Markos 16:16 - Suri Latin

¹⁶ Nɔng inde yɛbh ngakamannaya na kùchurte, ale bassɔ. Na nɔng inde ngayɛbhbhoye ale kùjjukkanayɔ.

Markos 16:16 ပူးပေါင်းရင်းမြစ်များ

Matiyos 28:19

Na mɛa ago madhtɛsɛ bhorinya kumulɔng lɔga ganyu na kete zuga kɔbhbhanyɛa. Na churu sara Babaa na Tumu ko gaa Eriya Nɛnɛ ko gaa Kuloya Nɛnɛ,

Markos 1:15

“Kolea urruknyɛsɛnɛa lɔga bere bhiigɛsɛna :Tumu zugo wa kowa. Na mɛa ko nɔng kolea senno kɔtɔlɔmɛ :nɛa zugo te ja. Na mɛa ujjugu lɔga gu gɛrsa na yɛbhɛ kamannaa challa.”

Yohanis 20:31

Na yɔk ngalɔkta bere kɔ̀gɔdhdhɛsɛn ngadadabta toyeye, agga bere kɔ̀gɔdhdhɛsɛna na kènno yɛbhtɛ :iggeu bhɛa Yesus anɛa Kirisos ko bhɛa anɛa Eriya Tumu. Na hunde yɛbhbho nɔngge, aynde jɔanɛo basseya iho dhulde.

Yohanis 3:36

Na hirre yɛbh Eriya nɛnɛye, lɔ basseya iho dhul. Nɔng inde Eriya nɛnɛ ngayɛbhbhoye, bassey ngajɔanao ke ngaya ngani lɔmɛɛn :Tumu lɔgɔye.”

Yohanis 3:5

Na nɔng yagɛsɛ na sɛɛsɛ, “A challi. Ga shiktɔ! Hiri hunde ma ko Kuloya Tumu ngani kùchuruttoye, bhee kɔɛ na assanɛ Tumu na lɔmɛ ninggɛ.

Yohanis 5:24

“A challi, ga shigitɔ! Inde shik lɔga ganyu na yɛbh hira bere ekkononyiye, ngangaye, tɔlɔmu basseya iho dhul na jaru rɛsɛ na ogo bhɛa basseyny na ale ngani ngakujjukkanao.

Yohanis 6:29

Na nɔng yagɛsɛ na sɛɛsɛ, “Yɔk lɔkte hin :Tumu na kèe mesigite a ɛnɛnggeo, se yɛbhtanyu anye, hira bere ekkononyi :nɛa.”

Yohanis 6:35

Na nɔng sɛɛsɛ, “Tilaa basseyny kani :anyo. Na inde kun gɔra nanuye, ale hozzo ngani ngadhakko dhul. Na inde yɛbhbhanyde, ko nɔng huny ale ngani ngadhakko dhul.

Yohanis 6:40

Na sɛgɛn lɔkte hin :Babaa Nanuye gena, a ngaya kèe inde orrony anye Eriya Tumu, na yɛbhbhanyde, kɔjɔa basseya iho dhul na kala ale wurtune kɔ̀dhɔngnga :anyo rɛsɛɔye.”

Yohanis 8:24

Anye annaa kennagungu, ‘Igge ale rɛsɛo lɔga gu gɛrsa.’ Na mɛa hunde marro lɔgaa koyokkogungu hunde kani nɛng na ngayɛbhbhooye, ale rɛsɛo lɔga gu gɛrsa dhere.”

Zuga Kèkko 10:43

Na zukte yɛbhbhɛ nɔngge kumulɔng jɔanɛ bhɛa ujjugɛa lɔga gɛ gɛrsa sara gɛnyɛ damiya bere yogɛa ꞉zuga yogɛsɛnɛa zugo lɔga dhugunono ꞉Tumu.”

Zuga Kèkko 13:39

Yɔk zukte yɛbhbhɛ nɔngge kumulɔng bhonsɛsɛnɛ bhɛa hɔla. Nɔng damiya bere madhɛungu ꞉Muse bhɛa ujjugɛa lɔga gu gɛrsa na garsɛa dhul ninggɛ. Yɔk ngalɔkta Yesusiye ga Muse jorronɛyɔ.

Zuga Kèkko 13:46

Na Barnabas ko Bhaulos bho ngani ngaɛngɛrsɛo na seyɛsɛ, “Lɔga Tumu sabbɔ maya koyokkogung igge zuga Ayhudhi. Na hunde wa tamarto ꞉eygo bhɛa jɔanɛo basseya iho dhulde, agge kɔbhɔdhinɛno na koyogɛsɛno bhorinya gen.

Zuga Kèkko 2:38

Na sɛɛsɛ ꞉Betirosi, “Ujjugu lɔga gu gɛrsa na churtɛ sara Yesusi kumulɔng. Na ko nɔng Tumu kujjuk lɔga gu gɛrsa na kaung Kuloya Nɛnɛ.

Zuga Kèkko 2:41

Na zuga yɛbhbhɛa lɔgaa madhɛsɛna yɔk churtɛ ma. Na ngakaldonu zukte aynde ku 3,000 yɛbhɛ ngalɔkta na tɔrɔ ga bere yɛbhbhanɛa Yesus sabbɔ.

Zuga Kèkko 22:16

Na mɛa ihi bay dhɛɛ kɛ ɔng? Bana, eli sara Yesusi na churrɛ na tonyo lɔga gunyu gɛrsa.

2 Tɛsɛlongke 1:8

Na ngakaldonu Komoruya na Yesus ale atti zukte marrɛ kamannaa nɛnɛ challa na imaggɛ Tumuye.

2 Tɛsɛlongke 2:12

na aynde Tumu kedhdhɛ lɔga ngazuktonu bu dɛllɛ lɔga gɛrsa na ga ku dhere ngayɛbhɛoye kumulɔng na attiɛye.