Markos 16:19 - Suri Latin

¹⁹ Na Komoru Yesus hunaa yogɛsɛa ngalɔkta na tewa ushaye, kàytɛ tumɔ na koo tɛu bay bhɛa Tumu sɛtɛn.

Markos 16:19 ပူးပေါင်းရင်းမြစ်များ

Markos 16:20

Na yɔk zuga kɔbhbhɛa nɔng koo banda na ago na madhtɛsɛ zugo lɔga Tumu ba kumulɔng. Na Komoru Tumu dha bere mesinɛ ko yɔk kari, na ajjɛ bhɛa messɛa lɔga bo barara na zugo kataga bhɛa lɔga gɛnyɛ anɛa dhere.

Yohanis 13:1

Na huna bere unga Gibiriya Basika dhɔynɛna dhɔnɛɔ, nɔng Yesus bere ɛlla ko zuga kɔbhbhɛa nɔng kari. Na dha bere nɔng gayɔ hunde kolea senno kɔdhɔyɛ ngabaya na kɔgɛ bhɛa Babaa nɛnɛ i jaaye. Na a bhee bere ibhɛsɛn zuga gɛnyɛ kɔbhbhɛa nɔng bhakkɛa ba hini na yelɛ gooreye.

Yohanis 16:28

Nɔng anye annaa bere kabansani bhɛa ihɛa Babaa nanu na kuguni chɔɔ ba. Na mɛa ale kɔdhɔyi ba na kowogi bhɛa Babaa nanu sɛgɛn.”

Yohanis 17:13

“Nɔng mɛa anye kani nganda keni kòk na kàssainy inyeye. Na nɔng bhee koyokkogɛiny ngalɔkta hunde ngani kihi bay gɔrraye, a ngaya keni ngazukta ganyde keteɛ ga bo hinisi hɔla hunde nande.

Yohanis 20:17

Na sɛɛsɛ :Yesusi, “Ga ngaibhbhonyi ke ngaya mɛa bhɛa Babaa nanu ngani kàbanɛo na kɔ̀gɛoye. Na nɔng mɛa ga ok na yogɛsɛ gochonginyaa ganyu na sɛɛsɛ, ‘Wa seaganyɔ, “Mɛa anye kani nganda kabansi na kɔgɔ bhɛa Babaa nanu ko naa nuye, ko bhɛa Tumu Komoruya nanu ko naa nuye.”’”

Yohanis 21:15

Na yɔk hunaa ussa tila na tewa ushaye, nɔng Yesus ghinu Simon Betiros na sɛɛsɛ, “Eriya Yona Simone, ngangaye ibhbhagany hini goore na chɔɔ ngalaluguya jorrondɔ?” Na nɔng yagɛsɛ na sɛɛsɛ, “Mmm! Komoru, anye hunde kibhbhaginy hini gooreye, inye gayɔ.” Na sɛɛsɛ :Yesusi, “Ee, hunde a ngangaye, bhɛk mɛninyaa ganyu na iwo shɛɛ ni!”

Yohanis 21:22

Na Yesus yagɛsɛ na sɛɛsɛ, “Kesea kihinnon :anyo tɔllɔng na ga kɛtɛ basseyɔ ko bhee ale kowokkonɛ :anyo, na inye lɔga gɛnyɛ ghini na me ɛnɛng? Inye maya kɔbhbhany hung!”

Yohanis 6:62

Na igge hunde mɛa argi Hiri Hoynɛ hunde bana na wok gɔra bere kunɛaye, anda senno se ɛnɛng?

Zuga Kèkko 2:33

Na nɔng annaa kàytɛa tumɔ na tɛwa bhɛa Tumu sɛtɛn. Na aynɛ ꞉Tumu Kuloya Nɛnɛ damiya bere bhiigɛsɛna lɔgɔ na ko nɔng Yesus ayiy agge. Na ngalɔktonu a ngagiya shikkano nyabha na orrono kawarreye.

Zuga Kèkko 3:21

Yesus nɔng mɛa i tumɔ ko bhee ale Tumu bhɔdhɛ ba ke chagi kumulɔng huna lɔga bere bhiigɛsɛna zugo na yokkonɛa ꞉zuga bɛrrana ꞉Tumu na yogɛsɛnɛa zugo lɔga dhugunono ꞉nɛa.

1 Timotiyos 3:16

Yɔk lɔga bere dhugunnogiy :Tumu ajjiyɛa bhɛa kɔ̀ɔbhɛa lɔga gɛnyɛ dhere, agga kìwacheo goore dhogoy na chɔɔ ko hinisi ngakàraginɛnɛayo. Na ngalɔktonu a ɛnɛnggeo, Nɔng bere dhɔlagiyɔ rɛ ke hiri, na dhugunoa :Kuloya Tumu, bhɛa anɛa Eriya Tumu dhere, na arta :zuga ekko :Tumu, na lɔga gɛnyɛ kàmadhtɛsɛa bhorinya kumulɔng, na zuga bhakkɛa ba yɛbhta nɔng, na kàytɛa tumɔ na bo lɔmma diram.