Markos 14:49 - Suri Latin

⁴⁹ Nɔng anye annaa taa kɛ̀lla kari na kamadhi zugo tu kɛnga doraa Tumu barara na igge ngani ibhtonyuo. Na nɔng bhee ibhbhɛanyu mɛaye, a ngaya kèe kubhugnyɛsɛ :lɔga bere kɔ̀gɔdhdhɛsɛna dadabinyaa lɔga Tumuye.”

Markos 14:49 ပူးပေါင်းရင်းမြစ်များ

Matiyos 1:22

Yɔk ngalɔkta kumulɔng bhee anɛ ngangaye, a ngaya kèe kurruknyɛsɛ lɔga Komoru Tumu bere yokkono :hira yogɛsɛna zugo lɔga dhugunono :nɛaye. Yɔk ngalɔktonu sennɛ,

Matiyos 26:54

Nɔng mɛa hunde kème nganga, yɔk lɔga bere kɔ̀gɔdhdhɛsɛna dadabinyaa lɔga Tumu kènno kurruknyɛsɛ ngalɔkta, bhee urruknyɛsɛnɛ ninggɛ.”

Matiyos 26:55

Na koo Yesus sɛɛsɛ ngazuktonu bu mɛrte, “Na ngangaye wa lɔgɔndao mashachina ko lurginya na muktiyao na ibhtonyu huna hira kani chimtay? Anye nɔng annaa taa kihi tu kɛnga doraa Tumu barara bay na kamadhi zugo, na igge ngani ibhtonyuo.

Matiyos 26:56

Na nɔng bhee ɛrrinyanɛ ngalɔkta kumulɔngge, a ngaya kèe kurruknyɛsɛ :lɔga bere kɔdhdhɛsɛnɛa :zuga yogɛsɛnɛa zugo lɔga dhugunono :Tumu dadabte.” Na yɔk zuga kɔbhbhɛa nɔng dhɔyɔ nɔng kumulɔng na ngeyo.

Markos 10:1

Na koo Yesus bana na dhɔyu ngonu na ogo baa Yudha ko baa iho Yordanosɔ tandɔ. Na zuga bo mɛra hoya na muknyɛsɛ nɔng sɛgɛn. Na nɔng madhu damiya taa nɛnɛ.

Markos 11:27

Na koo wakta chɔɔ Yerusalem sɛgɛn. Na Yesus hunaa yireo doraa Tumu barara tu kɛngɔye, yɔk gɔldangɛa bibiyo doraa Tumu barara ko zuga madhdhɛa zugo Damiya Tumu bere kàjjɛa Muse ko zuga Ayhudhi bibiyo hoya na assa nɔng,

Markos 12:35

Na Yesus hunaa ngani madhdha zugo doraa Tumu barara tu kɛngɔye, ghinu na sɛɛsɛ, “Ngangaye, yɔk zuga madhdhɛa zugo Damiya Tumu bere kàjjɛa Muse sennɛ, ‘Kirisos a eriya Dawiy’ ɛnɛng?

Markos 14:48

Na nɔng Yesus sɛɛsɛ zugo, “Ngangaye wa muktiyao na lɔgɔndao mashachina ko lurginya na ibhtonyu huna naa kani chimtay?

Markos 14:50

Na yɔk zuga kɔbhbhɛa nɔng dhɔyɔ kumulɔng na bhassayɛ.

Yohanis 10:23

Na Yesus nɔng bere yireo doraa Tumu barara tu kɛngɔ bhɛa kèleo Boloya Sɔlɔmɔni.

Yohanis 18:20

Na nɔng Yesus yagɛsɛ na sɛɛsɛ, “Anye bere kudhugunɛsɛni zugo kumulɔng lɔgɔ dib bhɛa sɛrɔ ɔdhdha. Na huna taa kamadhi zugo doriyoa madhinɛnɛa zuga Ayhudhi lɔga Tumu ko doraa Tumu barara bhɛa ɛlɛa :zuga Ayhudhi kumulɔng, lɔkte koyogɛsɛn zugo dari, ninggɛ dhul.

Yohanis 7:37

Na kala dheshinyanɛa :gibiriyɔ na zugo duriyɛa goore, Yesus koo chilu doraa Tumu barara tu kɛngɔ na yogo lɔgɔ goore na seu, “Hunde lɔ inde dhak :hunyde, sɛɛ kugo bhɛa nanu na kirrɛ.

Yohanis 8:12

Na koo Yesus yogɛsɛ zugo lɔgɔ sɛgɛn na sɛɛsɛ, “Anye kani hɔldina zuga bhakkɛa ba kumulɔng. Na inde yɛbhbhany anye na kɔbhbhanyde, ale jɔana hɔldina lɔmma basseya iho dhul na mugurɔ dhɔkkɔy ngani ngayiriyo.”

Yohanis 8:2

Na bhorroyɔ shaw waga na ogu doraa Tumu barara tu kɛngɔ. Na zugo kumulɔng muktiyaa na assa nɔng. Na nɔng tɛa bay na kamadhtɔ.