Markos 1:34 - Suri Latin

³⁴ Na nɔng ibbaysiu zuga ilagassɛa ga bo mɛra lɔmmɛa mutanyoga bhiy bhiy, na obhoniseo mɛnɛnga bo mɛra bhɛa zugony. Na yɔk mɛnɛnga dha bere Yesus hunde a hir inongge gaɛyɔ. Na nɔng taganyɛ yɔk bhɛa senno ngakudhugundɛ nɔng hunde a hir inongge.

Markos 1:34 ပူးပေါင်းရင်းမြစ်များ

Matiyos 4:23

Nɔng Yesus bere woo baa Gelila kumulɔng na madhdha zugo doriyoa gɛ madhinɛnɛa lɔga Tumu, na kɔbhɛsɛna kamannaa challa ale lɔmɛa :Tumu zugo. Na chɔɔ bere ibbayseo zuga ilagassɛa mutanyoga bhiy bhiy ko ga chɔllaa bhoyɔ kumulɔng.

Matiyos 4:24

Na koo kamannaa nɛnɛ shigi :zugu kumulɔng na tɛhɛtɛy ko baa Soriya. Na zugo hoyɛy zuga ilagassɛa mutanyoga bhiy bhiy, ko ga chɔllanɛna ilagayɛna bo dhandala, ko ga tɔgɛsɛnɛa :mɛnɛngu, ko ga amma kalalɛ, ko ga chudhinɛna kumulɔng na ayɛsɛ nɔng na ibbaysiu.

Markos 1:25

Na Yesus wologu mɛnɛngiya lɔmma :hiriyɔ rɛhɔ na sɛɛsɛ, “Dhiyɛ! Na bhona bhɛa ngahirra na ogo!”

Markos 3:12

Na nɔng Yesus aynɛ lɔgɔ ke dhandali na taganyɛ bhɛa senno ngakudhugundoy nɔng hunde a hir inongge.