Markos 2:20 - Suri Latin

²⁰ Na nɔng kolea kɛ̀hɛyɛa karuy na ko yɔk kari ngaɛlɛayo, ale andanayɔ. Na ngakoleonu yɔk aynde ale chibɛ rɛhi hunynɛnde.

Markos 2:20 ပူးပေါင်းရင်းမြစ်များ

Matiyos 26:31

Na koo Yesus sɛɛsɛ zuga kɔbhbhɛa nɔng, “Igge ngabarta, koo dhɔttanyu na bhasanɛno kumulɔng ke ngaya aleo orɛo lɔga kodokkoni :anyoye. Nɔng anye bhee kesennagɛung ngangaye a ore go, ngalɔkta agga bere kɔ̀gɔdhdhɛsɛna dadaba lɔga Tumu sennɛa, “‘Anye ale kinisi hira iwonɛna na mɛdɛrniya gɛnyɛ bhasanɛyɔ.’

Matiyos 9:15

Na nɔng yagɛsɛ na sɛɛsɛ, “Ngangaye karuy hunde duriye, anda rɔra ɛlla kari munyussɛyɔ? Ngamunyussɛyo. Nɔng kolea kɛ̀hɛyɛa karuy na ko yɔk kari ngaɛlɛayo, ale andanayɔ. Na ngakoleonu yɔk ale chibɛ rɛhi hunynɛn.”

Markos 2:19

Na yagɛsɛ :Yesusi na sɛɛsɛ, “Ngangaye karuy hunde duriye, anda rɔra ɛlla kari rɛhi hunynɛn chibbɛyɔ? Ngachibbɛo. Yɔk bhee rɛhi hunynɛn ngachibbɛoye a ngaya ɛlɛ ko karuy kariye.

Markos 2:21

“Nɔng inde ibhbhana ruma ngani chaga bhokkona na dhagɛsɛn na nyagasa ninggɛ. Chɔɔ ko hunde kadhagɛsɛ, nganda chakte ale rudh nganda nyagasse na aminɛ na ɛrrɛynɛ na hologun ɔginɛ ke bu na jorrono hologuna bɔɔ sabbune.

Yohanis 12:8

Yɔk bhoyoga ɛllo ko igge kari tii. Nɔng anye ko igge kari tii ngakɛllo.”

Yohanis 13:33

“Na mɛa erroa ganyuye, anye bhee kɛlɛ ko igge dirr ninggɛ. Nɔng igge ale lameonyuyɔ. Na damiya bere kesenɛsɛni gulsachina Ayhudhi, mɛa ko igge kesennagung ɛnɛnggeo, ‘Gɔrre ale kɔgɔɛ :anyoye, bhee hɛyɛo :iggeu, ninggɛ.’

Yohanis 16:28

Nɔng anye annaa bere kabansani bhɛa ihɛa Babaa nanu na kuguni chɔɔ ba. Na mɛa ale kɔdhɔyi ba na kowogi bhɛa Babaa nanu sɛgɛn.”

Yohanis 16:7

Na nɔng mɛa ga shigitɔ! Nɔng anye ngaya keni kɔ̀gɛye, bhɛa nu a challi. Nɔng hunde ngakɔgɔyoye, bhee ale kunɛ :Hira Irishshongngu ninggɛ. Na nɔng hunde kokkaye, ale kekkon nɔng na assanunggɔ.

Yohanis 17:11

Nɔng mɛa anye ale kokka na kassainyɔ inye. Bay gɔrra dirr ale ngani ngakihiyo. Na yɔk zuga ganyu ale ngani bhakkɛ ba gɔrra. Na mɛa Baba Nanu Kullɛna Ridhing Ninggɛninyiye, bhɛk yɔk shɛɛ barartina sara gunyu bere ajjanyi anye, na ko yɔk kete dhɔnɛ ngadamita naye.

Yohanis 17:13

“Nɔng mɛa anye kani nganda keni kòk na kàssainy inyeye. Na nɔng bhee koyokkogɛiny ngalɔkta hunde ngani kihi bay gɔrraye, a ngaya keni ngazukta ganyde keteɛ ga bo hinisi hɔla hunde nande.

Yohanis 3:29

Chɔɔ ga kɛ̀lɛhɛnagung lɔga wololo. Kolea wololo ɛnaa tɛriyny a :roriyɔ. Na bàra dori kùduriyɛa i kɔk na chirar lɔga yogɛsɛna :roriyɔ. Na hunde shikte, dɛl na hini a hɔli. Na mɛa ngadamita dɛlɛ :barte, ko anye bhɛa Kirisosi hini hɔllany goore.

Zuga Kèkko 1:9

Na hunaa yogoa ngalɔkta na tewa ushaye, argi hunde kɔ tumɔye. Na nɔng ulubu ꞉idhoɔ na yɔk ngani ngaorrɛo.

Zuga Kèkko 14:23

Na hana madhinɛnɛa kumulɔng bɛrtɛsɛ zuga bibiyo bhiy bhiy na kalliyɛy zuga yɛbhbhɛa kamannaa Yesusi. Na chɛbɛ rɛhi hunynɛn na ogoldɛsɛ yɔk Tumu na dhɔtɛsɛ Komoru Yesus hira bere yɛbhbhɛa.

Zuga Kèkko 3:21

Yesus nɔng mɛa i tumɔ ko bhee ale Tumu bhɔdhɛ ba ke chagi kumulɔng huna lɔga bere bhiigɛsɛna zugo na yokkonɛa ꞉zuga bɛrrana ꞉Tumu na yogɛsɛnɛa zugo lɔga dhugunono ꞉nɛa.