Na koo Yesus sɛɛsɛ zuga kɔbhbhɛa nɔng, “Igge ale dhɔttanyu na bhasanɛno kumulɔng ke ngaya lɔga bere kɔ̀gɔdhdhɛsɛna dadaba lɔga Tumu senɛ, ‘Anye ale kinisi hira iwonɛna na mɛdɛrniya gɛnyɛ bhasanɛyɔye.’
Nɔng anye annaa taa kɛ̀lla kari na kamadhi zugo tu kɛnga doraa Tumu barara na igge ngani ibhtonyuo. Na nɔng bhee ibhbhɛanyu mɛaye, a ngaya kèe kubhugnyɛsɛ :lɔga bere kɔ̀gɔdhdhɛsɛna dadabinyaa lɔga Tumuye.”
Nɔng kolea dhɔtɛanyu bhichang na bhasanɛnɛo na hɛyɛo doriyoa gu bhiy bhiy ale kundɔ. Nɔng chɔɔ ngakoleonu a mɛa toye rɛ. Na nɔng ko hunde kete nganga, anye bhichang ngakihiyo ke ngaya kɛlɛo ko Baba nanuye.
Nɔng chɔɔ anye kala bere sabbune kìchilɛanyi na kɛɛnganɛi lɔgɔ, zugo bere dhɔttanyɛa na hɛa kumulɔng na chɔɔ hirre dhɔnɛ ɛananyi bere ningginɛna dhul. Na Tumu nɔng any kɔgɔny ngalɔkta gɛye ke challi. Na ke gɛrsi ngagunyi.
