Markos 10:24 - Suri Latin

²⁴ Na yɔk zuga kɔbhbhɛa nɔng iwachi ngalɔkta yokkono :nɛaye. Na nɔng Yesus tɔrɛ sɛgɛn na sɛɛsɛ, “Yee erro, dhaa bhɛa zugo senno kɔtɔlɔmɛ ꞉Tumu a dhandali goore ni go!

Markos 10:24 ပူးပေါင်းရင်းမြစ်များ

Matiyos 19:25

Na zuga kɔbhbhɛa nɔng hunaa shikkɛa ngalɔktaye iwachiyɛ goore na ghini na seyɛsɛ, “Aay! Na hunde a ngangaye, ale ba :nonni?”

Markos 1:27

Na zugo iwachiyɛ goore na ghindɛ kɛngɔ na se, “Yee! Na dha kalda nganda a ɔng? Na mɛa dha a madhaa ngani dhullana bo lɔmma buyn ka? Ga gɔnyigiyɛ ni! Kèe nɔng dhaa yogɛsɛn chɔɔ mɛnɛnga lɔgɔ na ko yɔk shikkɛ na igomɛsɛnɛyɔ!”

Markos 10:23

Na Yesus budhɛ na gɔnyu zuga kɔbhbhɛa nɔng na sɛɛsɛ, “Yee ngangaye dhaa zuga aha mɛra bhɛa senno kɔtɔlɔmɛ ꞉Tumu dhandal goore dha!”

Yohanis 13:33

“Na mɛa erroa ganyuye, anye bhee kɛlɛ ko igge dirr ninggɛ. Nɔng igge ale lameonyuyɔ. Na damiya bere kesenɛsɛni gulsachina Ayhudhi, mɛa ko igge kesennagung ɛnɛnggeo, ‘Gɔrre ale kɔgɔɛ :anyoye, bhee hɛyɛo :iggeu, ninggɛ.’

Yohanis 21:5

Na nɔng eliu yɔk na ghinu na sɛɛsɛ, “Lusa! Urgusite dhɔnɛ kàmi ihe oo ninggɛ?” Na yɔk yaktɛsɛ na seyɛsɛ, “Ninggɛ dhul.”

Yohanis 6:60

Na zuga kɔbhbhɛa Yesus ga bo mɛra hunaa shikkɛa ngalɔktaye se, “Na dha yokkono ngalɔkta bu dhandalde, na kishik :nonni?”

1 Timotiyos 6:17

Na yogɛsɛ zukte aha mɛrte lɔgɔ na ngadhunggurrɛ na iddirnɛnɛ aha mɛrtin, ke ngaya ahaa kɔ̀lɔmma bay ngaya anɛ ga oddoniyɛa na garsɛa shaw hungge. Na yogɛsɛ na kiddirtɛy Tumu, Komoruya ɛdhdhɛttanniy lɔkke kumulɔng na ajjiy bhɛa hinisiya ga anɛa hɔli.

1 Yohanis 2:1

Erroa ganyuye, bhee kɔgɔdhdhagɛung ngalɔktaye, keni ngamesigi lɔga gɛrsa. Na nɔng hunde hir kona keme lɔga gɛrsa, nɔng hira tɔrriy agge na tɔllɔhɛsɛna Baba Na Tumu ihe. Nɔng a Hira Ridhing Ningginɛna kènno Yesus Kirisos.

1 Yohanis 4:4

Na mɛa ngaerroya ganyde, igge anno erroa Tumu. Na annaa bere tamarto lɔga ngazukta ku butogaye dhul na dhɔtto, ke ngaya Kuloya Tumu lɔmmo :iggeu anɛ na jorrono ɔnneya ngakuloyta allinɛnɛ zuga marrɛa Tumuye.

1 Yohanis 5:21

Na mɛa ngaerroya ganyde, bhɛa ngaahaya ibhbhɛ :zugu ke barariye, rɛhiya gu bhɛgɛtɔ!