Markos 10:30 - Suri Latin

³⁰ yɔk ngabɛrgunyaya mɛa toyneye, ale kɛ̀dhdhɛttan na lɔga gɛ jorronɛ ga bɔɔ sabbune jagarɛ kɛngi zugo hayna, na ale lɔmmɛ doriyo, gochonginya, ngɔnigɛ, jugɛ, erro ko gunya na marrɛ :zugu na chɔllanɛyɔ. Na yɔk bɛrgunyaye wurtune ale andanɛye, ale kàjjɛ basseya iho dhul.

Markos 10:30 ပူးပေါင်းရင်းမြစ်များ

Matiyos 12:32

Nɔng hirre dhɔm Hiri Hoynɛye, bhɛa ale kùjjugɛa lɔga gɛnyɛ gɛrsa na kèsenɛsɛna, ‘Any kagarayɛ,’ ihe. Na nɔng inde dhɔm Kuloya Tumuye, lɔga gɛnyɛ gɛrsa ngakùjjukko dhul ko kingi.

Matiyos 13:8

Na gen ngɔyɛsɛ bhɛa mɔdhɔsa na eggi dhogoni. Na kona eggeo gee ku 100, kona eggeo gee ku 60, na kona eggeo gee ku 30.

Matiyos 6:33

Na mɛa bhɛa lɔkkuny kumulɔng, ga sabbɔ goore lami bhɛa lɔmɛa :Tumu zugo na kɔbhɔ lɔga gɛnyɛ ridhing ningginɛna, na aynde ale kɔ̀tɔrrɛung ngaahaya hinno :iggeuye kumulɔngge.

Yohanis 10:23

Na Yesus nɔng bere yireo doraa Tumu barara tu kɛngɔ bhɛa kèleo Boloya Sɔlɔmɔni.

Zuga Kèkko 14:22

na kiriyi zuga bɔɔ yɛbhbhɛa Yesus na kete dhandali. Na madhtɛsɛ lɔgɔ na seyɛsɛ, “Hunde kèe kago bhɛa Tumu na kɔtɔlɔmiy ꞉nɛaye, maya kinyim chɔlla goore.”

Zuga Kèkko 16:25

Na hunaa senno kete bar kɛngɔye Bhaulos ko Silasi dha bere yɔk allinɛ ko Tumu na eterrisanɛ yello. Na yɔk zuga kìchibbo ko yɔk kari chirarnɛyɔ.

Zuga Kèkko 5:41

Na zuga ekko ꞉Yesusi bhonda bhɛa kedhdhɛa ꞉zugu lɔgɔ ke ga bo hinisi hɔla ke ngaya Tumu ajjɛ yɔk bhɛa chɔllanɛnɛa sara Yesusiye.

2 Tɛsɛlongke 2:16

Nɔng Komoruya na Yesus Kirisos sabbaa nɛnɛ ko Baba Tumu na bere yelliy na chirbhisiey na irishshey kali kali na kɛ̀yɛbhɛ lɔga ale kɔ̀jɔanɛa basseya iho dhul ko kingi,

1 Timotiyos 4:8

Nɔng hunde kàragɛsɛn rɛhi bhɛa kèmesinɛnɛa na kànɛa dhɔrɔgɔsiye, ɛaniy bhe chinyi hung. Na nɔng hunde kàragɛsɛn rɛhi bhɛa kɔ̀ɔbhɛa lɔga Tumu dib na kèmesɛa lɔga gɛnyɛye, ɛaniy lɔkke kumulɔng ke ngaya lɔmɛ lɔga bhiikagɛiy :nɛa kɔ̀jɔana mɛa toye hunde ngani kàbhak ba ngayaye ko gee ale kinginyeye.

1 Timotiyos 6:6

Na nɔng agge hunde kème lɔga hinno :Tumu na hinisiya ga ɛllanɛ bayte, kàn zuga kɛ̀dhɛynɛna goore dhogoy,

Yaykob 1:12

Hirre nyim lɔga kìllobɛaye, a tuhinɛ ke ngaya iriynɛnɛ na anɛ dhandaliye. Nɔng ale ajjɛ :Tumu basseya iho dhul ko kingi damiya bere bhiigɛsɛna zuga ibhɛsɛnɛa nɔng hinisi.

Yaykob 5:11

Nɔng igge gaoyɔ hunde zuga nyimmɛa lɔgɔ a tuhinɛye. Chɔɔ Iyob annaa bere guchcho lɔgɔ goore na chirbhiseo :Komoruyɔ na bassa. Nɔng Komoru a hira wonyɛsɛnɛa :zugu na chirbhiseo.

1 Yohanis 2:25

Na hunde kɛ̀l kari ke dhɔnɛye, kɔ̀lɔ basseya iho dhul bere bhiikkagiy :Kirisosi.

1 Yohanis 3:1

Ga gɔnyigi ngaya ibhbhagɛiy :Babaa Na hini na yellɛiy goore na ojjiy na kèliyey erroa Tumuye! Nɔng ngadamita bere ojjɛiy :nɛaye, agge kan erroa gɛnyɛ dhere! Na nɔng bhee imaggɛiyɛ :zuga marrɛa Tumuye, a ngaya imagɛ Baba Na Tumuye.