Markos 16:14 - Suri Latin

¹⁴ Na koo Yesus dhɔlɛsɛ zuga kɔbhbhɛa nɔng ku 11 rɛ hunde dɔshshɛ bay na aminɛye. Na wologu goore ke ngaya sabbi anɛ dhandali na lɔgaa bansanɛa rɛsɛyɔ yogɛsɛnɛa :zugaa orrɛa nɔng ngayɛbhɛoye.

Markos 16:14 ပူးပေါင်းရင်းမြစ်များ

Matiyos 11:20

Na koo Yesus wologu zuga bere oriya gɛ messɛa :nɛa lɔga bo dhandala kìwacheo ke ngaya lɔga gɛ gɛrsa ngani kujjuktɛoye, na sɛɛsɛ,

Matiyos 17:20

Na nɔng yagɛsɛ na sɛɛsɛ, “A ngaya Tumu goore ngayɛbhɛoyoye. Na nɔng mɛa ga shigitɔ! Hunde tɔlɔmɔ yɛbha bhɛa chinynyo godhe hɛtta ko katilay kawari, na seyɛsɛ ngakutulda, ‘Bɔchiyaa ngaya na ok ngonu,’ kɔyɔ. Na chɔɔ anda lɔkte dhandal bhɛa nu na ngaɔninyao, ninggɛ dhul.

Matiyos 28:17

Na hunaa orrɛa nɔngge, tɔgɔndɛsɛ kɔmma. Na yɔk gena dhaktɛ ko hinisi.

Markos 7:18

Na nɔng sɛɛsɛ, “Ngangaye ko igge ngalɔkta bhɛa ku hologun ngani tunggɛsɛo na tagato? Nɔng igge gao chi hunde ahaa amma :hiriyɔ bhee hɛyɛ na ɛddɛɛ hiri na lɔmɛ ridhing ninggɛye.

Yohanis 20:25

Na koo zuga kɔbhbhɛa Yesus yoktɛsɛ Tomas na seyɛsɛ, “Agge hunaa wa karto Komoru!” Na nɔng sɛɛsɛ, “Anye hunde moloa lɔmma sɛnɛ bɔɔ kàragɛsɛna muddɛn ngani kàrro na kùgummo hallagiya nanu, na moloya iho kulubhbheniyɔ siyɔ ngani kìchɔrɛsɛoye, ngakɛyɛbhiyo.”

Yohanis 20:26

Na yɔk hunaa tɛlda ungo issabbay na tewa ushaye koo muktɛ dorigiye ko Tomas kari damiya bɔɔ sabbune. Na ngakaldonu, dori bere anna nyuginɛ. Na ko hunde dori kete nyuginɛ nganga, nɔng Yesus koo dhula na chilu kɛrghɛna nɛ na sɛɛsɛ, “Tɔlɔmɔ zany na tɛldi ke na bo challa!”

Yohanis 20:27

Na sɛɛsɛ Tomas, “Ga wo gɔny sɛna ganyu na kum hallagiyɔ. Na ga ittono siyɔ na ichɔrɛsɛ kullubhbheni toye bhɛa bɔɔ kɔ̀gɔdhdhanyi. Anye hunde ngani kani basiye mɛa yɛbh hung na ko hini ngadhaginɛno!”

Yohanis 21:1

Na kali kona Yesus dhɔlɛsɛ zuga kɔbhbhɛa nɔng rɛ sɛgɛn yirisiya kèe Tibirado. Na huna dhɔlɛsɛna yɔk rɛ, bere anna ɛnɛnggeo,

Yohanis 21:14

Nɔng Yesus huna bere bansana rɛsɛyɔ na dhɔlɛsɛna zuga kɔbhbhɛa nɔng rɛ, mɛa hunde kɔ̀tɔrɛ ngandaye, te jagarɛ kɛngi sizzi.

Zuga Kèkko 1:3

Na nɔng anna bere sabbɔ rɛsayɔ na banaa na koo dhɔlɛsɛ yɔk rɛ kɛngi mɛri ungo zugo ramman na kataga bhɛa ihɛa basseyɔ dhere. Na hunaa dhɔlɛsɛna rɛ na ɛlla kariye, madhɛsɛ bhɛa Tumu lɔmɛa zugo.