Markos 12:28 - Suri Latin

²⁸ Na hira madhdha zugo Damiya Tumu bere kàjjɛa Muse kona ko na shigu lɔgaa ɛkkɛnyannɛnɛa :Yesusi ko zuga kɔbhbhɛa damiya Sodhokka. Na hunaa tagga hunde Yesus dhugunɛsɛn zugo lɔgɔ dib dibte, ghinu na sɛɛsɛ, “Ngangaye bhɛa lɔga ɛlla kerɔ bere ajjiy :Tumu na kɛ̀bhɛgɛyɛ, inde jorrono lalugɛ kumulɔngge, a inong?”

Markos 12:28 ပူးပေါင်းရင်းမြစ်များ

Matiyos 19:18

Na ghinu :hiriyɔ na sɛɛsɛ, “Ngalɔktonu a lɔk giyong?” Na nɔng yagɛsɛ na sɛɛsɛ, “Agga sennɛa, ‘Hiri nganisi, lollumo ngamesi, ngaogornɛni, zugo lɔga ku butomo ngamagɛsɛni,

Matiyos 23:23

“Ngazukta tabhbho zugo nigite bu madhdho zugo Damiya Tumu bere kàjjɛa Museye, ko ngagiya kɔbhbho damiya Bhɛrɛsiye, ale ruyɛo rɛhiya gu. Igge ibhbhano ghimamunyaa gu chicho chicho anyanganisiyɛo aha na toyeo na hunde a tɔmmɔn tɔmmɔnde, dhɔnɛ dhɔnɛ ibhbhano na ajjɛo Tumu shɛɛ chi. Na yɔk ngalɔkta bu dhandal ɛl Damiya Tumu bere kàjjɛa Museye, dhɔtto na ngamessoo. Yɔk ngalɔktonu agga kègedhdhɛa lɔgɔ shɛɛ na kìchirbhisiyɛa zugo ko ga kànɛa zuga yɛbhbhiyɛa :zugu. Na nɔng igge maya chɔɔ bere messo ngalɔkta wurtuneye ko ngagiya sabbuneye kari na gena ngadhɔttoo.

Matiyos 5:19

Na hunde tɔlɔ inde dhɔt ngalɔkta ɛl Damiya Tumuye ga chicho godhe na ngani ngabhɛkko, na chɔɔ madhɛsɛ zug gena na ko yɔk ngabhɛkkɛye, nɔng ale bhɛa zuga lɔmma :Komoruya tumony kòy ke na chinynyo ghasura. Na nɔng inde bhɛk ngalɔkta ɛl Damiya Tumuye kumulɔng na chɔɔ madhɛsɛn zug gena na kɛbhɛgɛte, bhɛa zuga ale lɔmma :Komoruya tumony, nɔng ale kòy ke hira bo.

Markos 9:14

Na yɔk hunaa honynyo na dokkɛa bhɛaa dhɔynɛnɛa zuga kɔbhbhɛa Yesus ku genaye, argi hunde muknyɛsɛnɛ :zuga bo mɛra na ɛkkɛnyannɛ ko zuga madhdhɛa zugo Damiya Tumu bere kàjjɛa Museye.