Markos 10:1 - Suri Latin

¹ Na koo Yesus bana na dhɔyu ngonu na ogo baa Yudha ko baa iho Yordanosɔ tandɔ. Na zuga bo mɛra hoya na muknyɛsɛ nɔng sɛgɛn. Na nɔng madhu damiya taa nɛnɛ.

Markos 10:1 ပူးပေါင်းရင်းမြစ်များ

Matiyos 26:55

Na koo Yesus sɛɛsɛ ngazuktonu bu mɛrte, “Na ngangaye wa lɔgɔndao mashachina ko lurginya na muktiyao na ibhtonyu huna hira kani chimtay? Anye nɔng annaa taa kihi tu kɛnga doraa Tumu barara bay na kamadhi zugo, na igge ngani ibhtonyuo.

Matiyos 4:23

Nɔng Yesus bere woo baa Gelila kumulɔng na madhdha zugo doriyoa gɛ madhinɛnɛa lɔga Tumu, na kɔbhɛsɛna kamannaa challa ale lɔmɛa :Tumu zugo. Na chɔɔ bere ibbayseo zuga ilagassɛa mutanyoga bhiy bhiy ko ga chɔllaa bhoyɔ kumulɔng.

Markos 1:21

Na koo ago na daga ɔra kènno Kibirom. Na hunaa tewa Kala Ayawsunyde, Yesus ogo doraa madhinɛnɛa zuga Ayhudhi lɔga Tumu na madhu zugo.

Markos 10:2

Na zuga kɔbhbhɛa damiya Bhɛrɛsi gena hoya na illobo nɔng na ghini na seyɛsɛ, “Ngangaye hiri bhɛa dhɔyɛa tɛri na kennɛnɛa bere Damiya Tumu ajjiy :Muse kìgombɛsɛ oo ngani?”

Markos 12:35

Na Yesus hunaa ngani madhdha zugo doraa Tumu barara tu kɛngɔye, ghinu na sɛɛsɛ, “Ngangaye, yɔk zuga madhdhɛa zugo Damiya Tumu bere kàjjɛa Muse sennɛ, ‘Kirisos a eriya Dawiy’ ɛnɛng?

Markos 14:49

Nɔng anye annaa taa kɛ̀lla kari na kamadhi zugo tu kɛnga doraa Tumu barara na igge ngani ibhtonyuo. Na nɔng bhee ibhbhɛanyu mɛaye, a ngaya kèe kubhugnyɛsɛ :lɔga bere kɔ̀gɔdhdhɛsɛna dadabinyaa lɔga Tumuye.”

Markos 2:13

Na Yesus koo wagu chɔɔ yirisiya Gelila dhey sɛgɛn. Na zuga bo mɛra muktiyaa na hoya bhɛa nɛnɛ na madhu :nɛa.

Markos 4:2

Na nɔng madhu yɔk lɔga bo mɛra na ɛlɛhɛnɛsɛ lɔgɔ na sɛɛsɛ,

Markos 6:2

Na hunaa tewa Kala Ayawsunyde nɔng koo tɔgɔdhay madha na madhu zugo doraa madhinɛnɛa zuga Ayhudhi lɔga Tumu. Na zuga bere shikkɛa lɔga gɛnyɛ ga bo mɛra iwachiyɛ na ghindɛ kɛngɔ na se, “Ngangaye, ngahirra dha ngalɔkta kunɛ ori? Na ngabho gaana kàjjɛ nɔngge dha aynde kunɛnɛng? Na ngalɔkta bu dhandal barar kìwachiye dha me ɛnɛng?

Markos 6:34

Na Yesus hunaa bhonsana gonggulɔ na orro zuga bo mɛraye, towonydɛsɛ :zugu ke ngaya hɛt ko mɛdɛrniya hira iwoo ningginɛnaye. Na koo madhɛsɛ lɔga bo mɛra.

Markos 6:6

Na bere iwachinɛna goore ke ngaya zuga baa nɛnɛ nɔng ngayɛbhɛoye. Nɔng Yesus bere woo ori toye ngonu na madhɛsɛna zugo lɔga Tumu.

Yohanis 10:40

Na koo wagu na ogo chɔɔ kidhoa bere churɛa :Yohanisi zugo sabbɔ kènno Yordanos tandɔ na tɛu ngonu ungge muchugi.

Yohanis 11:7

Na koo sɛɛsɛ zuga kɔbhbhɛa nɔng, “Ga banda kàwaga baa Yudha se.”

Yohanis 18:20

Na nɔng Yesus yagɛsɛ na sɛɛsɛ, “Anye bere kudhugunɛsɛni zugo kumulɔng lɔgɔ dib bhɛa sɛrɔ ɔdhdha. Na huna taa kamadhi zugo doriyoa madhinɛnɛa zuga Ayhudhi lɔga Tumu ko doraa Tumu barara bhɛa ɛlɛa :zuga Ayhudhi kumulɔng, lɔkte koyogɛsɛn zugo dari, ninggɛ dhul.