Markos 15:43 - Suri Latin

⁴³ hira kènno Yoseb bere irrittinyana Armatiyagiye, bho ngani ngaɛngɛrɛso na ogu na ghinu Bhilatos na kaynɛ hiri na koytɔ. Nɔng Yoseb dha bere a hira kàggaa kedhdhɛa ko zuga Ayhudhi bibiyo lɔgɔ. Na ko nɔng dha bere re kolea ale lɔmɛa :Tumu zugo.

Markos 15:43 ပူးပေါင်းရင်းမြစ်များ

Matiyos 19:30

Na ngazukta bu mɛr ku sabbaye, yɔk ale a wuru. Na ngagiya bu mɛr ku wuruye ale a gee ku sabbaye.”

Matiyos 20:16

Na mɛa ko yɔk zukte ku sabbaye, ale a wuru nganga. Na gee ku wuruye, ale a gee ku sabbaye.”

Matiyos 27:57

Na hunaa bho senno kete ririnyaye, hirre bu aha mɛri kèe Yoseb ko. Nɔng a hira dha bere irrittinyana Armatiyagiye na ko nɔng kɔbh Yesus.

Markos 14:54

Na nɔng Betiros tɛa wurtɔ ko rɛna na kɔbhbhɛ wurtɔ wurtɔ ko bhee dogɛ tu kɛnga gɔldanga bo doraa Tumu barara. Na koo assa zuga bhɛginɛna ngonu na tɛa bay na sa go kari.

Markos 15:44

Na Bhilatos hunaa shikko hunde dhaa Yesus ereye, iwachɛɛ na seu, “Na shaw hung wa ere ɛnɛng?” Na koo eleo gulsaa bholisuny na ghinu na sɛɛsɛ, “Ngangaye, wa rɛ kingi?”

Yohanis 19:38

Na hunaa tewa ngangaye, hira kènno Yoseb bere irrittinyana Armatiyagiye ko nɔng bere iho ngonu. Nɔng a hira kɔbhbha Yesus na yɛbhbha lɔga gɛnyɛ dari ke bhɛa ɛngɛrsɛa gulsachina Ayhudhi. Na koo ghinu Bhilatos na kaynɛ hiri na koytɔ. Na hunaa kìgomɛsɛnaye, ibha na ɔgɛ.

Zuga Kèkko 13:50

Na yɔk gulsachina Ayhudhi kɔnkɔnɔ tɛrroa ngaɔrronu lɔmmɛa aha yɛbhbhɛa damiya Ayhudhi ko gulsachina ngaɔrronu na katamara Bhaulos ko Barnabas, na kɔlda.

Zuga Kèkko 17:12

Na bhɛa nɛ yɔk zuga Ayhudhi yɛbhbhanɛa Yesus te mɛri. Na ko yɔk zuga Giriki bo mɛra toynɛna kàggaa, ga ngaha ko ga maya kari, yɛbhɛ Yesus.