkono ɔra iho baa Gelila kènno Kana, ko erroa Zɛbɛdosi ko zuga kɔbhbhɛa Yesus gena gee ku ramman, bere ɛlla kari. (Nɔng Tomas sara gɛnyɛ gena keli Didimos)

Zuga Kèkko 1:13

Na hunaa dokkɛa ɔrte, ago doraa ungusɛa ku bɛ na irrɔgɔ balanggi tundɔ. Na zuga ɛlla ngonu bere anna Betiros ko Yohanis ko Yaykob ko Indiriyas ko Bhilibhos ko Tomas ko Bartolomi ko Matiyos ko eriya Ilbiyosi kènno Yaykob ko Simona marra lɔga allinɛnɛa :komoruya Rome zuga Ayhudhi ko eriya Yaykobi kènno Yihudha.

Zuga Kèkko 15:13

Na yɔk hunaa yoktoa lɔgɔ na tewa ushaye, Yaykob ko nɔng bana na yagɛsɛ na sɛɛsɛ, “Gochonginyaye, ga chirartanyuyɔ!

Zuga Kèkko 21:18

Na bhorre agge ko Bhaulos kayto na kɔgɔnydo Yaykob. Yɔk dha bere zuga bibiyo lɔmmɛa zuga yɛbhbhɛa Yesus mukkinya kumulɔng na ɛl ngonu.

Yaykob 1:1

Ngadadabta kɔgɔdhdhagung :anyo Yaykobi, hira kagayi Tumu ko Komoru Yesus Kirisos. Na kittonnogung igge, ngagettoya ku 12 bere bhassanyɛsɛno ba kumulɔngge. Na kissaunggɔ, anno challi hung?

Yihudha 1:1

Ngadadabta kɔgɔdhan :anyo Yihudha, hira ku gochonga Yaykobi kagayi Yesus Kirisos. Na kɔgɔdhdhagung igge, zuga bere ibhbhagungu :Babaa Na Tumu hini na eleongu na bhɛkkungu na ale lɔmmungu :Yesus Kirisosi.