Markos 14:36 - Suri Latin

³⁶ Na seu, “Babae, Babae, inye ani na ɔani lɔgɔ kumulɔng. Na mɛa isogɛ ngakombita chɔllaunyde bhɛa nanu. Na nɔng any kubhugnyɛsɛ :lɔga sennani :inyo. Ga kesennani :anyo ngabhugnyɛsɛnɛ.”

Markos 14:36 ပူးပေါင်းရင်းမြစ်များ

Lɔgɔ Sabba 18:14

Ngangaye, ahite dhandal na Tumu ngaɔanao ihe? Rogonɔ hunde oyo andana na se kete ngakoleyaye kowokkondɔ. Na Ngasara ngakaldonu lɔ erite may.”

Matiyos 26:39

Na nɔng sɛyɛ ko rɛna bhe chinyi na dhagɛ rɛ ba ke shura na mumɔ tɔgɔdhɛ ba na alliyɛ ko Tumu na seu, “Babae! Hunde ɔande, isogɛ ngakombita chɔllaunyde bhɛa nanu. Na nɔng any kubhugnyɛsɛ :lɔga sennani :inyo. Ga kesennani :anyo ngabhugnyɛsɛnɛ.”

Matiyos 26:42

Na koo wagu sɛgɛn, na alliyɛ ko Tumu na seu, “Baba nanuye! Hunde bhee isogɛ ngakombita chɔllaunyde bhɛa nanu ninggɛ na maya dhaa kamayi ahaye ɛl toyeye, any kete damite sennanɛ :inyoye hung.”

Matiyos 6:9

“Na hunde allinɛno ko Tumuye, se ɛnɛnggeo, “‘Baba nayo ihi tumɔ, sara gunyu any kɛɛnggiyaa ke barari.

Markos 10:27

Na nɔng Yesus gɔnyu yɔk na sɛɛsɛ, “Ngalɔkta ku ngangaye bhee ɔanɛ :hiriyɔ ninggɛ. Na nɔng bhɛa Tumu nganga ngayo. Nɔng ɔana lɔgɔ kumulɔng.”

Markos 10:39

Na yɔk seyɛsɛ, “Ee, kɔanoyɔ!” Na sɛɛsɛ :Yesusi, “Nɔng igge ahaye ale kamayi :anyo kombiyɔye, ko igge ale mattoyɔ. Na churaye ale kùchurrɛany anyeye, ko igge ale kùchurronggɔ.

Markos 14:37

Na hunaa wokkono chɔɔ bhɛaa dhɔyɛa zuga kɔbhbhɛa nɔng ku sizziye, aru hunde dhaa tunggioye. Na eliu Betiros na sɛɛsɛ, “Simon, wa tungu? Na chɔɔ wa rɛginy bhɛa ihɛi sati dhɔnɛ tunɔ na renɛnɛi?

Yohanis 12:27

“Anye mɛa kɔlɔmi lɔgɔ hinisɔ na kushurnɛn goore, na mɛa dha ale keseni ɛnɛng? Maya keseni, ‘Babaye, ibbayseony ngalɔkta ale kɔchɔllanɛnɛye’ ka? Ay, anye bhee kesenɛ nganga ninggɛ. Bere kuguni na kɔ̀chɔllayɛi ngalɔkta kɔchɔllanɛnɛ mɛa toyeye rɛ.

Yohanis 18:11

Na Yesus nɔng sɛɛsɛ Betiros, “Yagɛsɛ masha shebbel! Inye seni chɔllaa bere ajjanyi :Babaa nanu na kɔ̀chɔllayɛi, ale ngakɔchɔllanɛno ka?”

Yohanis 4:34

Na nɔng yagɛsɛ na sɛɛsɛ, “Anye hunde kigomɛsɛn hira bere ekkononyi na kurrugɛsɛn lɔga gɛnyɛ bere ajjanyiye, ngandonu a amissɛte nande.

Yohanis 5:30

Yɔk lɔkte kemesi :anyo bhichang ninggɛ. Anye kegedhdhi lɔga kishikkani sɔng na yɔk ɛl dib ke ngaya kemesɛ lɔga hinno :hira bere ekkononyi sɔng na ga kihinnoni :anyo ngakemesɛoye.

2 Timotiyos 2:13

Na chɔɔ agge ko hunde nɔng ngakɛ̀yɛbhi, nɔng kali kali i ke na kìbhɛsɛna hinisi na kɛ̀yɛbhbha, ke ngaya bhee kɛnganɛ rɛa nɛnɛ na imagɛ ningginɛnɛye.”

Tito 1:2

Na hunde yɛbhɛ ngakamannaya ku dhere na bhɛgɛ shɛɛye, ibhɛsɛnɛ lɔga ale jɔanɛa basseya iho dhul hinisi damiya bere ɛsɛdhdhanɛa :Tumu sabbaa nɛnɛ huna chɔɔ ba ngani kètegenyoayo. Yɔk ngalɔkta hunde a dhereye, kàggayɔ ke ngaya Tumu butomo ngameziyɛoye.