Markos 10:33 - Suri Latin

³³ Na sɛɛsɛ, “Ga shigitɔ! Agge mɛa kɛ̀hɛ Yerusalemɔ, na Hiri Hoynɛ kɔ̀gɔdhdhɛsɛn gɔldangɛa bibiyo doraa Tumu barara ko zuga madhdhɛa zugo Damiya Tumu bere kàjjɛa Muse na ujjukkanɛ na kertɔ. Na hɛyɛ na ajjɛ zuga bhorinyaa anaa.

Markos 10:33 ပူးပေါင်းရင်းမြစ်များ

Matiyos 16:21

Na Yesus tɔgɔdhay ngakaldonu na dhugunɛsɛ zuga kɔbhbhɛa nɔng lɔgɔ hunde dhaa nɔng ale maya kɔ Yerusalemɔ na chɔllayɛ :zuga Ayhudhi bibiyo ko gɔldangɛa bibiyo doraa Tumu barara ko zuga madhdhɛa zugo Damiya Tumu bere kàjjɛa Muse na ale kìni na unga ku sizzi bansana rɛsɛyɔye.

Matiyos 26:66

Na mɛa senno ɛnɛng?” Na yɔk yaktɛsɛ na seyɛsɛ, “Maya rɛsɔ!”

Matiyos 27:2

Na koo ibhta na chɛbɛ na ayɛsɛ Bhilatos, hira allinɛnɛa zuga ngabaonu.

Markos 14:64

Nɔng a nganda wa dhɔmma Tumu na shiktoye. Na mɛa igge senno ɛnɛng?” Na yɔk ujjukta kumulɔng na se, “Maya rɛsɔ!”

Markos 15:1

Na bhorroyɔ shaw gɔldangɛa bibiyo doraa Tumu barara ko zuga Ayhudhi bibiyo ko zuga madhdhɛa zugo Damiya Tumu bere kàjjɛa Muse ko zuga Ayhudhi bibiyo kedhdhɛa lɔgɔ kumulɔng hunaa daktɛa Yesus go na tewa ushaye, koo ibhta na chɛbɛ na ayɛsɛ Bhilatos.

Markos 8:31

Na Yesus tɔgɔdhay mɛzzi na madhɛsɛ yɔk lɔga ale chɔllanɛnɛa :Hiriyɔ Hoynɛ goore na marɛa :zuga Ayhudhi bibiyo ko gɔldangɛa bibiyo doraa Tumu barara ko zuga madhdhɛa zugo Damiya Tumu bere kàjjɛa Muse na ale ujjukkanɛa na nissɛa na rɛsɛa na ihɛa ungo sizzi igingeyɔ na bansanɛa.

Markos 9:12

Na nɔng Yesus yagɛsɛ na sɛɛsɛ, “A dhere chi. Nɔng Eliyas maya jimmana sabbɔ na kun na me lɔgɔ kumulɔng shɛɛ na ɛl damiya bɔɔ sabbune. Na lɔga Tumu bere kɔ̀gɔdhdhɛsɛna dadab sennɛa, ‘Hiri Hoynɛ maya ale chɔllanɛ lɔga bo mɛra na marrɛ :zugu,’ dha bere kɔ̀gɔdhdhɛsɛn kɛ ɔng?

Markos 9:31

ke ngaya bere madhɛsɛn zuga kɔbhbhɛa nɔng sɔng lɔgɔye. Nɔng bere madhɛsɛna na senɛsɛna, “Hiri Hoynɛ ale kìbhbhana na kàjjɛ zugo, na nissɛ na sani igingeyɔ ungo sizzi na bansanayɔ.”

Yohanis 18:28

Na koo gulsachina Ayhudhi ibhta Yesus doraa Kayama na aytɛ doraa gulsaa bo allinɛnɛa baa Yudha. Nɔng bere ngakaldonu bho ngani anna bhelley. Na yɔk zuga Ayhudhi tamara bhɛa senno kutunnuktɛ tu kɛngɔa gulsaa bo allinɛnɛa baa Yudha ke ngaya marɛ bhɛa senno ngakidiktɛ rɛhi hunde Gibiriya Basika ngani kussigitoye.

Yohanis 18:32

Yɔk bhee senɛ ngangaye, a ngaya dha bere se kurruknyɛsɛ :lɔga bere yokkono :Yesusi hunde ale rɛ ɛnɛngge.

Yohanis 19:11

Na nɔng Yesus yagɛsɛ na sɛɛsɛ, “Hunde Tumu buyna kènno alliyɛany anye ngaajjinyi, anda mɛa inye ngaallinɛnɛanyo. Na nɔng inde bɔɔ ibhbhanany anye na ajjinɛnɛany bhɛa nunuye, nɔng aynde jorroniny inye na me lɔga bo gɛrsa dhandalaye.”

Zuga Kèkko 13:27

Na zuga bhakkɛa Yerusalem ko gulsachina gɛ timaga Yesus hunde a hira ibbayseiyye. Na ujjukta na attiyo. Na huna ujjukkanɛa, bhugnyɛsɛ lɔga taa kòtoyeo Kala Ayawsuny bere yokkonɛa ꞉zuga yogɛsɛnɛa zugo lɔga dhugunono ꞉Tumu.

Zuga Kèkko 20:22

“Na mɛa toye anye wa adhaganyɔ ꞉Kuloya Tumu lɔgɔ na kòk Yerusalemɔ. Na hunde kɔgɔ ngonu na kodokkon lɔk giyongge, kimagiyɔ.

Yaykob 5:6

Na duhiyo zuga ridhing ningginɛna ko igge ngani ɛkkɛnyandɛayo na tɔgɔndo.