Markos 12:40 - Suri Latin

⁴⁰ Na yɔk hunde allinɛ ko Tumuye ghurtɛ lɔgɔ tɔllɔng na kargi :zugu, na tiranyɛ tɛrroa ku bhoyoga na usurrannɛ ahaa gɛ. Yɔk ngazukta ku ngangaye kolea ale kedhdhɛa ꞉Tumu lɔgɔ, attiya nɛ a bu.”

Markos 12:40 ပူးပေါင်းရင်းမြစ်များ

Matiyos 23:13

“Na mɛa ngazukta tabhbho zugo nigite bu madhdho zugo Damiya Tumu bere kàjjɛa Museye, ko ngagiya kɔbhbho damiya Bhɛrɛsiye, igge ale ruyɛo rɛhiya gu, ke ngaya nyugɛo ganggua senno kaytɛ :zugu gɔra lɔmɛa :Komoruya tumony zugoye. Nɔng igge sabbiya gu rɛ, marro bhɛa hɛyɛo bhɛa lɔmɛa :Komoruya tumony zugo na chɔɔ kanyɛo zuga hinnɛa bhɛa senno kaytɛ ngonu.

Matiyos 23:14

“Na igge ngazukta tabhbho zugo nigite bu madhdho zugo Damiya Tumu bere kàjjɛa Museye, ko ngagiya kɔbhbho damiya Bhɛrɛsiye, ale ruyɛo rɛhiya gu, ke ngaya tiranyɛo tɛrroa ku bhoyoga na usurranɛo ahaa gɛye. Nɔng igge attiya nu, ale a dhandali, ke ngaya hunde allinɛno ko Tumuye, ekkanɛo lɔgɔ dirr huna naa senno kartɛung :zuguye.

Matiyos 23:33

“Ngazukta bu hɛtto ko konnaa lɔmmɛa madhdha ko hoyaa kurmusinyanyde! Ngangaye igge senno ale jorro bhɛa ale kùjjukkanɛungu na kàttiyɛungu goa iho dhul ka?

Matiyos 6:7

Na hunde allinɛno ko Tumuye, ngaalliyɛ damiya zuga Tumu ngagayɛayo ɛkkanɛa lɔgɔ dirr hunaa naa ale kìshikko.

Markos 12:39

na hunde hɛ doriyoa madhinɛnɛa zuga Ayhudhi lɔga Tumuye, hinnɛ alleyiya challa. Na hunde hɛ hana ammɛa ꞉zugu amissɛye, hinnɛ alleyiya ɛlɛa :zuga bibiyo.

2 Timotiyos 3:6

Yɔk ngazukta agga tabhɛsɛnɛa zugo lɔgɔ na hɛa doriyoa zugony na tabhbhɛa tɛrroa tɔlgɔnya messɛa lɔga gɛrsa na margiyɛa :lɔga bo mɛra ku kuhu hinnonɛa :sabbiya gɛ na chɔllanɛnɛa.