Markos 10:17 - Suri Latin

¹⁷ Na Yesus hunaa ngani senno kɔgɔdhay wochinde, hir kona ngea gɔra nɛnɛ na tɔgɔdhɛsɛ kɔmma na sɛɛsɛ, “Ngahirra chal madhdhiyte, ngangaye bhɛa keni kɔ̀jɔyay basseya iho dhul maya kemesi ɔng?”

Markos 10:17 ပူးပေါင်းရင်းမြစ်များ

Matiyos 17:14

Na hunaa honyo na dokkɛa bhɛa ɛlɛa :zugaa mɛraye, nɔng hir kona ko gɔ̀rrè Yesusiye na tɔgɔdhɛsɛ kɔmma na sɛɛsɛ,

Matiyos 25:34

“Na nɔng Komoru ale senɛsɛn gaa ɛlla bhɛa nɛnɛ sɛtɛn, ‘Igge ngagiya bere tuhong :Babaa nanuye, hoya bhaga bhɛa lɔmɛungu :nɛa bere kɔdhdhanɛa bɛrgua ngani kèghendonɛa ba ko mɛa toye na ojjogungu kɔk.

Matiyos 28:8

Na tɛrro dhɔyɔ igingey ke tiri na nge ga bo ɛngɛrsɛa bho na tanda dɛlɛsɛnɛa gɔrɔ gɔrɔ. Na ago na koyoktɛsɛ zuga kɔbhbhɛa Yesus ngalɔkta.

Markos 1:40

Na kali kona hirre am :gedhdhe kona ko na tɔgɔdhɛsɛ kɔmma na tɔllɔhɛsɛ na sɛɛsɛ, “Komorue, inye ani barari. Na mɛa hunde sea :inyo sabbaa nunu, anda onynyonony na kabasi na kihi hurr.”

Markos 10:18

Na nɔng Yesus yagɛsɛ na sɛɛsɛ, “Sennagany ‘hira challa’ kɛ ɔng? Nɔng inde chalde a Tumu dhɔnɛnɛ sɔng. Kona ninggɛ.

Markos 12:14

Na yɔk koo hoya na seyɛsɛ, “Hira madhdhiy, inye hunde ani hira yogi lɔga ku dhereye, agge kaggaoyɔ ke ngaya lɔga yokkɛinyɛa :zugu ngatɔgiyɛo na zugo gunyi kawariya dhɔnɛna na madhɛsɛn lɔga Tumu dhereye. Na agge ngaya kàgadhiyɛ Kesar gharataye, a challi oo a gɛrsi?

Markos 9:25

Na Yesus hunaa orro zuga bo mɛra hunde ngessanɛ gɔra nɛnɛye, wologu mɛnɛngi na sɛɛsɛ, “Ngamɛnɛngita dhiy eri nyabha na ibhi chɔɔ kadhdhakkaye, kesennaginy bhona bhɛa ngaerita na ok dhul na sɛgɛn ngawogɛsɛni!”

Yohanis 3:2

Na barɔ ogu na assa Yesus na sɛɛsɛ, “Hira Madhdhiy, hunde ani hira ekkoninyi :Tumu na madhdhagiy lɔgɔye, kaggaoyɔ ke ngaya mesɛ ngalɔkta bu bararte. Inde ajjiny bhɛa mesɛi ngalɔktaye a Tumu sɔng. Kona ngayo.”

Yohanis 5:39

Nɔng igge toyeo dadabinyaa Lɔga Tumu goore na marakko ke ngaya senno ale jɔanɛo ganggua basseya iho dhulde. Yɔk ngadadabinyaonu agga yokkɛa lɔga ganyu

Yohanis 6:40

Na sɛgɛn lɔkte hin :Babaa Nanuye gena, a ngaya kèe inde orrony anye Eriya Tumu, na yɛbhbhanyde, kɔjɔa basseya iho dhul na kala ale wurtune kɔ̀dhɔngnga :anyo rɛsɛɔye.”

Zuga Kèkko 16:30

Na obhoniseo bho na sɛɛsɛ, “Ngazukta kachcho Tumuye! Hunde keni kàba lɔga ganyu gɛrsaye maya kemesi ɔng?”

Zuga Kèkko 2:37

Na koo zugo hunaa shikkɛa ngalɔktaye, kɛngi bhɔttɛ na seyɛsɛ Betiros ko zuga ekko ꞉Yesusi, “Gochonginyaye, na mɛa senno kèmesso ɔng?”

Zuga Kèkko 20:32

“Na mɛa anye kɔdhɔttagung Tumu ko lɔga gɛnyɛ challa chirbhisiuny. Na ko igge kutuhong ꞉lɔga gɛnyɛ na tɛhɛyɛ ko zuga bere yɛbhbhɛa Yesus ridhing ningginɛna na ale sɛrɛyɛa lɔga bere kìbhiigɛsɛna yɔk.

Zuga Kèkko 9:6

Na mɛa bana ok ɔr toye. Na lɔkte kèe mese ale yokkoginyɛ ngonu.”

Tito 3:7

Na aynde Tumu chirbhisiɛy agge na kɛ̀tɛldi hurr bhɛa nɛnɛ na kète erroa gɛnyɛ kìbhɛsɛna lɔga ale kɔ̀jɔanɛa basseya iho hinisiye dhulde.

1 Yohanis 2:25

Na hunde kɛ̀l kari ke dhɔnɛye, kɔ̀lɔ basseya iho dhul bere bhiikkagiy :Kirisosi.