Markos 16:18 - Suri Latin

¹⁸ Na chɔɔ ko hunde kibhigi konna sɛnɛ oo kirgi zibunyaa rɛsɛny, ɛl hung. Na ale tadhɛ zuga ilagassɛa sɛnɔ na bassɛyɔ.

Markos 16:18 ပူးပေါင်းရင်းမြစ်များ

Lɔgɔ Sabba 3:15

Na inye ko ngatɛrita ale annɛno mirɔkɔn. Na ko nɔng ashaya nunu ko na nɛnɛ ale annɛ mirɔkɔn. Na nɔng ale rɔnyiny sabbaa nunu. Na inye ale ngɛti tiinyoya nɛnɛ.

Markos 5:23

Na tɔllɔhɛsɛ goore na sɛɛsɛ, “Sedhdheya nanu chinynyo ilaga na a rɛsi. Na mɛa ga wo na tadhɛ siyɔ na ibbaysi na kaba.”

Zuga Kèkko 19:12

Na chɔɔ ruma kìdharɛa nɔng hunde kɛ̀hɛyɛ na kidharɛ zuga ilagassɛaye, bassɛ na mɛnɛnga bhonsanɛyɔ.

Zuga Kèkko 3:12

Na hunaa Betiros orro zugoye, sɛɛsɛ, “Zuga Isirayeliye, gunyey na iwachinɛnɛo ɔng? Na gunyey churr huna zuga kemesso lɔga challa na kibbayseo ngahirra barartina nayo kɛ ɔng?

Zuga Kèkko 3:16

Na ngahirra ku anyakuwanday orro na gao kumulɔngge, wa bawa ke ngaya yɛbhɛ sara Yesusiye. Ee! Nɔng ngahirra basɛ ngaya yɛbhɛ Yesuse. Na mɛa a nganda i ke na bo iho shɛɛ na orro ꞉iggeu kumulɔngge.

Zuga Kèkko 4:10

ga kòyoktogung shɛɛ na taga ꞉iggeu ko zuga Isirayeli kumulɔng. Ngahirra basɛ sara hira Nazireti kènno Yesus Kirisos bɔɔ ilakko ꞉iggeu na ibbaniseono ꞉Tumu rɛsɛyɔ. Na aynde mɛa ngahirra chilɛ ngaya ke na bo challaye.

Zuga Kèkko 4:22

Nɔng ngahirronu kìbbaysi lɔga bo kìwacheoye dha bere oynyaa gɛnyɛ a zugo ramman ko gena.

Zuga Kèkko 4:30

Na dhɔla yira nunu na kibbaysi zuga ilagassɛa na keme lɔga bo barara kìwacheo sara hira kachinyi inye ridhing ningginɛna kènno Yesus.”

Zuga Kèkko 9:34

Na sɛɛsɛ ꞉Betirosi, “Ɛniyaye! Wa ibbayseinyɔ ꞉Yesus Kirisosi. Na ga bana tɛhɛ hayaa nunu!” Na nɔng bana ke tiri.